Nasiriranyi Mweyo Wenyu

Patinojija Bhaibheri, tinoda kuti mulangariro wa Jehovha upinde mu mweyo medu kana kuti undhu wedu wo mukati. Ezra wakakhombija muezaniso wakanaka ‘paakanasirira mweyo wake kuti apsake mutemo wa Jehovha.’ (Ezr. 7:10) Tingaitenyi kuti tinasirire mweyo wedu?

Mukumbiro. Tangisanyi cijijo cimwe nga cimwe ngo mukumbiro. Kumbiranyi Jehovha kuti amubese kuzwisisa uye kuti mushandise zvamunojija.—Ps. 119:18, 34.

Sakuriranyi vara lo kuzvidodokesa. Mwari unoviga cokwadi kuna vaya vanozvikuja vesithemba uzivi wavo kamare. (Ruka 10:21) Ngwariranyi kupsakisisa zviro zvinoita kuti muzvikuje. Ngo kuzvidodokesa kese, cinjanyi malangarire enyu kudai asikaenderani no aMwari.

Ejanyi kuyaeya ngoma jo Umambo. Ngoma ino simba lo kunasirira mweyo wedu, yesitinasirira kuti tinamate. Kuzwa ngoma yo Umambo, mu kutanga ko divi riri rese lo kujija zvingabesa kunasirira mweyo wenyu.