Amabhuku Asetshenziswe KuGwalo Lwempilo Lenkonzo YamaKhristu
SEPTEMBER 6-12
AMAGUGU ASELIZWINI LIKANKULUNKULU | UDUTHERONOMI 33-34
“Phephela Ngaphansi ‘Kwezingalo ZikaJehova Ezingelakuphela’”
it-2-E 51
UJeshuruni
Ibizo elalinikwe isizwe sako-Israyeli. Ku-Septuagint, “uJeshuruni” uhunyutshwe ngokuthi “othandwayo.” Ibizo leli kwakumele likhumbuze ama-Israyeli ukuthi angabantu abasesivumelwaneni loJehova, yikho ayelomlandu wokuhlala eziphethe kuhle.—Dut 33:5, 26; Isy 44:2.
rr-ZU 120, ibhokisi
Ukusizwa Ukuba Siphinde Sime Ngezinyawo
Singase sikhumbule ukuthi emakhulwini amaningi eminyaka ngaphambi kosuku lukaHezekeli, umprofethi uMose wathi uJehova akanawo nje kuphela amandla kodwa unanesifiso sokuwasebenzisa ukuze asize abantu bakhe. UMose wabhala: “UNkulunkulu uyindawo yesiphephelo kusukela endulo, izingalo zakhe zaphakade ziyakusekela.” (Dut. 33:27) Yebo, singaqiniseka ukuthi uma siphendukela kuNkulunkulu lapho sicindezelekile, uJehova uyosisekela ngezingalo zakhe ezinothando, asiphakamise, asisize sime ngezethu izinyawo.—Hez. 37:10.
w11-ZU 9/15 19 ¶16
Wugijime Ngokukhuthazela Umncintiswano
Njengo-Abrahama, uMose akazange akubone ukugcwaliseka kwesithembiso sikaNkulunkulu esikhathini sakhe. Kwathi lapho ama-Israyeli esezongena eZweni Lesithembiso, uMose watshelwa la mazwi: “Uzolibona leli zwe ukude, kodwa ngeke ungene ezweni engilinika abantwana bakwa-Israyeli.” Lokhu kwakungenxa yokuthi ngaphambilini, yena no-Aroni, bethukutheliswe ukuhlubuka kwabantu, ‘abasinakanga isibopho sabo kuNkulunkulu phakathi kwabantwana bakwa-Israyeli emanzini aseMeriba.’ (Dut. 32:51, 52) Ingabe uMose wadikila noma wacasuka? Lutho. Wabusisa isizwe futhi waphetha ngala mazwi: “Uyajabula, Israyeli! Ubani onjengawe, isizwe esijabulela insindiso kuJehova, isihlangu sosizo lwakho, naLowo oyinkemba yakho ephakeme?”—Dut. 33:29.
Ukuchwayisisa IMibhalo
it-2-E 439 ¶3
UMosi
Kungenzeka uJehova wenza lokhu ukuze avimbele ama-Israyeli ukuthi angaweli ekukhonzeni kwamanga ngokuthi akhonze ingcwaba likaMosi. Kukhanya angani uDeveli wayefuna ukusebenzisa isidumbu sikaMosi ekukhonzeni kwamanga ngoba uJuda, umfundi lomfowabo kaJesu Khristu wabhala wathi: “Lapho uMikhayeli ingilosi enkulu ephikisana loDeveli bebanga isidumbu sikaMosi, kazange ake amahlulele emthuka, kodwa wathi: ‘Kwangathi uJehova angakukhuza.’”—Jud 9.
SEPTEMBER 13-19
AMAGUGU ASELIZWINI LIKANKULUNKULU | UJOSHUWA 1-2
“Ungenzani Ukuze Uphumelele?”
w13-ZU 1/15 8 ¶7
Yiba Nesibindi—UJehova Unawe!
