UZakhariya

NguJehova owenza amayezi ezulu,

Nguye onika abantu izulu,+

Lonika bonke amabele emasimini.

 2 Onkulunkulu bezimuli zabo bayakhohlisa,*

Izangoma zabo zibona imibono yamanga,

Zikhuluma ngamaphupho angelancedo,

Lenduduzo yazo ayincedi ngalutho.

Yikho abantu bezahlanhlatha njengezimvu,

Bahlupheke ngenxa yokuthi abalamelusi.

Ngizababeka icala abakhokheli abalesihluku

Ngoba uJehova wamabutho usewukhumbulile umhlambi wakhe,+ indlu yakoJuda.

 4 Induna ivela kuye,

Umsekeli wombusi* uphuma kuye,

Idandili* lempi livela kuye,

Bonke abakhokheli* baphuma kuye.

 5 Bazakuba njengamaqhawe asempini,

Anyathenyathela udaka olusemgwaqweni.

Bazakulwa impi ngoba uJehova ulabo,+

Abagadi bamabhiza bazayangiswa.+

 6 Ngizakwenza indlu kaJuda ibe ngcono kulezinye,

Ngisindise indlu kaJosefa.+

Ngizababuyisela elizweni labo

Ngoba ngizakuba lesihawu kubo,+

Kube angathi angizange ngibalahle,+

Ngoba nginguJehova uNkulunkulu wabo njalo ngizabaphendula.

 7 Abako-Efrayimi bazakuba njengeqhawe elilamandla,

Inhliziyo zabo zizathokoza angathi banathe iwayini.+

Abantwababo bazakubona lokhu bajabule,

Inhliziyo zabo zithokoziswe nguJehova.+

 8 ‘Ngizabatshayela ukhwelo ngibabuthanise ndawonye,

Ngizabahlenga+ babe banengi,

Baqhubeke besanda.

 9 Lanxa ngibahaza njengenhlanyelo phakathi kwezizwe,

Bazangikhumbula besezindaweni ezikhatshana,

Bazavuselelwa baphenduke lamadodana abo.

10 Ngizabasusa elizweni leGibhithe,

Ngibakhiphe lase- Asiriya.+

Ngizabaletha elizweni laseGiliyadi+ laseLebhanoni,

Babe banengi baze baswele indawo yokuhlala.+

11 Ngizakwehlisela uhlupho phezu kolwandle ngidabule phakathi kwalo,

Ngitshaye amagagasi olwandle.+

Inziki yeNayili izakoma qha,

Ukuzigqaja kwe-Asiriya kuqedwe nya,

Lentonga yaseGibhithe isuswe.+

12 Mina Jehova ngizabenza babe ngcono kulabanye+

Njalo bazahamba ebizweni lami,’+ kutsho uJehova.”