Amabhuku Asetshenziswe Ku-Gwalo Lwempilo Lenkonzo YamaKhristu
© 2024 Watch Tower Bible and Tract Society of Pennsylvania
SEPTEMBER 2-8
AMAGUGU ASELIZWINI LIKANKULUNKULU IHUBO 79-81
Tshengisa Ukuthi Uyalithanda Ibizo LikaJehova Elikhazimulayo
Inhlawulo ‘Isipho Esipheleleyo’ Esivela KuBaba Wethu
5 Singatshengisa njani ukuthi siyalithanda ibizo likaNkulunkulu? Singatshengisa ngendlela esiphila ngayo ngoba uJehova ukhangelele ukuthi sibengcwele. (Bala u-1 Phetro 1:15, 16.) Lokhu kutsho ukuthi kumele sikhonze yena kuphela njalo simlalele kukho konke esikwenzayo. Ngitsho lanxa sihlukuluzwa kufanele sizimisele ukuqhubeka silalela imithetho yakhe kanye lezimiso zakhe ezilungileyo. Nxa singenza njalo sizanceda labanye ukuthi badumise ibizo likaJehova elingcwele. (Mat. 5:14-16) Kanti njalo bazabona lokuthi uJehova ufanele ukusinika imithetho lokuthi lokho okwatshiwo nguSathane ngamanga aluhlaza. Singenza amaphutha kumele siphenduke ngeqiniso njalo siyilahlele khatshana imikhuba engalunganga engabangela ukuthi abantu bagcone uJehova.—Hubo. 79:9.
ijwbv 3 ¶4-5
KwabaseRoma 10:13—“Loba Ngubani Ozabiza Ibizo LeNkosi Uzasindiswa”
Nxa kukhulunywa ‘ngokubiza ibizo likaJehova’ eBhayibhilini akutsho ukulazi nje kuphela kumbe ukulisebenzisa ekukhonzeni. (IHubo 116:12-14) Kodwa kutsho lokumthemba ngenhliziyo yonke siqiniseka ukuthi uzasincedisa.—IHubo 20:7; 99:6.
UJesu Khristu wayeliqakathekisa ibizo likaNkulunkulu. Ngokwesibonelo ngesikhathi efundisa abafundi bakhe ukuthandaza wathi: “Baba wethu osezulwini, kalingcweliswe ibizo lakho,” kumbe lenziwe libengcwele. (UMathewu 6:9) Waphinda wathi kumele simazi, simhloniphe futhi simthande uJehova nxa sifuna ukuthola ukuphila okungapheliyo.—UJohane 17:3, 6, 26.
Ukuchwayisisa IMibhalo
it-2-E 111
UJosefa
Ibizo LikaJosefa Liba Ngeliqakathekileyo. Ngenxa yokuthi uJosefa nguye owayedume kakhulu phakathi kwamadodana kaJakhobe, ibizo lakhe lalisetshenziswa kwezinye izikhathi nxa kukhulunywa ngazo zonke izizwana zako-Israyeli (Hu 80:1) kumbe nxa kukhulunywa ngalabo ababesembusweni wasenyakatho. (Hu 78:67; Amo 5:6, 15; 6:6) Ibizo lakhe liyasetshenziswa kwezinye iziphrofetho eziseBhayibhilini. Ngokwesibonelo, embonweni owabonwa nguHezekheli uJosefa wabelwa izindawo ezimbili zaba lilifa lakhe (Hez 47:13), waphinda wabona idolobho elibizwa ngokuthi “UJehova Ulapho” futhi elinye lamagedi asedolobheni leli lilebizo likaJosefa (Hez 48:32, 35), ikanti endabeni yokumanyaniswa kwabantu bakaJehova sitshelwa ngezigodo ezimbili, esikaJosefa lesikaJuda. (Hez 37:15-26) Isiphrofetho sika-Obhadiya sitshengisa ukuthi “indlu kaJosefa” yayizancedisa ekutshabalaliseni ‘indlu ka-Esawu’ (Oba 18), futhi isiphrofetho sikaZakhariya sithi uJehova uzasindisa “indlu kaJosefa.” (Zak 10:6) Nxa kukhulunywa ngezizwana ezibumba u-Israyeli kaNkulunkulu akuqanjwa u-Efrayimi kodwa kuqanjwa uJosefa.—Sam 7:8.
SEPTEMBER 9-15
AMAGUGU ASELIZWINI LIKANKULUNKULU IHUBO 82-84
Thokoza Ngalokho Okwenzela UJehova
Izinyoni Zisifundisani?
Inkonjane zazijayelekile ezakhamuzini zaseJerusalema ngoba zazandise ukwakha izidleke zazo ngaphansi kophahla lwezindlu. Ezinye zazakhele ethempelini elalakhiwe nguSolomoni. Kufanele ukuthi umnyaka ngamunye inkonjane lezi zazithola indawo evikelekileyo yokukhulisela amaphuphu azo.
Umlobi weHubo 84, ongowosendo lukaKhora wayesebenza ethempelini iviki eyodwa ngemva kwezinyanga ezingu-6, ekhonale wayezibona izidleke lezi. Laye wayeze afise ukuhlala endlini kaJehova njengenkonjane. Wababaza wathi: ‘Yeka ubuhle bendlu yakho, O Jehova Somandla! Umphefumulo wami uyalangazela, uze ungathi uyaphela, [ngenxa] yamaguma kaJehova . . . Intaka layo ilizuzile ikhaya, lenkonjane isidleke sayo, lapho ingazalela khona abantwana bayo indawo eduze kwe-alithare lakho, O Jehova Somandla, Nkosi yami loNkulunkulu wami.’ (IHubo 84:1-3) Thina labantwabethu silaso yini isifiso esisuka enhliziyweni sokuhlala sibuthana labantu bakaNkulunkulu?—IHubo 26:8, 12.
w08-ZU 7/15 30 ¶3-4
Zibekele Imigomo Efinyelelekayo, Ujabule
Ukuhamba kweminyaka noma ukuwohloka kwempilo, kungakulinganisela ngandlela-thile lokho esikwazi ukukwenza enkonzweni kaJehova. Uma ungumzali, ungase ube nomuzwa wokuthi akungakanani okuzuzayo esifundweni sakho somuntu siqu noma emihlanganweni yobuKristu ngoba abantabakho badla isikhathi sakho esiningi namandla. Nokho, kungenzeka yini ukuthi ngezinye izikhathi ukugxila kulokho okukulinganiselayo yikho okukuvimbela ukuba ubone lokho osengakwazi ukukwenza?