Ukuze sibe nesibindi esidingekayo sokwenza intando kaNkulunkulu, kumelwe sitadishe iZwi lakhe futhi silisebenzise. Yilokho uJoshuwa atshelwa ukuba akwenze lapho engena esikhundleni sikaMose: “Yiba nesibindi uqine kakhulu ukuba uqaphele ukwenza ngokuvumelana nawo wonke umthetho uMose inceku yami akuyala ngawo. . . . Le ncwadi yomthetho akufanele isuke emlonyeni wakho, futhi kumelwe uyifunde ngezwi eliphansi ubusuku nemini, ukuze uqaphele ukwenza ngokuvumelana nakho konke okulotshwe kuyo; ngoba uma wenza kanjalo uyoyiphumelelisa indlela yakho futhi uyokwenza ngokuhlakanipha.” (Josh. 1:7, 8) UJoshuwa wasilandela leso seluleko, futhi ‘indlela yakhe yaphumelela.’ Uma senza njengaye, siyoba nesibindi esengeziwe futhi siphumelele enkonzweni kaNkulunkulu.
w13-ZU 1/15 11 ¶20
Yiba Nesibindi—UJehova Unawe!
Kuyinselele ukuphishekela inkambo yokwesaba uNkulunkulu lapho sibhekene novivinyo olusehlelayo kuleli zwe elibi neligcwele izinkathazo. Nokho, asisodwa. UNkulunkulu unathi. NeNdodana yakhe, iNhloko yebandla, inathi. SinanoFakazi BakaJehova esikanye nabo abangaphezu kuka-7 000 000 emhlabeni wonke. Kwangathi sonke singaqhubeka sibonisa ukholo futhi simemezela izindaba ezinhle kuyilapho sihlale sikhumbula isihloko sethu sonyaka sika-2013: “Yiba nesibindi uqine. . . . UJehova uNkulunkulu wakho unawe.”—Josh. 1:9.
Ukuchwayisisa IMibhalo
‘Woba Lesibindi Uwenze Umsebenzi’
URahabi ngomunye owatshengisa isibindi ngesikhathi kufika amadoda amabili ako-Israyeli ezohlola ilizwe. Aluba wayengelaso isibindi wayengasoze awangenise emzini wakhe kodwa ngenxa yokuthi wayemethemba uJehova wawafihla amadoda la njalo wawancedisa ukuthi aphume kulelodolobho ephephile. (Josh. 2:4, 5, 9, 12-16) URahabi kazange esabe abantu loba inkosi yaseJerikho labakhula bayo ngoba wayekholwa ukuthi uJehova unguNkulunkulu weqiniso lokuthi wayezabanika lelolizwe abako-Israyeli. Ngakho wakhetha ukwenza ngendlela eyayizasindisa yena labangakibo.—Josh. 6:22, 23.
SEPTEMBER 20-26
AMAGUGU ASELIZWINI LIKANKULUNKULU | UJOSHUWA 3-5
“UJehova Uyasibusisa Nxa Sitshengisa Ukuthi Silokholo”
w86-ZU 12/15 13 ¶13
“Qina, Ume Isibindi”
Kwakuyisikhathi sokuvuna ngonyaka ka-1473 B.C.E., futhi uMfula iJordani wawudla izindwani. Izigidigidi zabantu, abadala nabancane, amadoda, abesifazane, nabantwana, babengawuwela kanjani lowomfula owawungenisa? Nokho uJehova wayeyale uJoshuwa: “Ngalokho suka uwele leli Jordani, wena nalababantu bonke.” Ngakolunye uhlangothi, abantu batshela uJoshuwa: “Konke osiyalé ngakho siyakukwenza.” AbakwaIsrayeli basuka ekamu. Abapristi bahamba kuqala, bethwele umphongolo wesivumelwano, owawumbozwe ngokucophelela nowawumelele ukuba khona kukaJehova kubo. Khona-ke uJehova waqala ‘ukwenza izimangaliso phakathi kwabo,’ ngoba “lapho abathwala umphongolo sebefikile eJordani, izinyawo zabapristi abathwala umphongolo zicwilile onqenqemeni lwamanzi . . . ayesema amanzi avela ngenhla.” Amanzi ayengaphansi “anqamuka,” angagobhozela oLwandle Olufile, “abantu base bewela.” (Joshuwa 1:2, 16; 3:5-16) Isimangaliso esikhulu ngempela!
