KAPITEL 11

Wosoo kast duu gaud dai Bijbel benutse?

Wat updrükt woore is

Is al mit dij passijrt dat’s duu åne lust bleewe büst taum air dail anfänge wat sër tijd lang duurt? Taum lichter ware, kan sin duu häst dat doirdailt un häst stükewijs måkt. Duu kast uk soo måke taum dai Bijbel leese. Kan sin dat’s duu dij fråge däist: ‘Woo fäng ik an?’ Dai Bijbel leese kan dij gefale. In dës kapitel, wiman’s wek daile saie wat dij helpe koine.

1. Woweegen hät groote wërd dai Bijbel jërer dag leese?

Dai mësch wat “God sijn lei” ine Bijbel leest is lustig un hät freere in ales in eer leewend. (Lees Salmo 1:1 bet 3) Taum anfänge, dau dij anstrenge taum dai Bijbel jërer dag air klair bits leese. Ji mër as duu waite däist oiwer God sij Woord, mër wilst duu dai Bijbel gërn leese.

2. Wosoo dai Bijbel leese kan nog beeter tau dij sin?

Taum dat benutse wat wij ine Bijbel leese, dår muite wij angrüüwle. (Josué 1:8) Dit bedüürt anhule un angrüüwle an dat wat wij leest häwe. Wen’s duu leese däist, fråg dij: ‘Wat däit mij dit lëre oiwer Jehovaa? Wosoo kan ik dat måke in mij leewend? Woo kan ik dat benutse wat ik leese dau tau dai andrer lüür mithelpe?’

3. Woo kast duu tijd ruuterneeme taum dai Bijbel leese?

Denkst duu is ni licht tijd ruuterneeme taum dai Bijbel leese? Feel daue soo denke. Dau dij anstrenge un ‘benutst dij tijd up dai best moor’. (Efésios 5:16) Wosoo kast duu dit måke? Duu kast jërer dag ain tijd ruuterneeme taum dai Bijbel leese. Feel lüür daue dai Bijbel gërn morgens leese, andrer daue bits spåre leese wen sai mirdag eete un andrer wen dat åwend is wen sai slåpe gåe. Un tau dij? Wat fon is dai best stuun taum dai Bijbel leese?

DAU MËR LËRE

Dau daile saie wat dij helpe koine dat dat dij gefale kan dai Bijbel leese. Dau uk saie wosoo dat’s duu dij trechtmåke kast dat sich dat wirklig loont dai Bijbel lëre.

Bijler: Mit tijd oiwer, air kind däit lëre dat eeten lijre. 1. Dai jong kijk traurig nå dem eeten. 2. Airste, dai jong däit dat eeten eete. 3. Nå bits üler, dat eeten däit der jong gefale. — Soo’s duu lëre kast air eeten gërn eete, duu kast uk lëre dai Bijbel gërn leese.

4. Dau lëre wosoo dai Bijbel leese dij gefale kan

Gans sicher kan ni licht sin anfänge dai Bijbel leese, åwer duu kast anfänge groot lust häwe taum dit måke. Jå! Mit tijd oiwer, dai Bijbel leese kan dij gefale. Is grår soo as duu air eeten smäkt häst wat’s duu nog nij ais geete häst, un dij däit dat gefale. Lees 1 Pedro 2:2 un nåheer fortel oiwer dai fråg hijr uuner:

Mainst duu dai Bijbel jërer dag leese kan dij helpe dat dij dat gefale däit?

Kijk dai VIDEO un sai wat wek lüür måkt häwe wat eer dat gefale hät dai Bijbel leese. Nåheer fortel oiwer dai frågen hijr uuner:

VIDEO: Juugende wat dai Bijbel lijbe (5:33)

In dai video, wat däir dai juugende forstööre dai Bijbel leese?
Wat hät dai juugende hulpe nij ais nålåte dai Bijbel jërer dag leese?
Wat häwe sai måkt dat eer dat gefale däir dai Bijbel leese?

Dat kan dij helpe:

Dau ain Bijbel uutsuike wat licht is taum leesen. Ain fon dai is Dat Nåsrijwen fon Nijge Wild, wat in feel språke sreewe is.
Fäng an dai stüke leese wat dij mëst gefale däit. Kijk wek daile wat’s duu måke kast in dai tåfel “Dau anfänge dai Bijbel leese”.
Dau ansrijwe wat’s duu al leest häst ine Bijbel. Dårtau, dau dai tåfel benutse “Wäts woo’s duu anhule häst?”.
Benutst dai JW Library^®. Mit dat, kast duu dai Bijbel leese un hööre in celular, tablet urer ine komputador.
Benuts dai apêndices fon dai Tradução do Novo Mundo up briånisch. Dår sin mapas, liste un andrer daile wat dij helpe koine dat dai Bijbel leese beeter ware däit.

5. Dau dij trecht måke taum dai Bijbel lëre

Lees Salmo 119:34 un nåheer fortel oiwer dai fråg hijr uuner:

Woweegen is gaud airst beere airer as wij dai Bijbel lëre un leese daue?

Wosoo kan jërer kapitel fon dit bauk beeter sin tau dij? Wen’s duu dij trechtmåke däist taum lëren, dau soo måke:

Lees dai airste paragraafs fone kapitel.
Lees dai sprüüch ine Bijbel un kijk woweegen stim dai t’hoop mit dat wat’s duu lëre däist.
Mark dai wöör an wat dai frågen antwoore daue. Dit däit dij helpe oiwer dai kapitel fortele mit dijn schaullërer urer schaullërersch fone Bijbel.

Bijler: Ain fruug däit sich trechtmåke taum dai Bijbel lëre. A. Sai lees dai airst sijr fon dai kapitel. B. Sai leest dai sprüüch ine Bijbel. C. Sai däit dai antwooren uutsuike.

Wätst duu?

Jehovaas Tüügen häwe al feel Bijbels benutst, åwer wij daue gërn benutse Dat Nåsrijwen fon Nijg Wild, weegen dat is gans richtig, licht taum forståen un däit God sijne nåme benutse. Lees in oose site in internet: “Daue dai Jehovaas Tüügen ain Bijbel benutse wat aners is?”

WEK DAUE SOO SÄGE: “Dai Bijbel lëre is ni licht. Ik häw feel daile taum måken un war sër muir.”

Wat mainst duu hijr oiwer?

WAT HÄWE WIJ HIJR LËRT?

Taum gaud benutse wat dai Bijbel sägt, dau tijd ruuterneeme taum dai leese, dau beere taum forståen wat’s duu leese däist un måk dij trecht taum jërer kapitel lëre.