Ezinkulungwaneni zeminyaka edlule, umLevi othile wazwakalisa isifiso ayengenakukwazi ukusanelisa. Wayenelungelo lokukhonza ethempelini amasonto amabili ngonyaka. Nokho, wazwakalisa isifiso esincomekayo sokuhlala phakade ngase-altare. (IHu. 84:1-3) Yini eyasiza le ndoda ethembekile ukuba yaneliseke? Yaqaphela ukuthi ukuba semagcekeni ethempeli ngisho nosuku olulodwa kwakuyilungelo eliyingqayizivele. (IHu. 84:4, 5, 10) Ngendlela efanayo, kunokuba sigxile kulokho okusilinganiselayo, kufanele sizame ukuthola nokwazisa izinto esikwaziyo ukuzenza.
Uligugu KuJehova UNkulunkulu Wakho
12 Nxa ugula woba leqiniso lokuthi uJehova uyabazi ubuhlungu ophakathi kwabo. Mcele akuncedise ukuthi wenelise ukubona isimo okuso ngendlela eqondileyo. Kanti njalo bala iBhayibhili ukuze uthole amazwi kaJehova aduduzayo. Gxila kakhulu emavesini atshengisa ukuthi uJehova uziqakathekisa kangakanani izinceku zakhe. Ungenza njalo, uzabona ukuthi uJehova muhle kubo bonke abamkhonza bethembekile.—Hubo. 84:11.
Ukuchwayisisa IMibhalo
it-1-E 816
Izintandane
Izikhathi ezinengi abantu abafelweyo bajayele ukunganakwa yikho uJehova wanika ama-Israyeli imithetho eyayivikela “izintandane.” Ngesikhathi abako-Israyeli beqakathekisa ukukhonza uJehova babe lendaba lezintandane. Kodwa babesithi bangaqalisa ukukhonza abanye onkulunkulu baphathe kubi izintandane labafelokazi. (Hu 82:3; 94:6; Isy 1:17, 23; Jer 7:5-7; 22:3; Hez 22:7; Zak 7:9-11; Mal 3:5) UJehova wayebaqalekisa labo ababephatha kubi izintandane. (Dut 27:19; Isy 10:1, 2) UJehova uthi unguMlamuleli (Zag 23:10, 11), uMsizi (Hu 10:14), futhi unguBaba (Hu 68:5) wezintandane. Wahlulela kuhle izintandane (Dut 10:17, 18), azizwele isihawu (Hos 14:3), azinakekele (Hu 146:9), njalo azigcine.—Jer 49:11.
Okunye okutshengisa ukuthi singamaKhristu eqiniso yindlela esiphatha ngayo abafelokazi lezintandane. Umfundi uJakhobe wabhalela amaKhristu wathi: “Indlela yokukhonza ehlanzekileyo lengangcolanga ngokubona kukaNkulunkulu uBaba wethu yile: ukunakekela izintandane labafelokazi ekuhluphekeni kwabo kanye lokuzigcina singelasici emhlabeni.”—Jak 1:27.
SEPTEMBER 16-22
AMAGUGU ASELIZWINI LIKANKULUNKULU IHUBO 85-87
Ukuthandaza Kuyasinceda Ukuthi Siqinisele
w12-ZU 5/15 25 ¶10
Uyayibonakalisa Yini Inkazimulo KaJehova?
10 Ukuze sibonakalise inkazimulo kaNkulunkulu, kudingeka nokuba ‘siphikelele emthandazweni.’ (Roma 12:12) Singakwazi futhi kufanele sithandazele ukuba uJehova asisize simkhonze ngendlela ayamukelayo. Ukuze senze lokho, kuyafaneleka ukumcela ukuba asinike umoya ongcwele, ukholo olwengeziwe, amandla okumelana nezilingo nekhono ‘lokuphatha izwi leqiniso ngokufanele.’ (2 Thim. 2:15; Math. 6:13; Luka 11:13; 17:5) Njengoba ingane ithembela kuyise, nathi kudingeka sithembele kuBaba wethu osezulwini, uJehova. Uma simcela ukuba asisize ukuba simkhonze ngokugcwele, singaqiniseka ukuthi uyokwenza kanjalo. Kwangathi singelokothe sibe nomuzwa wokuthi siyamhlupha! Kunalokho, masithandaze simdumise, simbonge, sifune isiqondiso sakhe ikakhulu lapho sibhekene nobunzima, futhi simcele asisize simkhonze ngezindlela ezikhazimulisa igama lakhe elingcwele.—IHu. 86:12; Jak. 1:5-7.
UJehova Uyiphendula Njani Imithandazo Yethu?
17 Bala iHubo 86:6, 7. Umhubi uDavida wayeleqiniso lokuthi uJehova wayeyizwa futhi eyiphendula imithandazo yakhe. Lawe ungaba leqiniso lokuthi uJehova uyayizwa futhi ayiphendule imithandazo yakho. Esixoxe ngakho esihlokweni lesi kwenza singathandabuzi ukuthi uJehova uyasinika ukuhlakanipha lamandla okuthi siqinisele. Angasincedisa esebenzisa abantu esikhonza labo kumbe abanye abantu abangamkhonziyo.
18 Siyakwazi ukuthi uJehova uyayiphendula imithandazo yethu lanxa kwezinye izikhathi eyiphendula ngendlela esingayikhangelelanga. Uzasipha khona kanye esikudingayo ngesikhathi esiyabe sikudinga ngaso. Yikho qhubeka uthandaza ulokholo lokuthi uJehova uzakunakekela khathesi lokuthi ‘uzasuthisa izifiso zakho konke okuphilayo’ emhlabeni omutsha ozayo.—Hubo. 145:16.
