Thobeka

Isimiso: “Ngokuthobeka bonani abanye bengcono kulani.”—Flp. 2:3.

Okwenziwa NguPhawuli

Umphostoli uPhawuli ubotshiwe futhi ukhuluma ngenhlonipho leNkosi u-Agripha loMbusi uFestu loBhenis.

IVIDIYO: UPhawuli Utshumayeza INkosi U-Agripha

1. Bukela IVIDIYO, kumbe ubale imiSebenzi 26:2, 3, ubusuphendula imibuzo elandelayo:

UPhawuli watshengisa njani ukuthi uthobekile ngesikhathi ekhuluma leNkosi u-Agripha?
UPhawuli watshengisa njani ukuthi lokho akukhulumayo kuvela eMibhalweni lokuthi unika uJehova lonke udumo kulokuthi aziphakamise yena?—Khangela imiSebenzi 26:22.

Sifundani Kulokho Okwenziwa NguPhawuli?

2. Abantu bazafuna ukulalela izindaba ezinhle nxa sithobekile futhi sibahlonipha.

Lingisela UPhawuli

3. Khuluma ngendlela etshengisa ukuthi ulenhlonipho. Ungazitshayi angathi wazi konke futhi ungenzi angani umuntu okhuluma laye kazi lutho. Kodwa hlonipha wonke umuntu.

4. Yenza kucace ukuthi okufundisayo kuvela eBhayibhilini. ILizwi likaNkulunkulu lilamazwi athinta inhliziyo zabantu. Nxa singalisebenza, sizanceda abantu balizwisise iqiniso eliseBhayibhilini.

5. Woba mnene. Ungabambi inkani, uzama ukutshengisa lowo oxoxa laye ukuthi okukhulumayo kuqondile. Phela asifuni ukuphikisana labantu. Tshengisa ukuthi uthobekile ngokuhlala umnene futhi ukwazi nxa sekumele uvalelise. (Zaga. 17:14; Tit. 3:2) Nxa ungamphendula ngendlela emnene angaba lesifiso sokuphinda axoxe labanye bethu ngesikhathi esizayo.

KHANGELA

loRom. 12:16-18; 1 Khor. 8:1; 2 Khor. 3:5