Yenza Izikhumbuzo ZikaJehova Zibe Yintokozo Yenhliziyo Yakho
Imisebenzi yokholo isinceda njani ukuthi sithembe uJehova ngenhliziyo yonke? Cabanga ngendaba eseMibhalweni ephathelane lokungena kwabako-Israyeli eLizweni ababelithenjisiwe. UJehova wayelaye ukuthi abaphristi ababethwala ibhokisi lesivumelwano bawelele emfuleni uJodani. Kodwa-ke abantu sebesiyafika emfuleni kwabacacela ukuthi izulu lentwasa lalenze umfula wagcwala wagamanxa. Babezakwenzani abako-Israyeli? Babezamisa amathende abo yini ekhunjini lomfula okwamaviki bamelele amanzi omfula ukuthi abohle? Hatshi, bathemba uJehova ngokugcweleyo njalo balandela iziqondiso zakhe. Waba yini umpumela? Nanku okwenzakalayo: ‘Kwathi abaphristi sebefika eJodani izinyawo zabo zithinta amanzi, amanzi ayevelela ngaphezulu ema ukugeleza. Abantu bachaphela ngaphetsheya malungana leJerikho. Abaphristi bema bathi mpo emhlabathini owomileyo phakathi kweJodani, ngesikhathi abantu bonke bechapha.’ (Josh. 3:12-17) Cabanga ukuthi kwakumangalisa kangakanani ukubona umfula lowo owawuzondile umiswa! Akuthandabuzwa ukuthi ukholo lwabako-Israyeli kuJehova lwaqiniswa kakhulu ngoba bathemba iziqondiso zakhe.
Yenza Izikhumbuzo ZikaJehova Zibe Yintokozo Yenhliziyo Yakho
Kuyavunywa ukuthi uJehova kabenzeli izimangaliso ezinjalo abantu bakhe lamuhla, kodwa uyayibusisa imisebenzi yabo yokholo. Amandla kaNkulunkulu asebenzayo abanika amandla okwenza umsebenzi abawuphiweyo wokutshumayela izindaba zoMbuso emhlabeni wonke. Kanti njalo uFakazi omkhulu kaJehova, uJesu Khristu waqinisekisa abafundi bakhe ukuthi wayezabasekela emsebenzini lo oqakathekileyo. Wathi: ‘Ngakho hambani lenze abafundi ezizweni zonke. Ngilani kokuphela, kuze kube sekucineni kwesikhathi.’ (Mat. 28:19, 20) OFakazi abanengi ababelenhloni kumbe besesaba bayavuma ukuthi umoya ongcwele kaNkulunkulu ubanika isibindi sokukhuluma labantu abangabaziyo ekutshumayeleni.—Bala iHubo 119:46; 2 Khorinte 4:7.
Ukuchwayisisa IMibhalo
w04-ZU 12/1 9 ¶2
Amaphuzu Avelele Encwadi KaJoshuwa
5:14, 15—Ubani “isikhulu sebutho likaJehova”? Cishe isikhulu esifike siqinise uJoshuwa njengoba ukunqoba iZwe Lesithembiso kuqala asiyena omunye ngaphandle ‘kukaLizwi’—uJesu Kristu ngaphambi kokuba abe umuntu. (Johane 1:1; Daniyeli 10:13) Yeka ukuthi kuqinisa kanjani ukuba nesiqinisekiso sokuthi uJesu Kristu okhazinyulisiwe unabantu bakaNkulunkulu namuhla njengoba belwa impi engokomoya!
