VHIKI RA 10-16 YA NOVEMBRO

NGOMA YA SOROMONI 3-5

Ngoma 31 no Mukumbiro | Masoko Okutanga (1 min.)

ZVINOKOSHA ZVIRI MUSOKO RA MWARI

1. Kukosha ko Kuseja ko Mukati

(10 min.)

Mabhuire aiita musikane wo muShuramiti aikhombija undhu wake wakanaka wo mukati (Ngo 4:3, 11; Mungwaji wa 15 wa Janeiro wo 2015 pheji 30 ndima 8)

Ngo kuzwira mutemo ya Jehovha, iyena wakaezaniswa no ndau yakasejesesa ino zvimaruva-ruva (Ngo 4:12; Mungwaji wo kutanga wa Novembro wo 2000 pheji 11 ndima 17)

Zvinokosha maningi kuva mundhu wakaseja ngo mukati, pano kuva wakaseja kunja basi uye tese tingavangisira kuti tive no undhu wakanaka ngo mukati (Mukai! wo 22 wa Dezembro wo 2004 pheji 9 ndima 2-5)

Collage: 1. Hanzvaji imweni ngo rudo iri kunyaraja hanzvaji yo cidoko iri mu matambujiko. 2. Hama isiri mujaha iri kubesa hama yaamusharuka pavanoshanda vese mubasa ro kuparijira.

ZVIVHUNJISENYI KUTI: Mavara api okunamata andinodakarira ku vamweni?

2. Kupsakisisa Zviri mu Soko ra Mwari

(10 min.)

Ngo 3:5—Ngenyi ‘vasikane vo Jerusarema vanovangirijwa kupika no mbhwembhwe no shoma jo mushango’? (Mungwaji wa 15 wa Janeiro wo 2015 pheji 31 ndima 11)

Mupinguro wenyu
Zvicinyi zvamajija pa kuverengwa ko Bhaibheri ko vhiki rino, zvamaidakarira kuvhunjawo vamweni?

Mupinguro wenyu

3. Kuverengwa ko Bhaibheri

(4 min.) Ngo 4:1-16 (Kujijisa cijijo 2)

SHANDANYI NGO SIMBA MU BASA RO KUPARIJIRA

4. Kutangisa Mabhuyo

(3 min.) MUZI NGO MUZI. Pamunoparijira muzi ngo muzi, tangisanyi jijo yo Bhaibheri. (Idanyi Vandhu cijijo 6 ndima 4)

5. Kutangisa Mabhuyo

(4 min.) KUPARIJIRA KUSITO KURONGWA. Khombijanyi mundhu kuti ungawanisa kudini masoko o mu ndumi yake kamare mu saiti jw.org. (Idanyi Vandhu cijijo 4 ndima 3)

6. Hurukuro

(5 min.) Muvhunjo jo Bhaibheri Jakadavihwa cijijo 131. Musoro: Bhaibheri Rinoti Kudini ngo Pamusoro po Makiyagem uye no Zviro zvo Kuzvisejesa Ndizvona? (Kujijisa cijijo 1)

UPENYU WEDU WO CIKRISTU

Ngoma 36

**7. Roorananyi Basi Muna Ishe (Gen 28:2)**

(8 min.)

Rijanyi VHIDHIYO.

8. Imwimwi Maizova Mwamuna Kana Mukaji Wakanaka Here?

(7 min.) Kubhuisana.

Imwimwi muri kupsaka wo kuroworana naye here? VaKristu vamweni vanoda kurowora, vanomuwona muno mavara akanaka okunamata here? Zvingaita kuti hama ka kuti hanzvaji, yaanonguva yakareba yaa muKristu. Pamunoongorora mugariro jakasiyana-siyana munowona kuti uno undhu wakanaka here kana kuti haiwa.

Hanzvaji iri mubhazi iri kumuka payaigara kuti mwanakaji waamusharuka agare.

Hama iri kupa taratadho mudoni wayo wo kubasa povaivha kubasa ravo ro kuvaka.

Hama mbiri no hanzvaji mbiri vari kushanda pamwepo mu basa ro kuparijira. Imwe yo hama jonajo ngo kupfava kese iri kukhombija hanzvaji kajinodikana kuparijira.

Nyoranyi vhesi inoenderana no undhu unotevera unokhombijirwa ngo mundhu uno murangariro wa Mwari.

Rudo ra Jehovha no kutenda maari

Mupinguro wenyu
Kuva musoro wo mbhuri wakanaka kana kuva mukaji unoreremeja mwamuna

Mupinguro wenyu
Rudo ro kuzvipira

Mupinguro wenyu
Kutonga kakanaka, muezaniso wakanaka uye kuzwisisa

Mupinguro wenyu
Kucungirira uye kushanda ngo simba

Mupinguro wenyu

9. Jijo yo Bhaibheri yo Ungano

(30 min.) Raramanyi no Kusingaperi Mesidakara! Cijijo 5.