IHubo

Kumqondisi wokuhlabela. Imaskili.* Ihubo likaDavida alihlabela uDowegi um-Edomi esetshele uSawuli ukuthi uDavida ufike endlini ka-Ahimeleki.+

52 Kungani uzigqaja ngezenzo zakho ezimbi, wena qhawe elilamandla?+

Uthando lukaNkulunkulu oluqotho luhlala lukhona.+

2 Ulimi lwakho lubukhali njengereza,+

Lulobuqili njalo lubumba amacebo amabi.+

3 Uthanda okubi ukwedlula okuhle,

Uthanda ukukhuluma amanga ukwedlula iqiniso. (Selah)

4 Uthanda ukukhuluma amazwi alimazayo,

Ulimi lwakho lulobuqili!

5 Yikho uNkulunkulu ezakubhubhisa ungaphindi ube khona,+

Uzakudonsa akukhiphe etendeni lakho.+

Uzakusiphuna elizweni labaphilayo.+ (Selah)

6 Abalungileyo bazakubona lokho bamangale,+

Bazakuhleka wena oliqili bathi:+

7 “Nangu umuntu ongazange aphephele kuNkulunkulu,*+

Kodwa owathembela enothweni yakhe enengi,+

Wathemba lamacebo akhe amabi.”

8 Kodwa mina ngizafanana lesihlahla sama-oliva esiyisithingithingi esisendlini kaNkulunkulu,

Ngilethemba lokuthi uNkulunkulu uzangithanda+ kuze kube nini lanini.

9 Ngizakudumisa kuze kube phakade Nkulunkulu ngenxa yalokho okwenzileyo.+

Phambi kwabantu bakho abaqotho,

Ngizathembela ebizweni lakho+ ngoba lihle.