Ukuchwayisisa IMibhalo
it-1-E 1058 ¶5
Inhliziyo
Ukukhonza “Ngenhliziyo Yonke.” Umzimba womuntu ulenhliziyo eyodwa, akwenzi ukuthi yehlukane. Kodwa inhliziyo engokomfanekiso yona ingehlukana. UDavida wathandaza wathi: “Nginika inhliziyo engaxamalazanga ukuze ngesabe ibizo lakho.” Lokhu kutshengisa ukuthi inhliziyo yomuntu ingaxamalaza kusiya ngalokho akufisayo loba akwesabayo. (Hu 86:11) Umuntu olenhliziyo enjalo uyabe engakhonzi uNkulunkulu ngenhliziyo yonke, uyabe ezikhudumalela nje. (Hu 119:113; Sam 3:16) Umuntu angaba lenhliziyo examalazileyo ngokuzama ukukhonza amakhosi amabili kumbe ngokukhohlisa abantu ekhuluma into ethile yena ezicabangela okunye. (Imi 12:33; Hu 12:2) UJesu wathi umuntu owenza njalo ungumzenzisi.—Mat 15:7, 8.
SEPTEMBER 23-29
AMAGUGU ASELIZWINI LIKANKULUNKULU IHUBO 88-89
AkulaMbusi OnjengoJehova
Sekela Ubukhosi BukaJehova!
5 Esinye isizathu esenza uJehova afanele ukubusa yikuthi ulungile futhi wahlulela kuhle. UJehova uthi: “Mina ngiyiNkosi elothando olungapheliyo, lokulunga, lobuqotho emhlabeni; ngoba lezizinto ngiyazithanda.” (Jer. 9:24, The Holy Bible in Ndebele) UJehova kadingi mithetho ebhalwe ngabantu ukuze atsho ukuthi yikuphi okuqondileyo lokungaqondanga. Nguye otshaya imithetho okumele ilandelwe ngoba ungumahluleli omuhle. IBhayibhili lithi “ukulunga lokwahlulela kuhle yikho okuyinsika” yesihlalo sobukhosi sikaJehova. Ngakho sileqiniso lokuthi yonke imithetho asinika yona ilungile futhi lezimiso zakhe ziqondile. (Hubo. 89:14; 119:128) Lanxa uSathane wasola indlela uJehova abusa ngayo, yena wehlulekile ukwenza ukuthi kube lokuthula lokuhlaliseka emhlabeni.
Sekela Ubukhosi BukaJehova!
10 UJehova kabaphathi ngokhahlo abantu. Indlela abusa ngayo yenza bakhululeke njalo bahlale bethokoza. (2 Khor. 3:17) UDavida wakubeka kanje: “Inkazimulo lobukhosi kukuye [uNkulunkulu]. Amandla lentokozo kusendaweni yakhe yokuhlala.” (1 ImiLan. 16:7, 27) Umhubi u-Ethani laye wathi: “Babusisiwe labo asebekufundile ukukubabaza, abahamba ekukhanyeni kobukhona bakho, O Jehova. Bayathokoza ngebizo lakho ilanga lonke; bayagubhazela ngokulunga kwakho.”—Hubo. 89:15, 16.
11 Ukucabangisisa ngobuhle bukaJehova kungasinceda ukuthi sihlale singathandabuzi ukuthi unguMbusi omuhle. Singenza njalo sizakutsho amazwi akhulunywa ngumhubi athi: “Lungcono usuku olulodwa emagumeni akho kulezinsuku eziyinkulungwane engxenye.” (Hubo. 84:10) UJehova uyakwazi ukuthi kuyini esikudingayo ukuze sithokoze empilweni ngoba nguye owasidalayo. Ngeke sizibale siziqede izinto ezinhle asipha zona. Konke asitshela khona kuyasinceda futhi kwenza sithokoze lanxa kungadingakala ukuthi sidele ezinye izinto ukuze senze intando yakhe.—Bala u-Isaya 48:17.
Woba Lokholo Oluqinileyo EMbusweni
14 Isivumelwano sikaNkulunkulu loDavida: Asikhangeleni ukuthi uJehova wayithembisani iNkosi yako-Israyeli uDavida. (Bala u-2 Samuyeli 7:12, 16.) Ngesikhathi uDavida eyiNkosi eJerusalema, uJehova wenza laye isivumelwano njalo wamthembisa ukuthi uMesiya wayezakuba ngowosendo lwakhe. (Luk. 1:30-33) Yikho-ke uJehova waphinda wachaza okunengi mayelana losendo okwakuzavela kulo inzalo yowesifazana. Wathi owayezathola isihlalo sobukhosi kwakuzakuba yilowo uMbuso ‘ongowakhe ngokuqondileyo,’ indlalifa kaDavida. (Hez. 21:25-27) UJesu nguye ozakwenza ukuthi ubukhosi bukaDavida ‘bume kuze kube nininini.’ Kuyacaca-ke ukuthi inzalo kaDavida ‘izaqhubeka laphakade, lesihlalo sayo sobukhosi sizakuma njengelanga.’ (Hubo. 89:34-37) Kambe ngubani ongaphika ukuthi uMbuso obuswa nguMesiya awusoze ube lobugwelegwele lokuthi izibusiso ozaziletha zizahlala kuze kube nini lanini?
Ukuchwayisisa IMibhalo
‘Nguwe Wedwa Oqotho’
4 EMibhalweni yesiHebheru ibala elithi ‘ubuqotho’ litsho ukunamathela entweni ethile ungayitshiyi loba kutheni ngenxa yokuthi uyayithanda. Umuntu oqotho ulothando. Lezinto ezingaphiliyo kungathiwa zithembekile. Ngokwesibonelo, umhubi wathi inyanga ‘ingufakazi othembekileyo esibhakabhakeni’ ngoba ayiyekeli ukuphuma ebusuku. (IHubo 89:37) Kodwa inyanga ngeke ithembeke ngendlela umuntu angathembeka ngayo. Ngenxa yani? Ngoba umuntu othembekileyo uyabe etshengisa uthando kodwa izinto ezingaphiliyo zona kazenelisi ukuba lothando.
5 Ngokwalokho okutshiwo liBhayibhili ukuba qotho yinto esuka enhliziyweni. Lokhu kutsho ukuthi umuntu oqotho uyabe emthanda lowo aqotho kuye. Ubuqotho obunjalo abutshintshi. Abufanani lamagagasi olwandle aphetshulwa ngumoya uwase le lale. Umuntu olothando oluqotho kamtshiyi lowo aqotho kuye lanxa izimo zingaze zibe njani.
