UKUPHINDELA
ISIFUNDO 8
Bekezela
Isimiso: “Uthando luyabekezela.”—1 Khor. 13:4.
Okwenziwa NguJesu
1. Bukela IVIDIYO, kumbe ubale uJohane 7:3-5 lo-1 Khorinte 15:3, 4, 7, ubusuphendula imibuzo elandelayo:
Abafowabo bakaJesu baqala benzani ngesikhathi besizwa izindaba ezinhle?
Kuyini okutshengisa ukuthi uJesu waqhubeka embekezelela umfowabo uJakhobe?
Sifundani Kulokho Okwenziwa NguJesu?
2. Kumele sibekezele ngoba abanye abantu kubathatha isikhathi ukuthi bazamukele izindaba ezinhle.
Lingisela UJesu
3. Sebenzisa izindlela ezitshiyeneyo. Nxa umuntu esala ukuthi simfundise iBhayibhili akumelanga simbambe ngamandla. Ngokuya kwesikhathi ungambukelisa amavidiyo kumbe umtshengise izihloko ezikhuluma ngokuthi kwenzakalani esifundweni seBhayibhili lokuthi kuzamnceda njani ukufunda iBhayibhili.
4. Ungamqathanisi labanye. Phela abantu abafanani. Nxa omunye emulini kumbe umuntu omphindelayo esala ukufunda iBhayibhili loba ukwamukela okuthile okufundiswa liBhayibhili, zibuze ukuthi kungabe kubangelwa kuyini. Kukhona yini okuthile akukholwayo akuqakathekisa kakhulu futhi angafuni ukwehlukana lakho? Uyaphikiswa kumbe uyahlekwa yizihlobo loba omakhelwane yini? Mnike isikhathi sokuthi acabangisise ngalokho omtshele khona futhi abone ukuthi lokho okutshiwo liBhayibhili kungamnceda njani.
5. Thandazela lowo ofunda laye. Cela uJehova akuncedise ukuthi uhlale ulethemba futhi uthole indlela yokuthinta inhliziyo yalowo ofunda laye. Mcele akuncedise ubone lokuthi umuntu lo uyafuna yini ukufunda loba hatshi lokuthi sekumele uyekele yini ukufunda laye.—1 Khor. 9:26.