Kuyini Okuzakwenziwa NguMbuso KaNkulunkulu Ngezimpi?

Izimpi zilokhu zisanda emhlabeni futhi zibangela ukuhlupheka kanye losizi ebantwini abanengi. Zwana imibiko elandelayo:

• “Ngomnyaka ophelileyo kufe abantu abanengi kakhulu ngenxa yezimpi, ikakhulu impi ese-Ethiopia lese-Ukraine. Izimpi azikaze zibulale abantu abanengi kangaka kusukela ngo-1994.”—Peace Research Institute Oslo, June 7, 2023.

• “Impi ese-Ukraine iphakathi kwezinye izimpi ezadla ubhedu ngo-2022. Emhlabeni wonke iziphithiphithi zombusazwe zingezelele ngamaphesenti angu-27 nxa kuqathaniswa lomnyaka ophelileyo futhi zihlasele abantu abangaba ngamabhiliyoni angu-1,7.”—The Armed Conflict Location & Event Data Project (ACLED), February 8, 2023.

IBhayibhili lisitshela ukuthi izimpi zizaphela. Lithi: “UNkulunkulu osezulwini uzabeka umbuso ongasoze utshabalaliswe.” (UDanyeli 2:44) UNkulunkulu uzasebenzisa uMbuso lo okutsho uhulumende wakhe ukuze ‘aqede izimpi emhlabeni wonke.’—IHubo 46:9.