Zinikele Emsebenzini Wokutshumayela
ijwbq 181
IBhayibhili
IBhayibhili liqala ngokusitshela ngamafitshane ukuthi uNkulunkulu uSomandla wadala amazulu lomhlaba. Liphinda lisitshele ibizo likaNkulunkulu elithi Jehova lokuthi uyafisa ukuthi abantu babe ngabangane bakhe.—IHubo 83:18.
IBhayibhili liphinda lisitshele ukuthi ibizo likaNkulunkulu belilokhu lingcoliswa lokuthi uzakwenzani ukuze alingcwelise.
Lisitshela lokuthi uNkulunkulu uhloseni ngabantu langomhlaba. Liphinda litshengise lokuthi esikhathini esizayo uzaqeda konke okwenza abantu bahlupheke.
IBhayibhili liyasinika lamacebo asincedayo empilweni. Amanye akhona yilawa alandelayo:
● Ukuhlalisana kuhle labanye. “Konke elifuna abantu bakwenze kini, lani kumele likwenze kubo.”—UMathewu 7:12.
Okutshiwo yivesi le: Kumele siphathe abanye ngendlela esingafuna ukuphathwa ngayo.
● Ukulwisana lokukhathazeka. “Lingaqali ukukhathazeka ngosuku olulandelayo ngoba usuku olulandelayo luzakuba lezalo izinkathazo.”—UMathewu 6:34.
Okutshiwo yivesi le: Kumele sikhangele inhlupho zalelolanga kulokuthi sizihluphe kakhulu ngalokho okungenzakala esikhathini esizayo.
● Ukuba lemuli ethokozayo. “Kumele ngamunye wenu athande inkosikazi yakhe ngendlela azithanda ngayo, lenkosikazi kumele imhloniphe kakhulu umkayo.”—Kwabase-Efesu 5:33.
Okutshiwo yivesi le: Okungenza abatshadileyo bathokoze yikuthandana lokuhloniphana.
SEPTEMBER 30–OCTOBER 6
AMAGUGU ASELIZWINI LIKANKULUNKULU IHUBO 90-91
Themba UJehova Uphile Kuze Kube Nini Lanini
Ukudinga Izindlela Zokuphila Isikhathi Eside
Abanye abezesayensi abavumi ukuthi izinto ezenzelwe ukuthi zengezelele ukuphila kwethu ziyasebenza sibili. Liqiniso ukuthi sesiphila isikhathi eside kulaseminyakeni yabo-1800. Intuthuko le ibangelwe yikuthi sekulenhlanzeko engcono kakhulu, njalo sekulemithi yokwelapha imikhuhlane ethelelwanayo kanye lamajekiseni okuvikela imikhuhlane. Abanye abezesayensi bacabanga ukuthi akula esingakwenza ukuze sengezelele iminyaka esiyiphilayo.
Eminyakeni engu-3 500 eyadlulayo, uMosi wathi: “Ubude bezinsuku zethu buyiminyaka engamatshumi ayisikhombisa—loba amatshumi aficamibili, nxa silamandla; kanti lelobanga layo liluhlupho losizi, ngokuba iphanga yedlule, lathi siphaphe nje sedlule.” (IHubo 90:10) Lanxa abantu benze yonke imizamo yokwengezelela impilo yethu, silokhu siphila iminyaka eyaqanjwa nguMosi.
Kodwa ezinye izinyamazana lezinanakazana kanye lezihlahla ziphila iminyaka edlula engu-200. Ngokwesibonelo isihlahla somkhomo singaphila izinkulungwane zeminyaka. Nxa singaqathanisa isikhathi esiphilwa ngabantu laleso esiphilwa zinyamazana lezihlahla, sicina sizibuza ukuthi ‘Singaphila isikhathi eside ukwedlula esisiphila khathesi yini?’
wp19.1 5, ibhokisi
Ngubani Ibizo LikaNkulunkulu?
Lo ngumbuzo osuhluphe abantu abanengi. Mhlawumbe lawe uyake uzibuze wona. Nxa kuyikuthi uNkulunkulu nguye owadala amazulu lomhlaba, yena wadalwa ngubani?
Abezesayensi labo bayavuma ukuthi amazulu lomhlaba kwaba lesiqalo. IBhayibhili liyavumelana lalokho okutshiwo ngabezesayensi. Lithi: “Ekuqaleni uNkulunkulu wadala amazulu lomhlaba.”—UGenesisi 1:1.
Izinkanyezi kanye lamaplanethi akuzange kuphonguzivelela nje. Phela ukuze ulutho lubekhona kumele kube lomuntu oyabe elwenzile. Aluba bekungelamdali ngabe lathi kasikho kanye lakho konke okukhona. Akulalutho olungabakhona lungazange lube lesiqalo. Yikho-ke, ukhona owadala izinto zonke. Ibizo lakhe nguJehova futhi ulamandla amakhulu kakhulu.—UJohane 4:24.
Nxa iBhayibhili likhuluma ngoNkulunkulu lithi: “Izintaba zingakabikhona lalapho ungakawuvezi umhlaba kanye lelizwe, kusukela phakade kuze kube phakade unguNkulunkulu.” (IHubo 90:2) Yikho uNkulunkulu wayevele ekhona njalo “ekuqaleni” wadala amazulu lomhlaba.—ISambulo 4:11.
Uthando LukaJehova Lusinceda Sinqobe Ukwesaba
16 USathane uyakwazi ukuthi siyakwesaba ukufa. Uthi singenza loba yini size sitshiye uJehova ukuze siqhubeke siphila. (Jobe. 2:4, 5) La ngamanga aluhlaza tshoko. Lanxa kunjalo, nguye “olamandla okubangela ukufa.” Yikho usebenzisa ukwesaba ukufa ukuze asenze siyekele ukukhonza uJehova. (Heb. 2:14, 15) Ngezinye izikhathi uSathane usebenzisa abantu ukuthi basethusele ngokuthi bazasibulala ukuze silahle ukholo lwethu. Kanti njalo nxa sigula angazama ukusenza sikhethe ukwelatshwa ngendlela engamthokozisiyo uJehova. Odokotela lezinye izihlobo ezingakhonziyo bangazama ukusibamba ngamandla ukuthi sifakwe igazi. Abanye bangazama ukusincenga ukuthi selatshwe ngezinye indlela eziphikisana lalokho okutshiwo liBhayibhili.
