ImiSebenzi Yabaphostoli
6 Kwathi ngalezonsuku abafundi belokhu besanda, amaJuda akhuluma isiGrikhi aqalisa ukusola amaJuda akhuluma isiHebheru ngoba abafelokazi bawo babengatholi ukudla okwakumele bakuphiwe nsuku zonke.+ 2 Yikho abaliTshumi Lambili babuthanisa bonke abafundi bathi kubo: “Akuqondanga* ukuthi sitshiye ilizwi likaNkulunkulu siyekwaba ukudla ematafuleni.+ 3 Ngakho bafowethu, zikhetheleni phakathi kwenu amadoda ayisikhombisa adume ngokwenza okuhle*+ njalo agcwele umoya lokuhlakanipha+ ukuze siwabeke ukuthi akhangele indaba le eqakathekileyo.+ 4 Kodwa thina sizaqhubeka sithandaza futhi sifundisa abantu ilizwi.” 5 Bonke abafundi bathokoza besizwa lokhu, basebekhetha uStefane indoda eyayilokholo oluqinileyo njalo eyayigcwele umoya ongcwele, loFiliphu,+ loProkhuru, loNikhanori, loThimoni, loPhamena kanye loNikholayi we-Antiyokhi owayephendukele ekholweni lwesiJuda.* 6 Babaletha kubaphostoli futhi abaphostoli bathandaza, basebebabeka izandla.+
7 Lokhu kwenza ilizwi likaNkulunkulu laqhubeka lisabalala.+ Inani labafundi lalilokhu lisanda kakhulu+ eJerusalema futhi abaphristi abanengi baba ngamakholwa.+
8 UStefane yena wayegcwele umusa kaNkulunkulu lamandla, yikho wayesenza izimangaliso lezibonakaliso ezinkulu ebantwini. 9 Kodwa abanye abantu ababesaziwa ngokuthi ngabeSinagogi Labakhululiweyo babuya bazophikisana loStefane belabeKhurene, labe-Alekizandriya labanye ababevela eKhilikhiya le-Asiya. 10 Lanxa kunjalo behluleka ukumisana laye ngoba wayehlakaniphile futhi ekhuluma ekhokhelwa ngumoya.+ 11 Basebeyenga abantu ngudlu bathi: “Simzwile ethethisa uMosi loNkulunkulu.” 12 Batshotshozela abantu labadala lababhali, bahle bamsukela bambamba ngenkani bamusa phambi kweSanihedrini. 13 Baletha ofakazi bamanga abafika bathi: “Indoda le ihlala ikhuluma kubi ngendawo engcwele langoMthetho. 14 Ngokwesibonelo sike sayizwa isithi uJesu umNazaretha uzadiliza indawo le, atshintshe lamasiko esawaphiwa nguMosi.”
15 Bonke ababehlezi phakathi kweSanihedrini bathi bemkhangela babona ukuthi ubuso bakhe babunjengobengilosi.