Khuthaza Abanye

Sonke siyakukholisa ukuba ndawonye labafowethu labodadewethu ukuze sikhuthazane. Kodwa leyi asondaba yokuphonguba labafowethu labodadewethu. IBhayibhili lithi nxa sikhuthaza abanye siyabe sibanika isipho esibaqinisa ukholo. (Rom. 1:​11, 12) Manje singenzani ukuze sikhuthaze njalo siqinise abanye?

Bakhuthaze ngokukhulumayo. Nxa uphendula emihlanganweni yebandla zama ukukhuluma ngoJehova, ngeLizwi lakhe langabantu bakaJehova kulokukhuluma kanengi ngezinto ezenzakala kuwe. Nxa uxoxa labanye abasebandleni, khuluma ngezinto ezizabakhuthaza.

Bakhuthaze ngokwenzayo. Ngokwesibonelo, nxa kuyikuthi lokhe ubambelele enkonzweni yesikhathi sonke lanxa uhlangana lobunzima, uyabe ubakhuthaza kakhulu abanye. Okunye okubakhuthazayo yikuthi bayakubona ulwisa ukungena imihlangano yaphakathi kweviki lanxa uyabe udinwe ufile ngenxa yokuthi uyabe utshone emsebenzini. Okunye okungabakhuthaza yikubona indlela oqinisela ngayo lanxa kulomkhuhlane okukhathazayo.

Uyabakhuthaza yini abafowenu labodadewenu ngalokho okukhulumayo lokwenzayo? Uyakubona yini okwenziwa ngabafowenu labodadewenu ukuze bakukhuthaze?