TAUM DAI LÜÜR ANREERE
KAPITEL 1
Fortel oiwer wat dai lüür laiwer fortele wile
Ine Bijbel stäit: “Dat lijb . . . söcht ni bloos sijne aigen wile.” (1 Cor 13:4 un 5)
Wat hät Jësus måkt?
1. Kijk der VIDEO, urer lees João 4:6 bet 9. Nåheer, dau dai frågen hijr uuner antwoore:
Wat hät Jësus an dai fruug saie airer as eer anreere?
Jësus hät sägt: “Geew mij air bits wåter.” Woweegen is gaud wääst dat Jësus eer soo anreert hät?
Wat lëre wij fon Jësus?
2. Wen wij dai lüür anreere un fortele oiwer dat wat eer gefale däit, is lichter dat wij bijblijwe koine mit eer fortele.
Måk Jësus nå
3. Denk an wat dai lüür fortele wile. Wen’s duu aine mësche anreerst, dau ni bloos säge wat’s duu al ine gedanke häst. Fortel oiwer dat wat dai lüür hüütsendåg fortele daue. Fråg dij:
‘Woo oiwer wart ine televisão un radio fortelt?’
‘Dai wat mit mij t’hooparbëre, t’hoop nane schaul gåe un mijn nåwerslüür, woo oiwer daue sai fortele?’
4. Dau rund rümer kijke. Fråg dij:
‘Wat mökt dai mësch nuu? Woo oiwer kan sin däit dai andenke?’
‘Wen ik dem mësche sij huus un soo’s dai sich antrekt saie dau, wat kan ik oiwer dem sijne gloobe un gewoonhëte forståe?’
‘Is nuu air gaur stuun taum der mësche anreere?’
5. Dau genau hööre.
Säg ni taufeel.
Dau der mësche fortele låte wat dai denkt. Dau frågen måke wen dat sich passt.