SEPTEMBER 27–OCTOBER 3
AMAGUGU ASELIZWINI LIKANKULUNKULU | UJOSHUWA 6-7
“Susa Amehlo Akho Ezintweni Ezingancediyo”
Hlala Uthiye Indlebe Ukuze Uzwe Ilizwi likaJehova
Ubuhaga bungaqala buyinto encane kodwa nxa singayekela ukuzikhuza, bungakhula masinyane nje besebusehlula. Indaba eseBhayibhilini ephathelane lo-Akhani isitshengisa ukuthi ubuhaga buyaphambanisa kakhulu. Ubuhaga buka-Akhani bakhula masinyane sibili. Wathi: “Ngathi ngibona phakathi kwempango ingubo enhle yaseBhabhiloni, lamashekeli esiliva angamakhulu amabili lomgqala wegolide olesisindo samashekeli angamatshumi amahlanu ngakuhawukela, ngakuthatha.” U-Akhani kazange alahle isifiso lesi esibi, kodwa ngenxa yokuthi wayeselobuhaga wantshontsha impahla leyo wasesiyayifihla ethenteni lakhe. Lapho isono sika-Akhani sivezwa egcekeni, uJoshuwa wamtshela ukuthi uJehova wayezamehlisela uhlupho. Ngalona lelo langa, u-Akhani lemuli yakhe batshaywa ngamatshe bafa. (Josh. 7:11, 21, 24, 25) Yikho-ke kumele ‘silimuke yonke imihlobo yobuhaga’ ngoba bukhona njalo bungasehlula. (Luk. 12:15) Kwezinye izikhathi singaba lomcabango ongaqondanga kumbe sicabange izinto ezingcolileyo, kodwa kuqakathekile ukuthi sihle sizisuse ezingqondweni zethu njalo singavumeli ukuthi izifiso zethu zikhule size senze isono.—Bala uJakhobe 1:14, 15.
w97-ZU 8/15 28 ¶2
Kungani Kumelwe Ukubike Okubi?
Esinye isizathu sokubika ukwenziwa kobubi ukuthi kusiza ekugcineni ukuhlanzeka kwebandla. UJehova unguNkulunkulu ohlanzekile, uNkulunkulu ongcwele. Ufuna ukuba bonke abamkhulekelayo bahlanzeke ngokomoya nangokuziphatha. IZwi lakhe eliphefumulelwe liyayala: “Njengabantwana abalalelayo, yekani ukulolongwa ngokuvumelana nezifiso enaninazo ngaphambili ekungazini kwenu, kodwa, ngokuvumelana noNgcwele owanibiza, nani yibani ngcwele ngokwenu kukho konke ukuziphatha kwenu, ngoba kulotshiwe ukuthi: ‘Kumelwe nibe ngcwele, ngoba mina ngingcwele.’” (1 Petru 1:14-16) Abantu abakwenza umkhuba ukungahlanzeki noma ububi bangangcolisa lonke ibandla futhi balenze lingamukeleki kuJehova ngaphandle kokuba kuthathwe isinyathelo sokubaqondisa noma ukubasusa.—Qhathanisa noJoshuwa, isahluko 7.
w10-ZU 4/15 21 ¶8
Susa Amehlo Akho Ezintweni Ezingenanzuzo!
Isifiso samehlo nesenyama singawathonya namaKristu eqiniso. Ngenxa yalokho, iZwi likaNkulunkulu lisikhuthaza ukuba sizikhuze ngokuphathelene nezinto esizibukayo nesizilangazelelayo. (1 Kor. 9:25, 27; funda eyoku-1 Johane 2:15-17.) Indoda eqotho uJobe yayingomunye wabantu abaqaphela ukuthi kwakunokuhlobana okunamandla phakathi kokubona nokufisa. Yathi: “Ngenzé isivumelwano namehlo ami. Ngakho ngingaba kanjani ngonaka intombi?” (Jobe 31:1) UJobe akazange agcine ngokwenqaba ukuthinta owesifazane ngendlela engcolile kodwa akazange avumele nengqondo yakhe ukuba ijatshuliswe umcabango onjalo. UJesu wayegcizelela ukuthi ingqondo kumelwe igcinwe ingenayo imicabango engcolile lapho ethi: “Wonke umuntu oqhubeka ebuka owesifazane aze amkhanuke, usephingile naye kakade enhliziyweni yakhe.”—Math. 5:28.
