Munolangarirenyi ngo zva Jehovha?

Pamunolangarira ngo zva Jehovha Mwari, zvicinyi zvinoviya mu mulangariro menyu? Munolangarira kuti Mwari ari ndhambo nemwi here inga nyereji jiri ndhambo nesu? Kana kuti munolangarira kuti iyena unosimba guru, asi aana undhu inga zvakaita mbheni? Jehovha mundhu wakadini? Esishandisa Soko lake Bhaibheri Jehovha anotivhunja zvaari, pamwepo nokuwonesa kuti unotida maningi.

1. Ngenyi tisingakwanisi kuwona Mwari?

‘Mwari Mweya.’ (Johani 4:24) Jehovha aana muviri wakadai inga wo vandhu. Iyena anomuviri wo Mweya, uye anogara kudenga katisingamuwoni.

2. Ngaupi undhu una Jehovha?

Yesu atikwanisi kuwona Jehovha, asi tinokwanisa kumuziva no kumuda inga zvatinoita mundhu kamare watinoda. Bhaibheri rinoti: ‘Jehovha anoda kutonga zvakarurama, uye aazosiyi vandhu vake vakagondeka.’ (Mapisarema 37:28) Iyena ‘unoregerera uye ano unyasha’ maningi-ningi kuna vaya vari kutambujika. (Jakobho 5:11) “Jehovha ari phedo na vaya vakawora mweyo, anoponesa vaya vakasuruvara.” (Mapisarema 34:18) Maizviziva here kuti zvatinoita zvinokwanisa kuita kuti Jehovha adakare kana kunyangajwa? Vandhu vanokheta kuita zvakashata vanonyangajisa Jehovha. (Mapisarema 78:40, 41) Asi mundhu anoita zvakanaka unodakajisa Jehovha.—Verenganyi Zvirevo 27:11.

3. Jehovha anokhombijisa kudini kuti unotida?

Undhu ukuru wa Jehovha rudo. Bhaibheri rinobhuya kuti ‘Mwari Rudo.’ (1 Johani 4:8) Tinowona rudo rwa Jehovha patinoverenga Bhaibheri no patinowona zviro zvaakasika. (Verenganyi Mabasa 14:17.) Inga muezaniso, ambolangariranyi basi masikiro aakatiita. Iyena wakatisika no mugariro inotiita kuti tikwanise kuwona zviro zvino mushovo yakasiyana-siyana, kuzwa ngoma jinodakaja, nokulavira zvokuha zvakasiyana-siyana. Iyena anoda kuti tidakajwe ngo upenyu.

JIJANYI ZVIZINJI

4. Mweya Mutsvene isimba la Mwari

Patinoita basa tinoshandisa nyala jedu, mukutojanawo Jehovha unoshandisa mweya mutsvene wake. Vamweni vanolangarira kuti mweya mutsvene ndi Mwari, asi Bhaibheri rinobhuya kuti mweya mutsvene isimba la Mwari laanoshandisa kuita zvaanoda. Verenganyi Ruka 11:13 na Mabasa 2:17, mapeja bhuisananyi ngo muvhunjo jinotevera:

• Kudai tikakumbira mweya mutsvene, Mwari ‘anotipa’. Saka munolangarira kuti mweya mutsvene mundhu here kana kuti isimba la Mwari laanoshandisa kuita zvaanoda? Ngenyi madalo?

Jehovha anoshandisa mweya mutsvene kuti aite zviro zvinoshamisa. Verenganyi Mapisarema 33:6 na 2 Petro 1:20, 21, mapeja bhuisananyi ngo muvhunjo unotevera:

• Zvicinyi zvakaizwa ndi Jehovha esishandisa mweya mutsvene wake?

5. Jehovha ano undhu wakanaka

Mosi wainga munamati wa Mwari wakagondeka, kunyange zvakadalo iyena waida kunasa kuziva musiki wake. Mosi wakati: “Ndizivisenyi makwanja enyu kuti ndimuzive.” (Eksodho 33:13) Jehovha wakadavira Mosi ngo kumukhombija undhu wake unganani. Verenganyi Eksodho 34:4-6, mapeja bhuisananyi ngo muvhunjo jinotevera:

• Undhu upi wakakhombijwa Mosi ndi Jehovha?

• Undhu upi wamunonyanya kudakarira una Jehovha?

6. Jehovha anoda vandhu vese

Vahebheru vainamata Mwari, asi vainga varanda ku Ejipita. Jehovha waizwa kudini paiiwona vandhu vake vesitambujwa? Rijanyi AUDHIYO tevereranyi kuverengwa ko Bhaibheri kana kuti verenganyi Eksodho 3:1-10. Mapeja bhuisananyi ngo muvhunjo jinotevera:

AUDHIYO: Jehovha Wakawajiwa ngo Kutambujika Kovaiita (2:45)

• Jehovha unozwa kudini paanowona vandhu vesitambujika?—wonanyi mavhesi 7 na 8.

• Mumawonero enyu, Jehovha unoda kubesa vandhu here? Iyena anosimba lo kuzviita here? Ngenyi madalo?

7. Tingajija ngo zva Jehovha kuvha pa zviro zvaakasika

Jehovha unokhombija undhu wake esishandisa zviro zvaakasika. Wonanyi VHIDHIYO. Mapeja verenganyi VaRoma 1:20, mapeja bhuisananyi ngo muvhunjo unotevera:

VHIDHIYO: Zviro Zvakasikwa Zvinokhombija Rudo wa Jehovha—Muviri wo Mundhu (1:57)

• Undhu upi wa Jehovha wamawona pazviro zvaakasika?

TAJIJENYI

Tajija kuti atikwanisi kuwona Mwari ngokuti iyena mweya, tajijazve kuti iyena ano undhu wakasiyana-siyana, asi cikuru pa undhu wese uhu, rudo.

Muvhunjo Jokuhwirijira

• Ngenyi tisikakwanisi kuwona Jehovha?

• Mweya mutsvene icinyi?

• Undhu upi una Jehovha?

JIJANYI ZVIMWENI

Jijanyi undhu ulongomuna unonyanya kukhombijwa ndi Jehovha.

“Mwari ano Undhu wakadini?” (Nharireyomurindi N.° 1 ya 2019 Mucishona)

Wonanyi zvinokhombija kuti Jehovha aaripi pese-pese.

“Mwari ari Pandau Yese Here?” (Mu saiti jw.org)

Wonanyi kuti ngenyi Bhaibheri resiezanisira mweya mutsvene no nyala ja Mwari.

“Mweya Mutsvene Icinyi?” (Mu saiti jw.org)

Mwanarume umweni asikawoni wainga asingatendi kuti Mwari ariyo. Wonanyi kuti zvicinyi zvakaita kuti Juliyo acinje mulangariro wake.

“Zvino Ndaakulangarira Kuti Ndaakukwanisa Kubeserawo Vamweni” (Nharireyomurindi ya Outubro N.° 1 ya 2015 Mucishona)