Itanyi zvo Makathembesana

Jesu Wakazviitisa Kudini?

VHIDHIYO: Jesu Anojijisa Nikodhemu

1. Wonanyi VHIDHIYO, kana verenganyi Johani 3:1, 2. Mapeja bhuisananyi ngo muvhunjo jinotevera:

1. Ngenyi Nikodhemu akaona zviri nane kuenda ko wonana na Jesu co usiku?—Wonanyi Johani 12:42, 43.

2. Ngo kusongana na Nikodhemu co usiku, Jesu wakakhombijisa kudini kuti wainga akanasirira kuti aite basa rake lo kuita vajiji?

Tinojijenyi ngo Zvakaizwa ndi Jesu?

2. Tinokhombija kuti tinoda vandhu kudai tikakwanisa zvotakagondesa kuti tivabese kuti vaite vajiji.

Tevejeranyi Jesu

3. Jijanyi no mujiji wenyu wo Bhaibheri pa ndau no nguva yakamunakira. Nguva jimweni iyena angakheta nguva no zuva raanoda kujija pa vhiki. Kubhuya kuti iyena anozvizwa akasununguka kujija ari ku basa, kumuzi kake kana ku ndau imweniwo hayo? Kudai zvesikwanisika, cinjanyi ulongwa wenyu kuti mukwanise kujija naye.

4. Jijanyi nguva jese. Kudai yemwi mesida kuvhakaca musaemesa jijo. Wonanyi basi muvhunjo jinotevera:

1. Maizokwanisa kuitisa jijoyo zuva rimweni riri vhikiro?

2. Maizokwanisa kuitisa jijoyo mesishandisa foni kana vhidhiyo konferensiya?

3. Maizokwanisa kukumbira mupariji umweni kuti aitise jijoyo?

5. Itanyi mukumbiro kuti muve no mawonero akanaka. Kumbiranyi Jehovha kuti amubese kuti musasiya mujiji wenyu, kunyange asingajiji nguva jese kana kuti esinonoka kushandisa zviya zvaari kujija. (VaF. 2:13) Zvingaita kuti mujiji wenyu ano mugariro jakawanda maningi, kumbiranyi Jehovha kuti amubese kubatikana pa mugariro jonajo.