17 Asikufuni ukufa kodwa nxa kungenzakala lokhu, siyakwazi ukuthi uJehova kasoze ayekele ukusithanda. (Bala uRoma 8:37-39.) Nxa abangane bakaJehova bengafa, uhlala ebakhumbula sengathi bayaphila. (Luk. 20:37, 38) Uyafisa sibili ukubavusa. (Jobe. 14:15) UJehova ubhadale inhlawulo edula kakhulu ukuze ‘sibe lokuphila okungapheliyo.’ (Joh. 3:16) Siyakwazi ukuthi uyasithanda sibili lokuthi ulendaba lathi. Yikho asimtshiyi nxa sigula kumbe sisethuselwa ngokufa kodwa sithembela kuye ukuthi asiduduze, asiphe inhlakanipho njalo asiqinise. Lokhu yikho kanye okwenziwa nguValérie lomkakhe.—Hubo. 41:3.
Ukuchwayisisa IMibhalo
Umuntu Ngamunye Ulengilosi Yakhe Yini?
IBhayibhili alikufundisi ukuthi umuntu ngamunye ulengilosi yakhe emvikelayo. Kodwa uJesu wake wathi: “Nanzelelani ukuthi lingeyisi lamunye walaba abancinyane [abafundi bakaKhristu]. Phela ngilitshela ukuthi izingilosi zabo ezulwini zihlezi zibubona ubuso bukaBaba ezulwini.” (UMathewu 18:10) Lapha uJesu wayesitsho ukuthi izingilosi zilendaba lomfundi ngamunye, hatshi ukuthi umuntu ngamunye ulengilosi yakhe. Yikho izikhonzi zeqiniso kazizifaki engozini zithembe ukuthi zizavikelwa yizingilosi zikaNkulunkulu.
Kodwa lokhu akutsho ukuthi izingilosi azibancedi abantu. (IHubo 91:11) Abanye bayakholwa sibili ukuthi uNkulunkulu wake wabavikela kumbe wabakhokhela esebenzisa ingilosi. UKenneth okukhulunywe ngaye esihlokweni esisekuqaliseni laye ngomunye okholwa ukuthi wakhokhelwa yingilosi. Mhlawumbe yamkhokhela sibili. OFakazi bakaJehova bahlala bebona ukuthi izingilosi ziyabancedisa emsebenzini wabo wokutshumayela. Kodwa izingilosi kasiziboni yikho kasingeke sitsho ukuthi uNkulunkulu uzisebenzisa kangakanani ukuthi zincede abantu ezimeni ezitshiyeneyo. Lanxa kunjalo kumele simbonge sikhathi sonke uSomandla ngokusincedisa.—KwabaseKholose 3:15; UJakhobe 1:17, 18.
OCTOBER 7-13
AMAGUGU ASELIZWINI LIKANKULUNKULU IHUBO 92-95
Akulalutho Olungcono Esingalwenza Empilweni Ngaphandle Kokukhonza UJehova!
Batsha Liyahlela Yini Elifuna Ukukwenza Ekukhonzeni?
5 Okokuqala, nxa sihlela ukwenza okuthile okuphathelane lokukhonza siyabe sitshengisa ukuthi siyambonga uJehova ngothando lwakhe langalokho asenzele khona. Umhubi wabhala wathi: “Kuhle ukudumisa uJehova . . . Ngokuba uyangijabulisa ngezenzo zakho, O Jehova; ngihlala ngentokozo ngomsebenzi wezandla zakho.” (Hubo. 92:1, 4) Nxa ungosakhulayo zama ukucabangisisa ngalokho uJehova akwenzele khona. Khumbula ukuthi nguye owakunika ukuphila, ukholo, iBhayibhili, ibandla kanye lethemba lokuyaphila ePharadayisi. Ngakho nxa uhlela ukwenza izinto ezithokozisa uJehova uyabe utshengisa ukuthi uyambonga ngalokho akwenzele khona futhi ukwenza njalo kuzakusiza usondele kuye.
Ngubani Obumba Imicabango Yakho?
8 UJehova unjengomzali olothando. Ufuna abantwabakhe bayikholise impilo. (Isaya. 48:17, 18) Ngakho usifundisa izimiso ezingasisiza ukuthi siziphathe kuhle njalo sihlalisane kuhle labanye. Imfundo asipha yona itshengisa ukuthi ufisa sicabange ngendlela yena acabanga ngayo. Lokho akusicindezeli kodwa kwenza sihlakaniphe. (Hubo. 92:5; Zaga. 2:1-5; Isaya. 55:9) Kuyasinceda lokuthi sikhethe ngendlela ezakwenza sithokoze lanxa siyabe sizenzela izinqumo. (Hubo. 1:2, 3) Kuyacaca-ke ukuthi imicabango kaJehova kayisicindezeli kodwa iyasinceda!
Uligugu KuJehova UNkulunkulu Wakho
18 Akumelanga sithandabuze ukuthi uJehova ulokhu elomsebenzi afuna simenzele wona lanxa sesigugile. (Hubo. 92:12-15) UJesu wasifundisa ukuthi lanxa singasenelisi ukwenza okunengi futhi sicabanga ukuthi imizamo yethu ayitsho lutho, uJehova uyakuqakathekisa konke esimenzela khona. (Luk. 21:2-4) Ngakho yenza okwenelisayo. Ngokwesibonelo, ungakhuluma ngoJehova, uthandazele abafowenu labodadewenu njalo ukhuthaze abanye ukuthi bahlale bethembekile. UJehova ukubona usebenza laye ngenxa yokuthi uzimisele ukumlalela hatshi ngenxa yalokho owenelisa ukukwenza.—1 Khor. 3:5-9.
Ukuchwayisisa IMibhalo
‘Ukuhlakanipha KukaNkulunkulu Kujule Kakhulu!’
