ABahluleli
5 Ngalolosuku uDibhora+ loBharakhi+ indodana ka-Abhinowami bahlabela ingoma bathi:+
2 “Kadunyiswe uJehova!
Ngoba amaqhawe ako-Israyeli kawazange azibophe inwele zawo,
Njalo labantu bazinikela empini.+
3 Lalelani makhosi, lingiphe indlebe lani babusi.
Ngizamhlabelela uJehova.
Ngizahlabela ngimdumise uJehova+ uNkulunkulu ka-Israyeli.+
4 Wathi uphuma eSeyiri,+ O Jehova,
Usuka elizweni lako-Edomi,
Umhlaba wazamazama lezulu lathululeka,
Amayezi athulula amanzi awo.
5 Izintaba zancibilika* phambi kukaJehova,+
Kwancibilika leSinayi phambi kukaJehova+ uNkulunkulu ka-Israyeli.+
6 Ngensuku zikaShamigari+ indodana ka-Anathi,
Ngensuku zikaJayeli,+ kwakungasahanjwa emigwaqweni;
Abantu basebehamba ngezindlela eziqumelayo.
7 Izakhamizi zako-Israyeli ezihlala emaphandleni zazingasabonwa,
Zanyamalala kwaze kwavuka mina Dibhora,+
Ngavuka ngaba ngumama wabantu bako-Israyeli.+
Wawungeke ubone ihawu loba umkhonto
Emadodeni ako-Israyeli angu-40 000.
Kadunyiswe uJehova!
10 Lina eligada obabhemi abaluthuli,
Elihlala phezu kwezingubo zohlonzi,
Lani elihambahamba emigwaqweni,
Cabangisisani ngalokhu!
11 Kwezwakala amazwi alabo ababesikha amanzi benathisa izifuyo;
Bekhuluma ngezinto ezinhle ezazenziwe nguJehova,
Langezenzo ezinhle zabantu bakhe abahlala emaphandleni ako-Israyeli.
Abantu bakaJehova basebesiya emagedini edolobho.
12 Vuka, vuka we Dibhora!+
Vuka, vuka uhlabele ingoma!+
Vuka lawe Bharakhi!+ Uqhube izithunjwa zakho, wena ndodana ka-Abhinowami!
13 Ababesele beza ezikhulwini;
Abantu bakaJehova beza kimi bezokulwa labalamandla.
14 Labo ababesesigodini babedabuka ko-Efrayimi;
Balandela wena Bhenjamini belabantu bakho.
Abakhokheli bempi baphuma bevela eMakhiri,+
Kwathi labo abathwala intonga yomkhokheli wamabutho* beza bevela koZebhuloni.
15 Abakhokheli bako-Isakhari babeloDibhora,
LoBharakhi+ laye wayekhona khonapho.
Watshelwa ukuthi ehlele endaweni eligceke.+
AbakoRubheni babethandabuza kakhulu ezinhliziyweni zabo.
16 Lahlalelani phansi njengenyamazana esindwa yimithwalo yayo emibili,
Lilalele ngamunye wabo etshaya uphondo lwakhe ebiza izimvu zakhe?+
AbakoRubheni babethandabuza kakhulu ezihliziyweni zabo.
17 UGiliyadi wasala ngaphetsheya kukaJodani,+
UDani yena wasala emikhunjini,+
U-Asheri laye wayethe kho ekhunjini,
Ezihlalele lapho okufikela khona imikhumbi.+
19 EThanakhi ngasemfuleni weMegido,+
Kwafika amakhosi alwa,
Alwa amakhosi aseKhenani,+
Kodwa ehluleka ukuthatha isiliva.+
20 Izinkanyezi zalwa loSisera zisezulwini,
Zalwa laye zisezindleleni zazo emkhathini.
Lami nganyathenyathela abalamandla.
22 Kwezwakala umsindo wamasondo amabhiza,
Amabhiza akhe empi egijima ngesiqubu esikhulu.+
23 Ingilosi kaJehova yathi, ‘Kayiqalekiswe iMerozi,
Kaziqalekiswe sibili izakhamizi zayo,
Ngoba kazizange zibuye zizoncedisa uJehova,
Kazizange zimsekele uJehova lamaqhawe akhe.’
24 Kodwa uJayeli+ umkaHebheri+ umKheni,
Ubusisiwe kulabo bonke abesifazana,
Ubusisiwe kulabo bonke abesifazana abahlala ematendeni.
25 USisera wacela amanzi yena wamnika uchago.
Wamnika amasi*+ ngomganu wamakhosi.
26 Wathatha isikhonkwane setende,
Wadobha isando ngesandla sakhe sokudla,
Watshaya uSisera wamdabula ikhanda,
27 USisera wawela enyaweni zikaJayeli, walala phansi ethe dandalazi.
Wadilikela phansi enyaweni zakhe,
Ukuwa kwakhe kwaba yikunqotshwa kwakhe.
28 Owesifazana walunguza ngewindi,
Unina kaSisera waqhubeka elunguze ngewindi esithi,
‘Kungani inqola yakhe iphuzile?
Kungani ngilokhu ngingawezwa amasondo amabhiza akhe?’+
29 Abesifazana abahlakaniphileyo esigodlweni bamphendula;
Laye wayelokhu ekhuluma yedwa esithi,
30 ‘Kumele ukuthi balokhu besabelana impahla abayithumbileyo.
Iqhawe lithatha intombi, lithatha intombi ezimbili,
Banika uSisera amalembu adayiweyo, amalembu amahle abawathumbileyo,
Bagaxa entanyeni zabanqobileyo izembatho ezelukiweyo,
Bazifake zibembili kanye lamalembu adaywe aba mahle.’
31 Izitha zakho kazitshabalale,+ O Jehova,
Kodwa labo abakuthandayo kabakhazimule njengelanga liphuma.”
Ngemva kwalokho kwaba lokuthula elizweni okweminyaka engu-40.+