Ivanyi Makacunga

Jesu Wakazviitisa Kudini?

VHIDHIYO: Jesu ari Kupangira Mutongi wo Cidoko Wainga Akapfuma

1. Wonanyi VHIDHYO, kana verenganyi Mako 10:17-22. Mapeja bhuisananyi ngo muvhunjo jinotevera:

1. Ngajipi mugariro jakanaka jakawoniwa ndi Jesu ku mujaha waingari mutongi?

2. Ngenyi Jesu waidikana kuti ave no rudo no kucunga kuti awane kupangira mwanarume uwu zvaaidikana kunasirisa?

Tinojijenyi ngo Zvakaizwa ndi Jesu?

2. Tinoda kubhuya no vandhu vatinojija navo ngo rudo kuti tikwanise kuvabesera kuti vaenderere mberi ku divi lo zvokunamata.

Tevejeranyi Jesu

3. Beseranyi mundhu wamunojija naye kuti ave no zvinangwa uye kuti azvizajise.

1. Shandisanyi bhokiso rakazwi “Ejanyi kuita Izvi” riri mucijijo cimwe nga cimwe cobhuku la Raramanyi Nokusingaperi Mesidakala!

2. Beseranyi mujiji wenyu kuti asotesese zvaanodikana kuzajisa ko nguva doko kana nguva yakareba.

3. Garanyi mesibonga mujiji wenyu caanonga akwanisa kuita.

4. Zivanyi kuti zviro zvipi zviri kukoreresa mundhu wamuri kujijisa kuti aenderere mberi uye mubesenyi kuti azvikurire zvinomunesalo.

1. Zvivhunjisenyi kuti:

   • ‘Kudai mujiji wangu asingaendereri mberi kuti agume pa kubhabhatijwa, zvicinyi zviri kumunesa?’

   • ‘Ndingamubesesa kudini?’

2. Itanyi mukumbiro kuti muve makacunga kunasa kumubudira pacena mesimukhombija zvaanodikana kuita, asi mesizviita ngo rudo.

5. Musalamba mesijija no mundhu asingadi kucinja.

1. Kuti muwone kuti mujiji wenyu wo Bhaibheri ari kufambira mberi zvivhunjisenyi kudai:

   • ‘Kubhuya kuti mujiji wangu ari kushadisa zvaari kujija here?’

   • ‘Iyena ari kuviya ku musangano no kuvhunjawo vamweni cokwadi caari kujija here?’

   • ‘Kudai iyena wano nguva yakareba esijija, kubhuya kuti anoda kuva Capupu ca Jehovha here?’

2. Kudai mujiji wenyu wo Bhaibheri asito kunasirira kuti aenderere mberi:

   • Muvhunjisenyi kuti icinyi ciri kumukoreresa kuti aenderere mberi.

   • Musanangurirenyi kuti ngenyi muri kuemesa jijoyo.

   • Nasanyi kumujekesera zvaanodikana kuita kudai akazoda kujijazve.