18 Nanzelela ukuthi umphostoli uPhawuli wakucacisa njani ukumangalisa kwenhlakanipho kaJehova: “Yeka ukuzika kwenotho yenhlakanipho kanye lokwazi kukaNkulunkulu! Yeka ukwahlulela kwakhe okungeke kuhlolwe, kanye lezindlela zakhe ezingeke zilandelwe!” (KwabaseRoma 11:33) Ngokuvula ivesi le ngesibabazo esithi “yeka,” uPhawuli watshengisa ukumangala okukhulu ngenhlakanipho le. Ibala lesiGiriki alisebenzisela ukuthi “ukuzika” lihambelana lebala elisetshenziselwa ‘umgodi ongelamkhawulo.’ Ngakho amazwi akhe enza siyibone kuhle inhlakanipho kaNkulunkulu. Nxa sicabangisisa ngenhlakanipho kaJehova, kuba angani silunguza egodini elingelamkhawulo, elitshona kakhulu okokuthi kasingeke sibuzwisise ubukhulu balo, singasabali ukulilinganisa ngendlela egcweleyo. (IHubo 92:5) Lokhu akusenzi simangale yini?
OCTOBER 14-20
AMAGUGU ASELIZWINI LIKANKULUNKULU IHUBO 96-99
“Memezelani Izindaba Ezinhle”!
w11-ZU 3/1 6 ¶1-2
Ziyini Izindaba Ezinhle?
AMAKRISTU kumelwe ashumayele ‘izindaba ezinhle zombuso’ kwabanye, abachazele ukuthi uMbuso uwuhulumeni wesikhathi esizayo oyobusa umhlaba ngokulunga. Nokho, eBhayibhelini inkulumo ethi ‘izindaba ezinhle’ isetshenziswa nangezinye izindlela. Ngokwesibonelo, likhuluma “ngezindaba ezinhle zensindiso” (IHubo 96:2); ‘izindaba ezinhle zikaNkulunkulu’ (Roma 15:16); ‘nezindaba ezinhle mayelana noJesu Kristu.’—Marku 1:1.
Ngamafuphi, izindaba ezinhle zihlanganisa wonke amaqiniso akhulunywa uJesu futhi abhalwa phansi abafundi bakhe. Ngaphambi kokwenyukela ezulwini, uJesu watshela abalandeli bakhe: “Ngakho-ke hambani niyokwenza abantu bazo zonke izizwe babe abafundi, nibabhapathize egameni likaYise neleNdodana nelomoya ongcwele, nibafundise ukugcina konke enginiyale ngakho.” (Mathewu 28:19, 20) Ngakho, umsebenzi wamaKristu eqiniso awukona nje ukutshela abanye ngoMbuso; kumelwe azame nokwenza abafundi.
w12-ZU 9/1 16 ¶1
Yini Eyokwenzeka NgoSuku Lokwahlulela?
Njengoba kufanekiswe esithombeni esingakwesokudla, abantu abaningi bacabanga ukuthi ngoSuku Lokwahlulela, imiphefumulo eyizigidi ngezigidi iyolethwa phambi kwesihlalo sobukhosi sikaNkulunkulu ukuze yahlulelwe ngokwezenzo zayo zangaphambili—eminye inikezwe ukuphila ezulwini, eminye ihlushwe esihogweni. Nokho, iBhayibheli libonisa ukuthi injongo yoSuku Lokwahlulela ukukhulula abantu ekuphileni okungenabo ubulungisa. (IHubo 96:13) UNkulunkulu ubeke uJesu ukuba abe uMahluleli ozobuyisa ubulungisa kubantu.—Funda u-Isaya 11:1-5; izEnzo 17:31.
w12-ZU 9/15 12 ¶18-19
Ukuthula Kweminyaka Eyinkulungwane Nangalé Kwayo!
18 Lobo buhlobo obunobunye baphazamiseka lapho abantu, bethonywe uSathane, bevukela ubukhosi bukaJehova. Nokho, selokhu uMbuso KaMesiya wamiswa ngo-1914, uye wathatha izinyathelo eziqhubekayo zokubuyisela lobo bunye nokuzwana. (Efe. 1:9, 10) Phakathi nokuBusa Kweminyaka Eyinkulungwane, izinto ezimangalisayo “ezingabonwayo” okwamanje ziyoba ngokoqobo. Kuyobe sekufika “ukuphela,” okungukuthi, ukuphela kokuBusa KukaKristu Kweminyaka Eyinkulungwane. Kuyobe sekwenzekani? Nakuba enikwe “lonke igunya ezulwini nasemhlabeni,” uJesu akanaso isifiso sokuvelela. Akanayo inhloso yokuqhwaga isikhundla sikaJehova. Ngokuzithoba, ‘unikela umbuso kuNkulunkulu wakhe noYise.’ Uyosebenzisa isikhundla negunya lakhe elikhethekile ngendlela eyoletha ‘inkazimulo kuNkulunkulu.’—Math. 28:18; Fil. 2:9-11.
19 Ngaleso sikhathi, izikhonzi zasemhlabeni zoMbuso ziyobe sezenziwe zaphelela. Ziyolandela isibonelo sikaJesu futhi ngokuzithoba nangomoya ovumayo ziqaphele ubukhosi bukaJehova. Ziyoba nethuba lokubonisa isifiso sazo sokwenza kanjalo ngokuphumelela uvivinyo lokugcina. (IsAm. 20:7-10) Ngemva kwalokho, bonke abavukelayo—abantu nezidalwa zomoya—bayobhujiswa phakade. Yeka isikhathi senjabulo nokwesasa! Wonke umkhaya osemazulwini nasemhlabeni uyodumisa uJehova ngenjabulo, oyobe ‘eyikho konke kuwo wonke umuntu.’—Funda iHubo 99:1-3.
Ukuchwayisisa IMibhalo
it-2-E 994
Ingoma
Umutsho othi “ingoma entsha” awutholakali ebhukwini lamaHubo kuphela kodwa utholakala ku-Isaya lakuSambulo. (Hu 33:3; 40:3; 96:1; 98:1; 144:9; 149:1; Isy 42:10; Sam 5:9; 14:3) Ukuhlola indaba yonke nje lapho okutholakala khona ivesi elomutsho othi “ingoma entsha” kusinceda sibone ukuthi ingoma leyo iyabe ihlatshelwe ngenxa yokuthi kuyabe kwenzakale okuthile okutshengisa ukuthi uJehova nguye ofanele ukubusa. Ngokwesibonelo iHubo 96:10 lithi: “UJehova useyiNkosi!” Okwenza kuthiwe ingoma le intsha yikuthi ukubusa kukaJehova sekuqhelisiwe kwahlanganisa izulu lomhlaba.—Hu 96:11-13; 98:9; Isy 42:10, 13.
