Khetha Kuhle Amabala

Isimiso: “Amazwi enu kawahlale elomusa.”—Kol. 4:6.

Okwenziwa NguPhawuli

IVIDIYO: UPhawuli Utshumayeza Abantu Be-Athene

1. Bukela IVIDIYO, kumbe ubale imiSebenzi 17:22, 23, ubusuphendula imibuzo elandelayo:

UPhawuli wezwa njani ebona indlela abantu be-Athene ababekhonza ngayo?—Khangela imiSebenzi 17:16.
Kuyini okwenziwa nguPhawuli ukuze athole indlela yokungenisa izindaba ezinhle ebantwini base-Athene engazange abacaphule?

Sifundani Kulokho Okwenziwa NguPhawuli?

2. Izikhathi ezinengi kuba lula ukuthi abantu basilalele nxa singakhetha kuhle lokho esifuna ukukutsho futhi sinanzelele ukuthi sikubeka njani lokuthi sikukhuluma nini.

Lingisela UPhawuli

3. Khetha kuhle amazwi ozawatsho. Ngokwesibonelo nxa ukhuluma lomuntu ongakholwa eBhayibhilini kumbe ongakholwa kuJesu, kungadingeka utshintshe indlela owethula ngayo iBhayibhili kumbe okhuluma ngayo ngoJesu.

4. Ungagijimeli ukumqondisa. Mvumele atsho lokho akucabangayo. Nxa angakhuluma okuthile okuphikisana lalokho okufundiswa liBhayibhili, ungamphikisi. (Jak. 1:19) Kodwa mlalelisise ukuze uzwisise ukuthi kuyini akukholwayo lokuthi yindaba ekukholwa.—Zaga. 20:5.

5. Dinga lapho elivumelana khona futhi umncome. Angabe ecabanga ukuthi lokho akukholwayo kuqondile. Ngakho qalisa ngokukhuluma ngezinto elivumelana kuzo, ubusumncedisa kancane kancane ukuthi azwisise lokho iBhayibhili elikufundisayo.

KHANGELA

loZaga. 25:15; 2 Thim. 2:23-26; 1 Phet. 3:15