Wosoo anfänge?

Wosoo kast duu gërn dai Bijbel leese? Wosoo kast duu mër daile ruuterfijne fon dat wat’s duu leese däist?

Dau saie 5 daile wat feel lüür hulpe häwe. Suik ain gaur un ruig stel uut woo dij nischt forstööre däit. Wat dij helpe kan is dai Bijbel leese up ain stel woo’s duu gaud saie kast un luftig is.

Dau airer dåroiwer denke. Dai Bijbel is dat bauk wat oos himlisch Fåter oos geewt hät. Dårweegen, wen’s duu dai Bijbel leese däist duu must soo sin as air kind wat gërn hööre wil sij papa geschichte fortele. Låt besijd irgends slecht gedanke wat’s duu häst oiwer dai Bijbel, soo lötst duu dat God dij inlëre däit. (Salmo 25:4)

Dau beere airer as duu leese däist. Ine Bijbel daue wij ruuterfijne wat God denke däit. Dårweegen, bruuke wij em sijn hülp taum forståen wat wij leese daue. God sij hailig gaist kan oos helpe. God hät sägt “hailig gaist geewe tau dai wat em dat forlange.” (Lucas 11:13) Mite tijd, dai hailig gaist däit dij helpe forståe feel mër daile oiwer God. (1 Coríntios 2:10)

Denk an dat wat’s duu leese däist. Dau ni bloos leese, åwer forsuik lëre dårfon wat’s duu leese däist. Duu kast dij fråge: ‘Wat fon gaures moors kan ik lëre fon dësem mësche fone Bijbel? Wosoo kan ik dat in mijn leewend måke wat ik leest häw?’

Dau waite wat’s duu ruuterfijne wilst. Dau ümer lëre in dij leesen wat dij leewend beeter måke kan. Dårtau must duu waite wat’s duu ruuterfijne wilst. Wilst duu mër lëre oiwer wosoo as God is? Wilst duu air beetet mësch ware, kan sin air beetet kërl urer ain beetet fruug? Den, dau stüke fone Bijbel uutsuike wat dij helpe dit ruuterfijne.a

Wen’s duu ni waite däist, wat fon stüke dij mithelpe koine, fortel mit air Tüügen fon Jehovaa. Dai daue dij mit lust helpe.