Ukuchwayisisa IMibhalo
w15-ZU 11/15 15 ¶2-3
Imibuzo Evela Kubafundi
Ezikhathini zasendulo, umuzi wawusuke uvinjezelwe lapho ibutho elihlomile lizungeze izindonga zawo, lilungele ukuwuhlasela. Uma ukuvinjezelwa kwawo kudonsa isikhathi eside, abantu ababesemzini babekudla ukudla okuningi ababesuke bekugcinile. Lapho ekugcineni ibutho seliwunqobile umuzi, lalithatha konke elikufunayo, kuhlanganise nanoma yikuphi ukudla okwakusele. Yingakho abavubukuli beye bathola ukudla okuncane kakhulu noma bangakuthola nhlobo emanxiweni emizi yasePalestina eyahlaselwa ngale ndlela. Kodwa amanxiwa aseJeriko ahlukile. I-Biblical Archaeology Review ithi: “Into eyatholakala iningi kakhulu ngemva kokubhujiswa komuzi, ngaphandle kwezinto zobumba, kwaba okusanhlamvu.” Iyanezela: “Ukuthola okusanhlamvu okuningi kangaka akuvamile.”
IBhayibheli lithi ama-Israyeli awazange athathe kudla eJeriko ngoba uJehova wayewayale kanjalo. (Joshuwa 6: 17, 18) Liphinde lithi ama-Israyeli ahlasela iJeriko entwasahlobo, ngemva nje kokuvuna, lapho kwakunenqwaba yokusanhlamvu emzini. (Joshuwa 3: 15-17; 5:10) Ngakho, iqiniso lokuthi kwakusenenqwaba yokusanhlamvu eJeriko ngemva kokuvinjezelwa kwalo liqinisekisa ukuthi lokho kuvinjezelwa kwaba kufushane, njengoba nje iBhayibheli lisho.
OCTOBER 4-10
AMAGUGU ASELIZWINI LIKANKULUNKULU | UJOSHUWA 8-9
“Esikufunda KumaGibheyoni”
w04-ZU 10/15 18 ¶13
“Hambahamba Ezweni”
Esenzakalweni esiseBhayibhelini esihilela abaseGibheyoni kubonakala isimo sengqondo esihlukile—sokumethemba uNkulunkulu ukuthi uyoyifeza intando yakhe. Ngemva kokuba uJoshuwa ehole ama-Israyeli awela uMfula iJordani angena ezweni uNkulunkulu ayelithembise umkhaya ka-Abrahama, kwase kuyisikhathi sokuxosha abaseKhanani. (Duteronomi 7:1-3) Phakathi kwabo kwakunabaseGibheyoni. Ama-Israyeli achitha iJeriko ne-Ayi ayesekanisa eduze eGiligali. AbaseGibheyoni abafunanga ukufa bengamaKhanani aqalekisiwe, ngakho bathumela amanxusa kuJoshuwa eGiligali. Bashaya sengathi bavela ngaphandle kweKhanani ukuze bakwazi ukwakha isivumelwano sokuthula namaHebheru.
w11-ZU 11/15 8 ¶14
“Ungenciki Kokwakho Ukuqonda”
Njengoba singaphelele, sonke—ngisho nabadala abanokuhlangenwe nakho—kudingeka siqaphe ukuba singaweli ogibeni lokungaceli isiqondiso sikaJehova lapho senza izinqumo. Cabanga indlela uJoshuwa, owalandela uMose esikhundleni, namadoda amadala akwa-Israyeli abasabela ngayo lapho abaseGibheyoni ngobuhlakani beza kubo bezifihlile futhi benza sengathi bavela ezweni elikude. UJoshuwa nabanye baqhubeka benza ukuthula nabo baze benza nesivumelwano nabo bengabuzanga kuJehova. Nakuba ekugcineni uJehova asisekela leso sivumelwano, waqinisekisa ukuthi ukwehluleka kwabo ukufuna isiqondiso sakhe kuyalotshwa emiBhalweni ukuze kuzuze thina.—Josh. 9:3-6, 14, 15.
