Cibhuku co zvo Ulongwa wo Musangano Upenyu no Basa lo Kuparijira—2025 | Julho

VHIKI LA 28 YA JULHO–3 YA AGOSTO

ZVIREVO 24

Ngoma 38 no Mukumbiro | Masoko Okutanga (1 min.)

ZVINOKOSHA ZVIRI MUSOKO LA MWARI

1. Ivanyi Makavanga pa Zvineso Zvakasiyana-siyana Zvamunozosanagana nazvo

(10 min.)

Ivanyi no uzivi uye no ungwaru (Zvi. 24:5; Estudo Perspicaz vhorume 2 pheji 610 ndima 8)

Lambanyi muno ulongwa wakanaka wo kujija kunyange makasuruvara (Zvi. 24:10; Murindiri wa 15 wa Dezembro wo 2009 pheji 8 ndima 12-13)

Kutenda kakavanga no rudo wedu kuna Jehovha kunotibesa kuti ticungirire matambujiko (Zvi. 24:16; Murindiri wa Dezembro wo 2020 pheji 15)

Hanzvaji imweni ino ndhedha yakakura, iri kushanda no shamwari yayo mu basa lo kuparijira muzi ngo muzi. Ivona vari kukhombija zviri zvese mufoni yavo pamuzi po mwanakaji umweni.

2. Kupsakisisa Zviri mu Soko la Mwari

(10 min.)

Zvi. 24:27—Cijijo cipi catinowana pa vhesi iyi? (Murindiri wa 15 ya Outubro wo 2009 pheji 12)

Mupingulo wenyu
Zvicinyi zvamajija pa kuverengwa ko Bhaibheri ko vhiki rino?

Mupingulo wenyu

3. Kuverengwa ko Bhaibheri

(4 min.) Zvi. 24:1-20 (Kujijisa cijijo 11)

SHANDANYI NGO SIMBA MU BASA LO KUPARIJIRA

4. Kutangisa Mabhuyo

(2 min.) KUPARIJIRA KUSITO KULONGWA. Mabhuyo anopera musati mamuparijira. (Idanyi Vandhu cijijo 2 ndima 4)

5. Kutangisa Mabhuyo

(3 min.) MUZI NGO MUZI. (Idanyi Vandhu cijijo 3 ndima 4)

6. Kutangisa Mabhuyo

(3 min.) KUPARIJIRA PAKAZARA VANDHU. Vhunjanyi mundhuwo ngo zvo ulongwa wedu wo jijo yo Bhaibheri uye kumupa khadhi lo jijo yo Bhaibheri. (Idanyi Vandhu cijijo 4 ndima 3)

7. Hurukuro

(3 min.) Idanyi Vandhu apendesi A cijijo 11. Musolo: Mwari unobhuya nesu. (Kujijisa cijijo 6)

UPENYU WEDU WO CIKRISTU

Ngoma 99

8. Besananyi Panoitika Matambujiko

(15 min.) Kubhuisana.

Ndhendha, Ngozi jinoitika jega, greve, hondo uye no kutevererwa zvingaitika tisingalangariri. Matambujiko paanoitika, vaKristu vanonga vasangana no matambujiko vanobatana kuti vabesane no kuvangisana. Ngo kudalo, kunyange tisito kusangana no matambujiko tinozwa kuwajiwa ngo pamusolo po hama jedu jo ciKristu uye tinoita zvese zvatinokona kuti tivabese.—1 VaK. 12:25, 26.

Collage: Hama no hanzvaji jiri kubesa hama javanonamata najo ngo njira yakasiyana-siyana. 1. Hama no hanzvaji jiri kuvaka Nyumba yo Kunamatira yakapwanywa ngo ngozi jinoitika jega. 2. Hama no hanzvaji vari kuashira mai no mwana vari kutiza. 3. Hanzvaji imweni iri kukanda mupiro wayo mu bhokiso lo mupiro ku Nyumba yo Kunamatira. 4. Hama no hanzvaji vari kupa zvavanazvo ku hama jakatiza javanonamata najo pa Nyumba yo Kunamatira. 5. Vazvipiri vari kupa kasha jo kumwa iri mu mabotiri. 6. Hama imweni iri kuita mukumbiro.

Verenganyi 1 Majimambo 13:6 uye Jakobe 5:16b. Mapeja itanyi muvhunjo unotevera:

Ngenyi mukumbiro jo vanamati va Mwari jovanoitira vamweni jino simba maningi?

Mupingulo wenyu

Verenganyi Mako 12:42-44 uye 2 VaKorinde 8:1-4. Mapeja itanyi muvhunjo unotevera:

Kunyange tino zviro zvishoma uye tisina zviro zvakawanda kuitira kubesa hama jinoda besero jo nyika yese. Ngenyi tisingadikani kusiya kupa zvatinazvo?

Mupingulo wenyu

Rijanyi VHIDHIYO inoti: Kuvangisa Hama Jiri Mundau Iri Kulambijwa Basa Redu. Mapeja itanyi muvhunjo jinotevera:

Hama jakavangisira kudini ngo rudo kuti jibese hama jaigara ku ndau yailambijwa basa redu ku Europa?

Mupingulo wenyu
Pairambijwa basa redu, hama jakazwira kudini ndhungamiriro yo kuungana uye no kuvangisana?—VaH. 10:24, 25

Mupingulo wenyu