KAPITEL 06
Fon woo kümt dat leewend heer?
Dat leewend ‘kümt fon God’. (Salmo 36:9) Däist duu an dat glööwe? Wek lüür daue an dat ni glööwe. Feel lüür daue ni glööwe dat God ales måkt hät. Wen dat soo is, oos leewend is alaine upkåme un soo, wij leewe taum nischt. Åwer wen Jehovaa dat leewend måkt hät, hai hät dat måkt taum wat, is ni wår?a (Kijk dai nåt.) Wiman’s saie wat dai Bijbel sägt oiwer dat anfang fon dem leewend un wiman’s uk saie woweegen koine wij an dat glööwe.
1. Wosoo sin dai stërne, dai wild un ales wat am himel sin upkåme?
Dai Bijbel sägt: “Am anfang God hät dai ër un dai himels måkt.” (Gênesis 1:1) Dai mëste lüür wat mit ciência arbëre daue, daue säge dat ales wat am himel is, ain anfang hat hät. Åwer wosoo sin dës daile upkåme? God hät sijn kraft, dai hailig gaist, benutst taum ales måke: dai stërne, dai wild un soo wijrer. (Gênesis 1:2)
2. Woweegen hät God oos wild måkt?
God hät dai Ër ‘ni måkt taum går nischt åwer hai hät dai måkt taum wånen.’ (Isaías 45:18) God hät oos wild måkt weegen hai wul dat dai lüür ain fain stel häwe däire taum up ümer leewe. (Lees Isaías 40:28 un 42:5) Dai wat mit ciência arbëre daue, waite dat oos wild is taum bewunre un is gans aners as irgends ain anerd stel wat geewe däit. Sai häwe kain anerd stel fuune wat ales häwe wat wij bruuke taum leewe.
3. Woweegen sin dai lüür gans aners as dai tijre un fai?
Nå dat Jehovaa oos wild, dai Ër, måkt hät, hai hät dai plante, dai tijre un dai fai måkt. Den, ‘hät God der kërl måkt soo as hai beschafe is’. (Lees Gênesis 1:27) Woweegen sin dai lüür gans aners? Weegen sai sin måkt woore soo as God beschafe is, un dårweegen sai koine Jehovaa sijn gaure moors nåmåke, soo as sijn lijb un sijn gerechtigkët. God hät oos måkt dat wij andrer språke lëre koine un dat dai musik, danse un soo wijrer däit oos gefale. Gans aners as jërer tijr urer fai, koine wij God dijne.
DAU MËR LËRE
Wiman’s drai daile saie: (1) Wat däit oos wijse dat dat leewend ni alaine upkåme is? (2) Daile wat oos wijse wat wirklig wår is wat dai Bijbel sägt oiwer wosoo as oos wild måkt woore is un (3) dai lüür häwe gaure moors, wat lëre wij oiwer God dårfon?
4. Dat leewend is ni alaine upkåme
Wen air mësch nåmåke däit dai daile wat giwt, taum ain nijg dail måke, dai lüür daue dai låwe. Däist duu ni maine dat dai wat ales måkt hät is nog mër wërd låwe? Kijk dai VIDEO un nåheer fortel oiwer dai fråg hijr uuner:
Wat häwe dai lüür nåmåkt fon dai daile wat giwt?
Jërer huus is for air afmålt woore, åwer wee hät andacht un hät dai ganse daile måkt wat geewe daue? Lees Hebreus 3:4 un nåheer fortel oiwer dai frågen hijr uuner:
Am himel un upe wild koine wij feel daile saie wat genau uutdacht woore sin. Wat fon dës daile daue dij bewunre?
Wat denkst duu? Koine wij oos sicher sin dat air uutdacht hät ales wat geewe däit? Woweegen denkst duu soo?
Wätst duu?
Taum andrer videos un daile taum leese fijne, kijk dai stüke “Is dat alaine upkåme?” un “Fon woo kümt dat leewend heer? Wat feel lüür säge” in jw.org.
“Gewiss jërer huus hät air buugt, åwer wee ales måkt hät is God wääst”
5. Wat dai Bijbel sägt oiwer dai anfang fon dat leewend däit t’hoopstime
Gênesis dai kapitel 1 sägt dat God hät oos wild un dat leewend måkt. Denkst duu wij koine hijr anglööwe, urer denkst duu dat dat sin bloos daile wat dai lüür sich uutdacht häwe? Kijk dai VIDEO un nåheer fortelt oiwer dai frågen hijr uuner:
Däit dai Bijbel inlëre dat oos wild is måkt woore bloos in 6 dåg mit 24 stuune?
Denkst duu wat dai Bijbel uutdüüre däit wosoo as dai daile måkt woore sin, däit t’hoopstime? Woweegen denkst duu soo?
Lees Gênesis 1:1 un nåheer fortel oiwer dai fråg hijr uuner:
Dai wat mit ciência arbëre daue, daue säge dat ales wat am himel is, ain anfang hat hät. Wosoo däit dat t’hoopstime mit dat wat’s duu grår leest häst ine Bijbel?
Feel lüür maine, dat God bloos ain ainfach célula måkt hät un dat dårfon is ales kåme wat leewe däit. Lees Gênesis 1:21, 25 un 27 un nåheer fortel oiwer dai frågen hijr uuner:
Däit dai Bijbel inlëre dat God bloos ain ainfach célula benutst hät taum dai gans fische, tijre, fai un lüür måke? Urer däit dai Bijbel inlëre dat God hät ales wat leewe däit måkt, soo as sin aigen sort?b (Kijk dai nåt.)
6. God hät nischt oiwerain måkt as dai lüür
Wij sin gans aners as dai fai un tijre wat Jehovaa måkt hät. Lees Gênesis 1:26 un nåheer fortel oiwer dai fråg hijr uuner.
Dai lüür koine lijb wijse un dai andrer beduure. Woweegen? Weegen wij sin måkt woore soo as God beschafe is. Wat däit dat dij inlëre oiwer God sijn moors?
WEK DAUE SOO SÄGE: “Dai Bijbel sägt dat God ales måkt hät. Dat is groote loigen!”
Däist duu an dat glööwe? Woweegen?
WAT HÄWE WIJ HIJR LËRT?
Jehovaa hät ales måkt wat geewe däit un ales wat leewig is.
Denk dij ais nå
Wat däit dai Bijbel inlëre oiwer wosoo as dai stërne un ales am himel upkåme is?
Hät God bloos ain ainfach célula benutst taum ales måke wat geewe däit? Urer hät hai ales måkt?
Woweegen sin dai lüür gans aners as dai andrer daile wat God måkt hät?
TAUM MËR WAITE
Sai daile wat oos wijse daue dat giwt air wat ales måkt hät.
“Wat koine wij fon dai plante un al sort tijre lëre?” (Wåkt Up!, september 2006)
Sai wosoo as dai papa un mama koine dai kiner inlëre oiwer dai daile wat God måkt hät.
Koine wij up dai neemlig tijd in dës bëre daile glööwe: dat God ales måkt hät un dat God bloos ain ainfach célula benutst hät taum ales måke?
Wek daue säge dat dai knåke fon dai früüsche tijre wat stair woore sin, daue wijse dat God bloos ain ainfach célula benutst hät taum ales måke, åwer is dat wirklig wår?
Fon woo kümt dat leewend heer? - Fijw frågen wat wij antwoore muite (Dün bauk)
a Nåt: In dai kapitel 25 wiman’s saie wat God wil tau dai lüür.
b Nåt: Ine Bijbel dat woord “sort” bedüürt ain groot grup fon daile wat leewe daue.