w04-ZU 10/15 18 ¶14
“Hambahamba Ezweni”
Lawo manxusa athi: “Izinceku zakho zivela ezweni elikude kakhulu ngenxa yegama likaJehova uNkulunkulu wakho.” (Joshuwa 9:3-9) Izingubo nokudla kwawo kwabonakala kufakazela ukuthi avela kude, kodwa empeleni iGibheyoni yayisemakhilomitheni angaba ngu-30 ukusuka eGiligali. UJoshuwa nezikhulu zakhe bawakholwa, benza isivumelwano sokuthula neGibheyoni nemizi eseduze eyayinobungane neGibheyoni. Ingabe iqhinga labaseGibheyoni lalimane liyindlela yokugwema ukubulawa? Cha, labonisa isifiso sokwamukelwa uNkulunkulu ka-Israyeli. UJehova wavuma ukuba abaseGibheyoni babe “abathezi bezinkuni nabakhi bamanzi benhlangano nabe-altare likaJehova,” bathezele i-altare lomhlatshelo. (Joshuwa 9:11-27) AbaseGibheyoni baqhubeka bebonisa ukuzimisela ukwenza imisebenzi ephansi enkonzweni kaJehova. Cishe, abanye babo babephakathi kwamaNethini abuya eBhabhiloni akhonza ethempelini elalakhiwe kabusha. (Ezra 2:1, 2, 43-54; 8:20) Singalingisa isimo sabo sengqondo ngokulwela ukulondoloza ukuthula noNkulunkulu nangokuzimisela ukwenza ngisho nezabelo eziphansi enkonzweni yakhe.
Ukuchwayisisa IMibhalo
it-1-E 1030
Ukulengiswa
EMthethweni uJehova awunika ama-Israyeli, ezinye izephulamthetho zazisithi zingabulawa zilengiswe esigodweni ‘njengeziqalekiswe nguNkulunkulu.’ (Dut 21:22, 23) Lokhu kwakusiba yisixwayiso ebantwini ababezibona njengoba zazilengiswa egcekeni.
OCTOBER 11-17
AMAGUGU ASELIZWINI LIKANKULUNKULU | UJOSHUWA 10-11
“UJehova Ulwela Ama-Israyeli”
w04-ZU 12/1 10 ¶1
Amaphuzu Avelele Encwadi KaJoshuwa
IGibheyoni ‘lingumuzi omkhulu—omkhulu kune-Ayi, futhi wonke amadoda akhona anamandla.’ (Joshuwa 10:2) Nokho, lapho ezwa ngokunqoba kuka-Israyeli iJeriko ne-Ayi, amadoda aseGibheyoni akhohlisa uJoshuwa ukuba enze isivumelwano sokuthula nawo. Izizwe ezingomakhelwane zibona lokhu kuhlubuka njengokuwusongo kuzo. Amahlanu kumakhosi azo enza umfela-ndawonye ahlasele iGibheyoni. U-Israyeli ukhulula abaseGibheyoni futhi ubanqoba ngokuphelele abahlaseli. U-Israyeli, eholwa uJoshuwa, unqoba neminye imizi eseningizimu nesentshonalanga, kanye namakhosi angumfela-ndawonye asenyakatho. Esewonke amakhosi anqotshwa entshonalanga yeJordani angu-31.
w04-ZU 12/1 10-11 ¶1
Amaphuzu Avelele Encwadi KaJoshuwa
10:13—Singenzeka kanjani lesi simanga? “Ingabe kukhona okungaphezu kwamandla kaJehova,” uMdali wamazulu nomhlaba? (Genesise 18:14) Uma ethanda, uJehova angalawula ukujikeleza komhlaba ukuze ilanga nenyanga kubonakale kungahambi kumuntu osemhlabeni. Noma angakuyeka angakuphazamisi ukujikeleza komhlaba nenyanga kuyilapho ephambukisa imisebe yelanga nenyanga ngendlela yokuthi ukukhanya kwalezi zinkanyiso ezimbili kuqhubeke kukhanya. Noma ngabe yikuphi, emlandweni wesintu “alukho usuku oluye lwaba njengalolo.”—Joshuwa 10:14.
