TAUM DAI LÜÜR ANREERE
KAPITEL 6
Wäs koråschlig
Ine Bijbel stäit: ‘Wij häwe oos koråsch nåme taum dai gaure nijges oiwer God tau juuch preege.’ (1 Tes 2:2)
Wat hät Jësus måkt?
1. Kijk der VIDEO, urer lees Lucas 19:1 bet 7. Nåheer, dau dai frågen hijr uuner antwoore:
Woweegen kan sin küüne wek lüür Zaqueu ni lijre?
Woweegen hät Jësus lijkerst soo dai gaure nijges tau em preegt?
Wat lëre wij fon Jësus?
2. Wij bruuke koråsch taum dai gaure nijges fon God sij Regirung tau ale preege.
Måk Jësus nå
3. Forlåt dij up Jehovaa. Jësus har kraft taum preegen doir God sijne hailig gaist, un wij koine dës neemlig hülp häwe. (Mat 10:19, 20 un Luc 4:18) Forlang dat Jehovaa dij koråsch giwt wen’s duu angst häst taum preegen tau aim. (Atos 4:29)
4. Dau ni glijk slecht oiwer dai lüür denke. Kan sin wij daue oos ängste taum mit wek lüür fortele weegen soo as eer dat löt, of sai arm urer rijk sin, groot ansaien häwe urer ni, soo’s dai leewe daue urer weegen eene kirch. Åwer forgeet ni:
Wij koine ni waite wat dai lüür ine härts häwe, åwer Jehovaa un Jësus jå.
Wij döre ni denke dat Jehovaa der mësche ni helpe kan.
5. Wäs koråschlig åwer fortel mit schik un pass dij up. (Mat 10:16) Wen air mësch ni dai gaure nijges hööre wil urer duu süüst dat dat kan gefärlig sin, daut juuch ni t’hoop schimpe, fortel mit schik un gå weg. (Pro 17:14)