KAPITEL 56
Dau mithelpe taum dai ainigkët hule
Wen wij t’hoop sin mit oos bruirers un swesters, wij befijne oos soo as dai köönig Davi, wat sägt hät: “Woo gaud un woo schöön is, wen bruirers un swesters t’hoopleewe in ainigkët!” (Salmo 133:1) Åwer dës ainigkët kümt ni for sich selwst. Jërer ainsig mut sich dårtau anstrenge.
1. Wat is taum bewunren mank God sij folk?
Wen’s duu up ain forsamlung gäist in ande land, kan sin duu däist dai språk ni forståe, åwer duu befijnst dij soo as t’huus in huus. Woweegen? Weegen wij benutse dai neemlige buiker taum dai Bijbel ine ganse wild studijre. Un wij daue oos anstrenge taum air der andrer lijbe. Hät nischt sägen woo wij wåne, wij ale daue “Jehovaa sijne nåme anraupe un em ale in ainigkët t’hoop daine”. (Sofonias 3:9, nåt)
2. Wat kast duu måke taum dai ainigkët hule?
“Lijbt air der andrer mite ganse härts.” (1 Pedro 1:22) Wosoo kast duu dës formånen någåe? Kijk ni nå der andrer eer fëgels, åwer nå eer gaure moors. Dau dij ni bloosig t’hoophule mit dai wat dai neemlige daile gërn måke wat’s duu. Forsuik bruirers un swesters kenelëre wat aners sin as duu. Un wen’s duu nog in dijne härts un gedanke aine forachte däist, dau dij anstrenge taum dat besijdlåte. (Lees 1 Pedro 2:17, kijk dai nåt 1)a
3. Wat kast duu måke wen’s duu dij mit aim fortööne däist?
Wij sin oos ainig, åwer dat bedüürt ni dat wij kain fëgels häwe. Hen un wen, daue wij air der ande argre. Is dårweegen dat stäit in God sij Woord wij schåle ‘ümer air der andrer forgeewe’. Un stäit uk: “Soo as Jehovaa juuch forgeewt hät, muite jij dat uk soo måke.” (Lees Colossenses 3:13) Wij daue Jehovaa oft traurig låte. Lijkerst soo, hai däit oos forgeewe. Is dårweegen dat hai luurt dat wij oos bruirers un swesters uk forgeewe. Wen’s duu aim argret häst, den gåe hen un forlang dat dai dij forgeewe däit. (Lees Mateus 5:23 un 24, kijk dai nåt 2)b
DAU MËR LËRE
Dau saie wat’s duu måke kast taum der freere un ainigkët ine gemaind hule.
Wat däist duu måke taum der freere hule?
4. Dau kaine mër forachte
Wij wile al dai bruirers un swesters lijbe. Åwer kan ni licht sin aine lijbe wat aners is as wij. Den, wat kan oos helpe? Leest Atos 10:34 un 35. Nåheer fortelt oiwer dai frågen hijr uuner:
Jehovaa nimt al sort lüür an taum sijne wile måke. Dat’s duu dit waite däist, wosoo must duu dai lüür saie wat aners sin as duu?
Wat fon sort lüür ware foracht dår woo’s duu wånst? Woweegen wilst duu dij dår ni mit inlåte?
Leest 2 Coríntios 6:11 bet 13. Nåheer fortelt oiwer dai fråg hijr uuner:
Wosoo kast duu dai bruirers un swesters wat aners sin as duu düler lijbe?
5. Dau wirklig forgeewe un werer gaud inenaner sin
Wij bruuke ais nij Jehovaa woo oiwer forgeewe. Åwer lijkerst soo, hai däit oos forgeewe. Leest Salmo 86:5. Nåheer fortelt oiwer dai frågen hijr uuner:
Wat lëre wij fon dësem spruch soo’s Jehovaa forgeewe däit?
Woweegen büst duu dankbår dat Jehovaa oos forgeewe däit?
Wij wile oos ainig t’hoop sin mit ale, åwer wat kan dat forstööre?
Wosoo koine wij Jehovaa nåmåke un bijblijwe ainig sin mit oos bruirers un swesters? Leest Provérbios 19:11. Nåheer fortelt oiwer dai fråg hijr uuner:
Wen dij air argret hät, wat kast duu måke dat dat ni slimer wart?
Hen un wen, wij daue andrer argre. Wen soo wat passijrt, wat schåle wij måke? Kijkt der VIDEO. Nåheer fortelt oiwer dai fråg hijr uuner:
In dem video, wat hät dai swester måkt taum sich werer gaud sin mit dai anerd?
6. Kijk nå der bruirers un swesters een gaure moors
Wen wij oos bruirers un swesters beeter kene, düler daue wij eer gaure moors un eer swakhëte saie. Wosoo kan man den na eer gaure moors kijke? Kijkt der VIDEO. Nåheer fortelt oiwer dai fråg hijr uuner:
Wat kan dij helpe dai gaure moors fon dai bruirers un swesters saie?
Jehovaa kijkt nå oos gaure moors. Leest 2 Crônicas 16:9a. Nåheer fortelt oiwer dai fråg hijr uuner:
Wosoo befijnst duu dij dat Jehovaa sich ankërt an dijn gaure moors?
Air düür fingerring kan sogår klain fëgels häwe, lijkerst soo, dai hät nog feele wërd. Neemlig soo, al dai bruirers un swesters häwe fëgels, åwer sai häwe feele wërd tau Jehovaa.
WEK DAUE SOO SÄGE: “Ik kan sogår der mësche forgeewe, åwer dai mut mij airste forlange dat ik der forgeewe schal.”
Woweegen döre wij ni soo denke?
WAT HÄWE WIJ HIJR LËRT?
Duu däist mithelpe taum dai ainigkët ine gemaind hule wen’s duu forgeewe däist un ale ine gemaind lijbe däist.
Denk dij ais nå
Wat däit oos helpe kaine mër forachte?
Wat kast duu måke wen’s duu dij fortööne däist mit aim?
Woweegen wilst duu soo forgeewe as Jehovaa?
TAUM MËR WAITE
Dau saie wosoo Jësus sijn geschicht oos helpe kan andrer ni gerichte.
Muite wij forlange dat andrer oos forgeewe lijkerst wen wij maine häwe nischt forkërd måkt?
“Forgeewen forlange helpt oos in freere sin” (Wat Bekandmökt, 1 november 2002)
Dau saie oiwer twai kërls wat groot woore sin up aine stel woo dai lüür dai andrer forachte däire. Sai fortele wosoo as sai sich nuu ainig sin.
Dau saie wosoo wat mit aim int raich måke, airer as dat der freere ine gemaind forstööre däit.
“Dau ales mit lijb int raich bringe” (Wat Bekandmökt, mai 2016)
a Nåt 1: Dat stük Dau beeter forståe 6 däit wijse wosoo dat lijb mökt dat dai kristen sich bekümre mit der andrer eer gesundhët un daue uppasse taum der andrer kain krankhët anhake.
b Nåt 2: Dat stük Dau beeter forståe 7 wijst wat kan måkt ware wen problems upkåme weegen geschäft un gericht daile mank bruirers un swesters.