Ukuchwayisisa IMibhalo
w09-ZU 3/15 32 ¶5
Imibuzo Evela Kubafundi
Ukuthi ezinye izincwadi kwakhulunywa ngazo eBhayibhelini nokuthi zaba imithombo eyasetshenziswa akufanele kusenze siphethe ngokuthi zaziphefumulelwe. Nokho, uJehova uNkulunkulu uye walondoloza yonke imibhalo equkethe ‘izwi lakhe,’ futhi “iyokuma kuze kube nini nanini.” (Isaya 40:8) Yebo, lokho uJehova akhetha ukukufaka ezincwadini zeBhayibheli ezingu-66 esinazo yilokho esikudingayo ukuze ‘sifaneleke ngokugcwele, siyihlomele ngokuphelele yonke imisebenzi emihle.’—2 Thim. 3:16, 17
OCTOBER 18-24
AMAGUGU ASELIZWINI LIKANKULUNKULU | UJOSHUWA 12-14
“Landela UJehova Ngenhliziyo Yonke”
w04-ZU 12/1 12 ¶2
Amaphuzu Avelele Encwadi KaJoshuwa
14:10-13. Nakuba eseneminyaka engu-85 ubudala, uKalebi ucela isabelo esinzima sokuxosha abantu eHebroni. Kule ndawo kuhlala ama-Anaki—amadoda amakhulu ngokungavamile. Ngosizo lukaJehova, leli qhawe elingumaked’ ebona liyanqoba, futhi iHebroni iba umuzi wesiphephelo. (Joshuwa 15:13-19; 21:11-13) Isibonelo sikaKalebi sisikhuthaza ukuba singazibalekeli izabelo ezinzima ezingokwasezulwini.
w06-ZU 10/1 18-19 ¶11
Ukuba Nesibindi Ngosizo Lokholo Nokwesaba UNkulunkulu
Ukholo olunjalo alumi ndawonye. Luyakhula njengoba sisebenzisa iqiniso ekuphileni kwethu, ‘sinambitha’ izinzuzo, ‘sibona’ izimpendulo zemithandazo yethu futhi sibona nangezinye izindlela isiqondiso sikaJehova ekuphileni kwethu. (IHubo 34:8; 1 Johane 5:14, 15) Singaqiniseka ukuthi ukholo lukaJoshuwa nolukaKalebi lwajula lapho benambitha ubuhle bukaNkulunkulu. (Joshuwa 23:14) Cabangela amaphuzu alandelayo: Basinda ohambweni lwasehlane lweminyaka engu-40, njengoba nje uNkulunkulu ayebathembisile. (Numeri 14:27-30; 32:11, 12) Babamba iqhaza elikhulu ekunqotshweni kweKhanani okwathatha iminyaka eyisithupha. Okokugcina, babusiswa ngempilo enhle nende baze bathola namafa abo siqu. Yeka indlela uJehova abavuza ngayo labo abamkhonza ngokwethembeka nangesibindi!—Joshuwa 14:6, 9-14; 19:49, 50; 24:29.
Ukuchwayisisa IMibhalo
it-1-E 902-903
IGebhali
UJehova wathi “indawo yamaGebhali” ngenye yezindawo ezazizathathwa ngama-Israyeli ngesikhathi sikaJoshuwa. (Jos 13:1-5) Abachothoza iBhayibhili bathi lokhu kungamanga njengoba idolobho leGebhali lalikhatshana lelizwe lako-Israyeli (phose ngamakhilomitha angu-100 enyakatho yesizwana sakoDani) njalo likhanya lingazange libe phakathi kwendawo ama-Israyeli azithathayo. Abanye abachasisa iBhayibhili bathi kungenzakala imibhalo yesiHebheru evesini le kayikhanyi kuhle futhi bacabanga ukuthi kudala ivesi le yayisithi “indawo engcelelane leLebhanoni,” kumbe ‘kuze kuyebamba emngceleni wendawo yamaGebhali.’ Kodwa kumele sinanzelele lokuthi izithembiso zikaJehova ezikuJoshuwa 13:2-7 zazizagcwaliseka kusiya ngokuthi ama-Israyeli ayalalela yini. Yikho kungenzakala ama-Israyeli kawazange ayithole indawo yamaGebhali ngenxa yokungalaleli kwawo.—Khangela uJoshuwa 23:12, 13.
