Kuyini Okungenza Ube Lethemba Ngo-2024?—IBhayibhili Lithini?

Abantu abanengi bathi umnyaka ka-2024 uza lezazo inhlupho futhi akulalutho abangalwenza ngazo. Kodwa okuthokozisayo yikuthi singaba lalo ithemba. Kuyini okungenza sibe lalo?

IBhayibhili lenza sibe lethemba

IBhayibhili lisitshela ukuthi uNkulunkulu uthembisa ukuqeda zonke inhlupho ezisithwalise nzima lamuhla. Sekuseduze ukuthi ‘esule zonke izinyembezi emehlweni ethu. Ukufa akusoze kuphinde kubekhona, loba ukulila loba ukukhala loba ubuhlungu ngeke kusabakhona.’—ISambulo 21:4.

Ukuze uthole okunengi ngalokho esikuthenjiswa liBhayibhili ngekusasa, bala isihloko esithi “Ithemba Elimayelana Lekusasa Elingcono.”

IBhayibhili lingakunceda njani ukuthi ube lethemba?

Ukubala iBhayibhili kungakunceda ukuthi ube lethemba futhi ithemba lelo lizakusiza ukuthi ungahlali ukhathazekile kodwa wenelise ukuba ngumuntu othokozayo. (KwabaseRoma 15:13) Amacebo aseBhayibhilini angakunceda ukuthi wenelise ukubekezelela inhlupho ezisehlelayo lamuhla ezinjengobuyanga, ukuphathwa kubi lokugula.

Ukuze uthole ukuthi ukuba lethemba kwayinceda njani eyinye indoda ukuthi ihlaliseke njalo ithokoze lanxa yakhula idubeka, bukela ividiyo ethi UJuan Pablo Zermeño: UJehova Ungiphe Impilo Engcono.
Bala isihloko esithi “IBhayibheli Linawo Yini Amazwi Enduduzo?” ukuze ubone ukuthi lingakunceda njani nxa uhlutshwa yikudana, ukukhathazeka, ukuzithonisisa kumbe nxa wafelwa.
Bukela ividiyo ethi Ngasibeka Phansi Isibhamu Sami ukuze ubone ukuthi ithemba lamnceda njani omunye owesifazana owayesesisotsheni ukuthi abe ngumuntu olothando.

Wena lemuli yakho lingenelisa ukuyithola intokozo ngo-2024. Sicela ufunde okunengi ngokuthi iBhayibhili lingakunceda njani ukuthi ube lethemba. Ngena kuwebhusayithi yethu ukuze ubone ukuthi uNkulunkulu angakuncedisa njani ukuthi ube ‘lokuthula lethemba kanye lekusasa elihle.’—UJeremiya 29:11.