CIJIJO 10
Mungabeseswa Kudini ngo Musangano yo Zvapupu zva Jehovha?
Makamboenda kumusangano yo zvapupu zva Jehovha here? Kudai musati maendeyo, nguva imweni mungatothya. Pamweni mungazvivhunjisa kuti: ‘Pamusangano iyi panoizwenyi? Ngenyi musangano iyi yesikosha? Ngenyi zvakanaka kuti ndiendewo kumusangano iyi?’ Mucijijo cino, munozowona kuti kuenda kumusangano kunozomubesa kuti muve no ushamwari wakavanga na Mwari, no kumubesazve mu upenyu wenyu wo zuva ngo zuva.
1. Ngacipi cinangwa co musangano yo Zvapupu zva Jehovha?
Munyori umweni wo Bhaibheri wakabhuya cinangwa cinoita kuti tiungane no vamweni esiti: ‘Ndinozokuja Jehovha Mwari ndiri pakati po ungano huru.’ (Mapisarema 26:12) Mukufananawo, Zvapupu zva Jehovha zvinodakala maningi ngo kuungana. Munyika yese ivona vanodakala maningi ngo kuungana vesiemba, vesiita mukumbiro uye vesikuja Mwari. Pagore ngo gore, vanomagungano avanopinda kuti vanamate Mwari.
2. Zvicinyi zvamunozojija pamusangano yedu?
Pamusangano yedu, cinangwa cedu cikuru ngo cokujija Soko la Mwari Bhaibheri. Patinonga tiri pamusangano iyi tinoverenga Bhaibheri ‘no kurisanangura zvakajeka.’ (Verenganyi Neemiya 8:8.) Konayo munozojija ngo pamusoro pa Jehovha no undhu wake wakanaka. Pamunojija ngo madire aanomuita, munozova no ushamwari wakanaka naye. Munozojijawo kuti mungaitenyi kuti muve no upenyu unodakaja.—Isaya 48:17, 18.
3. Kuva no ushamwari no vamweni pa musangano yedu kunomubesesa kudini?
Jehovha anotivhunja kuti ‘tinodikana kulangarirana no kukhombijirana rudo no kuita mabasa akanaka tisingalovhi kuenda kumusangano.’ (VaHebheru 10:24, 25) Pamusangano yedu munozowona vandhu vano rudo wo cokwadi, ivona vanozodakarira kujija nemwi zvakawanda ngo zva Mwari. Konayo munozozwa vandhu vesibhuya zvakanaka ngo zvo Bhaibheri. (Verenganyi VaRoma 1:11, 12.) Munozosangana no vandhu vakalovola no vasito kulovola, ivona vanozobhuya ngo mudakalo wo vari kuwana kunyage no zvineso zvavari kusangana nazvo. Ici ndicona cinangwa cinoita kuti Jehovha ade kuti tiungane nguva yese!
JIJANYI ZVIZINJI
Wonanyi kuti musangano yo Zvapupu zva Jehovha inoiziswa kuzwinyi nokuti ngenyi zvakanaka kuvangisira kuenda kumusangano iyi.
4. Musangano yo zvapupu zva Jehovha
Vakristu vopakutanga vaiungana nguva yese kuti vanamate Jehovha. (VaRoma 16:3-5) Verenganyi VaKorose 3:16, mapeja bhuisananyi ngo muvhunjo unotevera:
Vakristu vopakutanga vainamatisa kudini Jehovha?
Mazuva ano, Zvapupu zva Jehovha vanounganawo kuti vanamate Mwari. Kuti muwone kuti musangano yo Zvapupu zva Jehovha inoiziswa kuzwinyi, wonanyi VHIDHIYO. Mapeja wonanyi mupikica unokhombija vandhu vari pa musangano yo Zvapupu zva Jehovha, mozobhuisana ngo muvhunjo jinotevera.
Zviro zvipi zvakatojana zvomavona zvinoizwa pa Nyumba Yokunamatira no zvamaverenga pana VaKorose 3:16?
Muvhidhiyo no pamupikica, pano zvomadakarira zvinoizwa pamusangano yedu here?