OCTOBER 25-31
AMAGUGU ASELIZWINI LIKANKULUNKULU | UJOSHUWA 15-17
“Vikela Ilifa Lakho Eliligugu”
w04-ZU 5/15 11-12 ¶8
Asebekhulile—Amalungu Ayigugu Obuzalwane Bethu BobuKristu
Ngokuphikelela ngesibindi emsebenzini wokushumayela ngoMbuso naphezu kokulinganiselwa kokukhula ngeminyaka, amaKristu asekhulile alandela ezinyathelweni zomIsrayeli othembekile, uKalebi, owahamba noMose ehlane iminyaka engamashumi amane. UKalebi wayeneminyaka engu-79 ubudala lapho ewela uMfula iJordani engena eZweni Lesithembiso. Ngemva kokulwa iminyaka eyisithupha ebuthweni elinqobayo lama-Israyeli, wayengase azithele ngabandayo. Kodwa kunalokho, ngesibindi wacela isabelo esinzima sokudla ‘imizi emikhulu enezivikelo eziqinile’ esifundeni sezintaba sakwaJuda, indawo eyayihlala ama-Anaki, amadoda amakhulu ngokungavamile. Ngosizo lukaJehova, ngempela uKalebi ‘wawaphuca ifa lawo njengoba nje uJehova ayethembisile.’ (Joshuwa 14:9-14; 15:13, 14) Njengoba uqhubeka uthela izithelo zoMbuso usukhulile, qiniseka ukuthi uJehova unawe, njengoba ayenoKalebi. Futhi uma uhlala uthembekile, uyokunika indawo ezweni lakhe elisha alithembisile.—Isaya 40:29-31; 2 Petru 3:13.
it-1-E 848
Umsebenzi Wobugqili
Ama-Israyeli athi esengene eLizweni Lesithembiso awazange alalele umlayo kaJehova wokuthi axotshe wonke amaKhenani njalo awatshabalalise kodwa awabamba ngamandla ukuthi awasebenzele njengezigqili. Lokhu kwabangela ukuthi ama-Israyeli ahugeke acine esekhonza onkulunkulu bamanga beKhenani.—Jos 16:10; Aba 1:28; 2:3, 11, 12.
it-1-E 402 ¶3
Ilizwe LaseKhenani
Lanxa amaKhenani ayelezikhali zempi ezizwayo, ezigoqela inqola zensimbi, ukwehluleka kwama-Israyeli ukuthatha ezinye indawo okwakumele zibe ngezabo kwakungeke kube kubangelwe yikuthi uJehova kagcinanga isithembiso sakhe. (Jos 17:16-18; Aba 4:13) Kodwa iMibhalo iveza ukuthi okwakusenza ama-Israyeli anqotshwe kwezinye izikhathi yikungathembeki kwawo.—Nan 14:44, 45; Jos 7:1-12.
Ukuchwayisisa IMibhalo
w15-E 7/15 32
Ubukwazi Yini?
Ilizwe lako-Israyeli lalilezihlahla ezinengi yini ngendlela iBhayibhili elilichasisa ngayo?
IBHAYIBHILI lithi ezinye indawo zeLizwe Lesithembiso zazingamagusu njalo izihlahla ‘zazizinengi.’ (1 AmaKh. 10:27; Josh. 17:15, 18) Kodwa nxa abanye bebona indlela indawo yalo enkulu esiligceke ngayo, bangazibuza ukuthi lokho kuliqiniso yini.
Ibhuku elithi Life in Biblical Israel lithi “amagusu ko-Israyeli ayemakhulu kulalokho ayikho khona khathesi.” Izihlahla ezazizinengi endaweni ezingamaqaqa kwakungama-Aleppo pine, ama-evergreen oak kanye lama-terebinth. Isihlahla somsikhamori laso sasisinengi eShefela, indawo elamaqaqa aphakathi laphakathi kwezintaba lekhumbi lolwandle lweMedithera.
Ibhuku elithi Plants of the Bible lithi ezinye indawo zako-Israyeli kazisela ngitsho izihlahla. Lokhu kwabangelwa kuyini? Ibhuku leli lichasisa ukuthi lokhu kwenzakala kancane kancane. Lithi: “Abantu bebelokhu bephambanisa imvelo futhi isizatho esikhulu sokwenza njalo yikuthi bathole indawo enkulu yokulima leyamadlelo. Esinye isizatho ngesokuthi bathole izinto zokwakha lenkuni.”