OCTOBER 21-27
AMAGUGU ASELIZWINI LIKANKULUNKULU IHUBO 100-102
Tshengisa Ukuthi Uyambonga UJehova Ngothando Lwakhe Oluqotho
Ungakulungiselela Njani Ukubhabhathizwa?
18 Into enhle ukwedlula zonke engakunceda yikuthanda uJehova. (Bala uZaga 3:3-6.) Ukuthanda uJehova ngenhliziyo yakho yonke yikho okuzakunceda ukuthi uqhubeke umkhonza lanxa sekunzima. Kulamavesi amanengi asitshela ukuthi uJehova ulothando oluqotho ezincekwini zakhe. Uthando olunjalo alupheli loba sekutheni njalo alukhalali lanxa sekunzima. (Hubo. 100:5) Wena wenziwa ngomfanekiso kaNkulunkulu. (Gen. 1:26) Pho ungenzani ukuze lawe ube lothando oluqotho?
19 Into yokuqala ongayenza yikubonga. (1 Thes. 5:18) Nsuku zonke zibuze ukuthi uJehova ukutshengise njani ukuthi uyakuthanda. Ungenza njalo ubusuthandaza umbonga, uqamba zona kanye izinto akwenzele zona. Nanzelela ukuthi zonke izinto akwenzela zona zitshengisa ukuthi uyakuthanda njengoba nje lomphostoli uPhawuli wakunanzelela lokhu. (Bala uGalathiya 2:20.) Zibuze, ‘Lami ngiyafuna yini ukumtshengisa ukuthi ngiyamthanda?’ Ukuthanda uJehova kuzakunceda ukuthi uqhubeke ulwisana lezilingo lobunzima ongahlangana labo. Kuzakunceda ukuthi uhlale usenza izinto eziphathelane lokukhonza, utshengisa nsuku zonke ukuthi uyamthanda uBaba wethu osezulwini.
“Zisebenziseni Kuhle Ingqondo Zenu, Liqaphele!”
10 Ezinye izingozi okumele sizibalekele yikudlala ngothando, ukunatha sedlulise, ukudla kakhulu, ukukhuluma izinto ezizwisa abanye ubuhlungu kanye lokubukela izinto ezilodlakela lephonografi lokunye okuhambelana lalokho. (Hubo. 101:3) Isitha sethu uDeveli sihlala sithiyile sidinga amathuba okuphambanisa ubungane bethu loJehova. (1 Phet. 5:8) Nxa singayekela ukunanzelela, uSathane angafaka engqondweni zethu lasezinhliziyweni zethu inhlanyelo yomona, ukungathembeki, ubuhwaba ukuzonda abanye, ukuzikhukhumeza kanye lokubamba izikhwili. (Gal. 5:19-21) Singaqalisa sibona angathi imicabango le ayisiyo ngozi. Kodwa nxa singayekela ukuyisiphuna masinyane izaqhubeka ikhula njengesihlahlakazana esibulalayo besekubangela ukuthi thina siphambuke.—Jak. 1:14, 15.
w11-ZU 7/15 16 ¶7-8
Ingabe Uyozilalela Izixwayiso ZikaJehova Ezicacile?
7 Yini ehilelekile ekugwemeni abafundisi bamanga? Asibamukeli ezindlini zethu noma sibabingelele. Siyenqaba nokufunda izincwadi zabo, ukubukela izinhlelo ze-TV abavela kuzo, ukungena noma ukuveza uvo lwethu ezingosini zabo. Kungani simelana nabo ngokuqine kangaka? Kungenxa yothando. Sithanda “uNkulunkulu weqiniso,” ngakho, asinasithakazelo ezimfundisweni ezisontekile eziphikisana neZwi lakhe leqiniso. (IHu. 31:5; Joh. 17:17) Sithanda nenhlangano kaJehova eye yasifundisa amaqiniso amangalisayo—ahlanganisa igama likaJehova nencazelo yalo, injongo kaNkulunkulu ngomhlaba, isimo sabafileyo nethemba lovuko. Usayikhumbula yini indlela owazizwa ngayo lapho uqala ukufunda lezi zinto namanye amaqiniso ayigugu? Uvumelani-ke ukudukiswa yinoma ubani onyundela inhlangano eyakufundisa la maqiniso?—Joh. 6:66-69.
8 Kungakhathaliseki ukuthi abafundisi bamanga bangathini, ngeke size sibalandele! Singayelani emithonjeni eyomile ezomane nje isikhohlise futhi isidumaze? Kunalokho, masizimisele ukuhlale siqotho kuJehova nasenhlanganweni osekuyisikhathi eside icima ukoma kwethu ngamanzi ahlanzekile naqabulayo eqiniso elivela eZwini likaNkulunkulu eliphefumulelwe.—Isaya 55:1-3; Math. 24:45-47.
Ukuchwayisisa IMibhalo
Ungayithola Njani Intokozo Ekukhonzeni uJehova?
20 Lanxa kunjalo, umhubi wasebenzisa ukuphila kwakhe ukuze adumise uJehova. (Bala iHubo 102:19-21.) Njengoba kukhanya kuHubo-102, lalabo abasekukholweni balakho ukuba sebuhlungwini njalo behluleke ukwenza loba yini. UmHubi wazibona ‘esenjengenyoni ehlezi yodwa ephahleni’ njalo umngane wakhe kwakuzinhlupho zakhe kuphela. (Hubo. 102:7) Nxa kuyikuthi lawe usuzizwa njalo, thandaza kuJehova njengomhubi. Imithandazo yabakhathazekileyo, okutsho imithandazo yakho, ingakunceda ukuthi ulwisane lemicabango yokukhathazeka. UJehova uthembisa ukuthi “uzaphendula imithandazo yabahluphekayo; kazukweyisa isicelo sabo.” (Hubo. 102:17) Sikholwe isithembiso lesi.
Zinikele Emsebenzini Wokutshumayela
ijwbq 181
IBhayibhili
Hatshi. Izikhwicamfundo ezihlola iBhayibhili ziqathanise imibhalo yeBhayibhili yakudala lamaBhayibhili akhona khathesi zathola ukuthi umlayezo weBhayibhili awutshintshanga. UNkulunkulu nguye obelilondoloza iLizwi lakhe ukuthi lingatshintshwa. Lokhu yikho vele okumele sikukhangelele ngoba ufuna abantu babale njalo bazwisise umlayezo oseBhayibhilini.—U-Isaya 40:8.
