Mungaitenyi Kuti Munase Kubesereka Ngo Zvijijo Izvi Zvo Bhaibheri?
Jijiswanyi nga umwe wo Zvapupu zva Jehovha: Kumbiranyi mundhu amupa bhurushura iri kuti ajije nemwi Bhaibheri, kana kuti tumiranyi cikumbiro cenyu mu saiti yedu jw.org.
DIVI RO KUTANGA
Kutanga verenganyi ndima imwe nga imwe, kubatanijavo no muvhunjo jino khala imweni (A). Verenganyizve mavhesi amweni akazwi “verenganyi.” Verenganyi mavhesi anokhombijira mafundo makuru (B).
DIVI RO CIPIRI
Pa divi rakazwi “Jijanyi Zvizinji” munozovona fupiso yo zvamusada kujija (C). Zvimusoro zvidoko (D) zvinobhuya ngo mafundo makuru o zvamusada kujija. Verenganyi mavhesi, daviranyi muvhunjo no kuwona mavhidhiyo (E).
Vonanyi mapikica, moverenga masoko anosanangura mapikicewo (F), rangariranyi zvamunozobhuya pa divi rinoti “Vamweni Vanoti” (G).
DIVI RO KUPEJISIRA
Cijijo cimwe nga cimwe cinopera ngo pakazwi “Tajijenyi?” no “Muvhunjo jo Kuhwirijira” (H). Nyoreranyi zuva romunonga mapeja cijijo cimwe nga cimwe. Pakazwi “Ejanyi Izvi” panomuvhunja zvamunodikana kuita kuti mushandise zvamunonga majija (I). Pakazwi “Jijanyi Zvimweni” (J) panonga pano zvimweni zvamunodikana kuti muverenge no mavhidhiyo amunodikana kuti muvone.
Mungaitenyi kuti muwane vhesi yamunoda mu Bhaibheri?
Cinotanga kuviya, izina lo bhuku riri mu Bhaibheri(A), kozotevera citsauko(B), pejisire vhesi(C). Inga muezaniso, Johani 17:3 izvi zvinoda kubhuya kuti ibhuku la Johani, citsauko 17, vhesi 3.