VHIKI RA 22-28 YA SETEMBRO

MUPARIJI 1-2

Ngoma 103 no Mukumbiro | Masoko Okutanga (1 min.)

ZVINOKOSHA ZVIRI MUSOKO RA MWARI

1. Mungajijisa Kudini Mubarihwana Unotevera

(10 min.)

[Rijanyi VHIDHIYO yo Kusumurwa ko bhuku ra Mupariji]

Mubarihwana umwe nga umwe uno basa ro kujijisa mubarihwana unotevera (Mup. 1:4; Mungwaji wa Janeiro wo 2017 pheji 27-28 ndima 3-4)

Patinojijisa no kupa mabasa vamweni, tinoita kuti vadakare no kushanda ngo simba mu basa ra Jehovha (Mup. 2:24)

Hama imweni yo mujaha inoshanda inga mukuru wo ungano, iri kuitisa jijo yo “Mungwaji” kuveni hama yaamusharuka iri kuverenga yesisekerera yakasota hama yo cidoko. — Musasiya kujijisa vamweni ngo kuthya kuti ivona vanozoita mabasa amunodakarira maningi

2. Kupsakisisa Zviri mu Soko ra Mwari

(10 min.)

Mup. 2:11—Soromoni wakabhuyenyi ngo pamusoro po kushanda ngo simba kuti awane zviro zvakawanda? (Mungwaji wa Dezembro wo 2018 pheji 18 ndima 14)

Mupinguro wenyu
Zvicinyi zvamajija pa kuverengwa ko Bhaibheri ko vhiki rino zvamaidakarira kuvhunjawo vamweni?

Mupinguro wenyu

3. Kuverengwa ko Bhaibheri

(4 min.) Mup. 1:1-18 (Kujijisa cijijo 11)

SHANDANYI NGO SIMBA MU BASA RO KUPARIJIRA

4. Kutangisa Mabhuyo

(2 min.) KUPARIJIRA KUSITO KURONGWA. Psakanyi kuziva zvinodakarirwa ngo mundhuwo. Pangananyi kuti muzobhuisanazve. (Idanyi Vandhu cijijo 3 ndima 5)

5. Kutangisa Mabhuyo

(2 min.) KUPARIJIRA PAKAZARA VANDHU. Bhuyanyi ngo ciro cimwe ciri pa divi rinoti “Cokwadi Catinodakarira Kujijisa Vandhu” pa masoko okuengejera 1 o bhuku ra Idanyi Vandhu. (Idanyi Vandhu cijijo 2 ndima 3)

6. Kuhwirira ku Vandhu Vadakarira

(2 min.) KUPARIJIRA KUSITO KURONGWA. Daviranyi muvhunjo wakaizwa ngo mundhu wo pamakapejisira kubhuya naye. (Idanyi Vandhu cijijo 9 ndima 5)

7. Kuita Kuti Vave Vajiji

(5 min.) KUPARIJIRA PAKAZARA VANDHU. Tangisanyi jijo yo Bhaibheri no kuita nasiriro kuti muenderere mberi mesijija. (Idanyi Vandhu cijijo 10 ndima 3)

UPENYU WEDU WO CIKRISTU

Ngoma 84

8. Zvijijo Zvitatu Zvinokosha ngo Pamusoro po Kujijisa

(15 min.) Kubhuisana.

Collage: Hama jiri kujijisa vamweni mabasa akasiyana-siyana. 1. Hama imweni iri kujijisa hanzvaji kushandisa zvimucini zvo magetsi pa basa rokuvaka. 2. Hama yaamusharuka iri kujijisa hama yo mujaha kuita hurukuro yayo pa Nyumba yo Kunamatira isina vandhu. Hama yaamusharuka yakabata bhurushura ra “Itisanyi Nane Pakuverenga no Kujijisa.” 3. Hama imweni iri kujijisa hama yo cidoko kucinja bhatariya mu mukorofoni. 4. Baba no vana vavo vaviri vari kubesa pa kucenesa mu Nyumba yo Kunamatira. Baba no mwana wavo wo dangwe vari kucenesa vesishandisa cimucini co kupsaira ndicona, mwana wavo wo mudoko esipukuta pa cikuva. — Rudo rinotindundira kuti tijijise vamweni kuita basa ratakapuwa ndi Jehovha kuti tiite

Bhaibheri rino muezaniso jakawanda jakanaka jinotiwonesa maitire okujijisa vamweni. Tinojija zvakawanda ngozva Samueri wakajijisa Sauri, Eriya wakajijisa Erizeu, mupostori Pauro wakajijisa Timoti uye Jesu wakajijisa vajiji vake. Zvakajeka kuti Jehovha ndiyena Mujijisi Mukuru kupinda vese. Asi tingajijenyi ngo muezaniso wake?

Rijanyi VHIDHIYO inoti: Tevejeranyi Jehovha Inga Mujijisi (Johani 5:20)—Yo kufupika. Mapeja itanyi muvhunjo unotevera:

Zvijijo zvipi zvitatu zvatinojija kuvha ku Mujijisi Mukuru Jehovha?

Mupinguro wenyu

9. Jijo yo Bhaibheri yo Ungano

(30 min.) Zvijijo Zvaungawana mu Bhaibheri citsauko 101