OCTOBER 28–NOVEMBER 3
AMAGUGU ASELIZWINI LIKANKULUNKULU IHUBO 103-104
“Uyakhumbula Ukuthi Siluthuli”
Lingisela UJehova Ngokuba Ngumuntu Ozwisisayo
5 Okunye okwenza uJehova abe nguNkulunkulu ozwisisayo yikuthi uthobekile njalo ulozwelo. Ngokwesibonelo kwakhanya ukuthi uJehova uthobekile ngesikhathi esezabhubhisa abantu beSodoma ababesenza okubi. UJehova wathuma izingilosi zakhe ukuthi zitshele uLothi ukuthi abalekele ezintabeni kodwa uLothi wayesesaba ukuya khona. Yikho wacela ukuthi yena lemuli wakhe baye eZowari, idolobho elincane elalizabhujiswa lalo. UJehova wayengatshela uLothi ukuthi enze khona kanye amtshele khona angaphikisani laye. Kodwa wamvumela ukuthi aye edolobheni leZowari futhi wacina engasalibhubhisanga. (Gen. 19:18-22) Kanti njalo ngemva kweminyaka eminengi, uJehova wazwela abantu beNiniva. Wathuma umphrofethi uJona ukuthi ayebatshela ukuthi idolobho lelo laselizabhujiswa kuphinde kubhujiswe labantu balo ababesenza okubi. Kodwa abantu beNiniva bathi sebephendukile, uJehova wabazwela wayekela ukubhubhisa idolobho labo.—Jona. 3:1, 10; 4:10, 11
Thembela KuJehova NjengoSamsoni
16 USamsoni kazange ayekele ukuqhubeka ezama ukwenza intando kaJehova lanxa wayesebunzimeni ngenxa yalokho ayekwenzile. Lathi nxa singaphambanisa besesikhuzwa kumbe sithathelwe eminye imisebenzi yenkonzo ebesilayo akumelanga sikhalale kodwa kumele siqhubeke sisenza intando kaJehova. Kumele sihlale sikhumbula ukuthi uJehova laye kasikhalali. (Hubo. 103:8-10) Lanxa singaphambanisa, uJehova angasincedisa ukuthi siqhubeke sisenza intando yakhe njengoba nje wancedisa loSamsoni.
17 Omunye umfowethu okuthiwa nguMichael wayesenza kuhle kakhulu, eyinceku ekhonzayo futhi eliphayona lesikhathi sonke. Kodwa uMichael wenza iphutha wacina esethathelwa imisebenzi ayelayo ebandleni. UMichael uthi: “Kungakenzakali lokho ngangisenza okunengi emsebenzini kaJehova kodwa ngokucwayiza kwelihlo nje kwasekungani konke sekungiphelele. Angizange ngike ngizitshele ukuthi uJehova usengilahlile, kodwa ngangizibuza ukuthi ngizaphinda ngibe ngumngane wakhe oseduze njengakuqala yini, kumbe ukuthi ngizaphinda ngiyiphiwe yini imisebenzi yenkonzo ebandleni.”
18 Okuhle yikuthi uMichael kazange akhalale. Uthi: “Ngangihlala ngisenza izinto ezazizakwenza ukuthi ngiqhubeke ngingumngane kaJehova. Ngangithandaza ngimtshela konke okusenhliziyweni yami, ngitaditsha futhi ngicabangisisa.” Ngokuhamba kwesikhathi uMichael waphinda wayiphiwa imisebenzi yenkonzo ebandleni. Khathesi usengumdala futhi useliphayona lesikhathi sonke. Uphinda athi: “Indlela abazalwane ababengisekela ngayo njalo bengikhuthaza, ikakhulu abadala, yangenza ngabona ukuthi uJehova ulokhu engithanda. Khathesi sengingazenzela imisebenzi yami yebandla ngilomzwangedwa omsulwa. Okwenzakala kimi kungifundise ukuthi uJehova uyathethelela loba ngubani ophenduka ngenhliziyo yonke.” Nxa lathi singenza amaphutha kumele silungisise lokho esiyabe sikuphambanisile siqhubeke sithembela kuJehova. Singenza njalo singaqiniseka ukuthi uJehova uzaqhubeka esisebenzisa futhi esibusisa.—Hubo. 86:5; Zaga. 28:13.
Ungaphumelela Ukwenza Okuhlelileyo
2 Nxa kuyikuthi kukhona owawuhlele ukukwenza kodwa akukaphumeleli, ungacabangi ukuthi vele uyazehlulekela. Phela kudinga isikhathi ukuthi usebenze nzima ukuze uphumelele ukwenza lokho oyabe ukuhlelile lanxa kuyabe kukuncane. Khonokho ukuthi uyazama ukwenza okuhlelileyo kutshengisa ukuthi uyabuqakathekisa ubungane bakho loJehova lokuthi uyafisa ukumnika okungcono kakhulu olakho. UJehova uyakuqakathekisa kakhulu okwenzayo. Kakhangelelanga ukuthi umenzele lokho ongeke wenelise ukukwenza. (Hubo. 103:14; Mik. 6:8) Nxa uhlela ofuna ukukwenza, khetha lokho ongakwenelisa kusiya ngezimo zakho. Nxa usukukhethile ofuna ukukwenza, ungenzani ukuze uphumelele? Asixoxe ngokunye kwakhona.
Ukuchwayisisa IMibhalo
Amandla Okudala—“UMenzi Wezulu Lomhlaba”
18 Kulemihlobohlobo yezinto ezidaliweyo esithi singazibona sisale sibambe owangaphansi. Omunye umhubi wathi: ‘Minengi imisebenzi yakho Jehova! Umhlaba ugcwele lokho okwenzileyo.’ (IHubo 104:24) Lokhu kuliqiniso sibili ngoba abezesayensi sebethole imihlobo yezinto eziphilayo eyedlula 1 miliyoni kodwa abanye bathi iyedlula lapho. Ngezinye izikhathi umdwebi angaswela ukuthi adwebeni. Kodwa amandla kaJehova okudala izinto wona awapheli. Manje indalo kaJehova isifundisani ngaye?