Verenganyi 2 VaKorinde 9:7, mapeja bhuisananyi ngo muvhunjo unotevera:
Ngenyi pamusangano yo Zvapupu zva Jehovha apafambiswi palatu vesikumbira mare?
Mesibeswa nga umwe wo Zvapupu zva Jehovha urikumujijisa Bhaibheri wonanyi zvisajijwa pamusangano wedu wo vhiki rino.
Pa zvese zvotabhuyari ngo zvo musangano uwu ngazvipi zvomadakarira?
Maizviziva Here?
Mu saiti jw.org , mungawanemo nguva no ndau inoizwa musangano munyika yese.
Pamusangano yedu panoizwa hurukuro, mbharijo yokuezanisira no kuwona ma vhidhiyo. Musangano yedu inotanga no kupejisira ngo ngoma no mukumbiro
Panonga pesiizwa musangano pano mativi amweni anokumbirwa vayaeyi kuti vavereketewo
Mundhu wese unokokwa kuti aviye, azvinenyi kuti muno mbhuri kana kuti amuna mburi, muri mujaha kana kuti musikane, muri halahwa kana kuti mwana mudoko
Pamusangano wo Zvapupu zva Jehovha apabhadhariswi nee kuhambisa palatu vesikumbira mare
5. Tinodikana kuzvipira kuti tipinde musangano
Wonanyi muezaniso wo mbhuri yakarera Jesu. Kuti vapinde musangano waiizwa gore ngo gore, vaidikana kuhamba makilometro anodarika 100, vesihamba ngo mumatundhu kuvha ku Nazareta kuenda Jerusarema. Verenganyi Ruka 2:39-42, mapeja bhuisananyi ngo muvhunjo jinotevera:
Munolangarira kuti hwendo uwu wo kuenda ku Jerusarema wainga wakareruka here?
Ngenyi munodikana kuzvipira kuti muende kumusangano?
Munolangarira kuti kuenda kumusangano zvinobesa here? Ngenyi madalo?
Bhaibheri rinobhuya kuti zvinokosha kuungana no vamweni kuti tinamate Jehovha. Verenganyi VaHebheru 10:24, 25, mapeja bhuisananyi ngo muvhunjo unotevera:
Ngenyi tinodikana kuenda kumusangano nguva yese?
VAMWENI VANOTI: “Kuungana no vamweni akuna basa. Zvakanaka kujija Bhaibheri uri wega.”
Ivhesi ipi kana kuti ishwiro ipi iri mu Bhaibheri inokhombija zvinodiwa ndi Jehovha kuti tiite?
TAJIJENYI
Tajija kuti kuenda kumusangano kunozomubesa kuti mujije zvakawanda ngo zva Jehovha no kuvangisa ushamwari wenyu naye, cimwenizve kuenda kumusangano kunomupa mukana wo kunamata Mwari pamwepo no vamweni.
Muvhunjo Jokuhwirijira
Ngenyi Jehovha esida kuti tiungane no vamweni?
Zvicinyi zvamunozojija pa musangano yo Zvapupu zva Jehovha?
Ngazvipi zvimweni zvamunolangarira kuti zvinozomubesa kudai mukapinda musangano yedu?
JIJANYI ZVIMWENI
Munothya kuenda kumusangano yo Zvapupu zva Jehovha here? Izvi zvakamboitikawo no mwanarume umweni, asi wonanyi kuti zvicinyi zvakamubesa kuti adakarire musangano yedu pasinenyi hapo no kuthya kaaita.
Wonanyi kuti mujaha umweni wakazwa kudini paakapinda musangano yedu nokuti zvicinyi zvakamuita kuti alambe esijipinda.
Wonanyi kuti vamweni vanolangarirenyi ngo kupinda musangano.
“Ngenyi Zvinokosha Kupinda Musangano mu Nyumba Yokunamatira?” (Mu saiti jw.org)
Wonanyi kuti mwanarume umweni waidakarira maningi zvokurwa, wakacinjisa kudini upenyu wake paakapinda musangano yo Zvapupu zva Jehovha.
“Akuna Kandaiyenda Ndisina Pfuti Yangu” (Nharireyomurindi, N.° 1 ya Julho yo 2014)