२० त्यसपछि याकुबले यसो भनेर भाकल गरे: “हे परमेश्‍वर, यदि तपाईँ मसँग रहनुभयो, बाटोमा मेरो रक्षा गर्नुभयो अनि मलाई रोटी र लुगाफाटा जुटाइदिनुभयो २१ र अन्तमा म सकुशल बुबाको घर फर्कन पाएँ भने तपाईँ साँच्चै मेरा परमेश्‍वर यहोवा हुनुहुँदो रहेछ भनेर म थाह पाउनेछु। २२ तब मैले ठड्‌याएको यो ढुङ्‌गा तपाईँको घर हुनेछ+ र तपाईँले मलाई दिनुभएको सबै थोकको दस भागको एक भाग म सधैँ तपाईँलाई चढाउनेछु।”

३० अनि यिप्तहले यहोवा परमेश्‍वरसित यस्तो भाकल गरे:+ “यदि तपाईँले अम्मोनीहरूलाई मेरो हातमा सुम्पिदिनुभयो भने ३१ अम्मोनीहरूमाथि विजयी भई फर्कँदा मलाई भेट्‌न मेरो घरको ढोकाबाट जो सबैभन्दा पहिला निस्कन्छ, ऊ यहोवा परमेश्‍वरको हुनेछ+ अनि म उसलाई अग्निभेटीको रूपमा चढाउनेछु।”+