Woba Lendaba Labanye

Okwenziwa NguJesu

IVIDIYO: UJesu Uxoxa Lowesifazana Emthonjeni

1. Bukela IVIDIYO, kumbe ubale uJohane 4:6-9, ubusuphendula imibuzo elandelayo:

1. Kuyini uJesu akunanzelelayo ngowesifazana lo engakaqalisi ukuxoxa laye?

2. UJesu wathi: “Ngicela unginathise.” Kungani le kwakuyindlela ephumelelayo yokuqalisa ingxoxo?

Sifundani Kulokho Okwenziwa NguJesu?

2. Singaphumelela ukuxoxa labantu nxa singaqalisa ngendaba ezakwenza bafune ukuqhubeka bexoxa lathi.

Lingisela UJesu

3. Tshintshatshintsha. Ungawomeleli ekuqaliseni ingxoxo ngendaba oyabe uyilungiselele. Kodwa zimisele ukutshintsha ukhulume ngodaba olusematheni. Nanku ongazibuza khona:

1. ‘Yiziphi izindaba ezisegundwini?’

2. ‘Omakhelwane bami, engisebenza labo kumbe engifunda labo bajayele ukuxoxa ngani?’

4. Woba lelihlo elibukhali. Nanku ongazibuza khona:

1. ‘Umuntu engixoxa laye wenzani? Angabe ecabangani?’

2. ‘Indlela agqoke ngayo labukeka ngayo kumbe alungise ngayo iguma lakhe loba acecise ngayo indlu yakhe ingitshelani ngalokho akukholwayo kumbe amasiko akhe?’

3. ‘Ngingahle ngixoxe laye khathesi yini?’

5. Lalela.

1. Ungakhulumi kakhulu.

2. Nxa kuvuma, mbuze imibuzo ezakwenza atsho lokho akucabangayo.