५ त्यसैले सिमसोन आफ्ना बुबाआमासँगै तिम्नाह गए। तिनी तिम्नाहमा भएको अङ्‌गुर बगानमा पुगेपछि अचानक एउटा सिंह गर्जँदै तिनलाई झम्टन आयो। ६ तब यहोवा परमेश्‍वरको पवित्र शक्‍ति सिमसोनमाथि आयो+ र कसैले बाख्राको पाठोलाई हातैले दुई फ्याक पारेझैँ तिनले त्यस सिंहलाई दुई फ्याक पारिदिए। तर तिनले यसबारे आफ्ना बुबा वा आमालाई केही भनेनन्‌।

१९ त्यसपछि यहोवा परमेश्‍वरको पवित्र शक्‍तिले तिनलाई बल दियो+ र तिनी अस्कलोन+ गए। तिनले त्यहाँ ३० जना पुरुषलाई मारे र तिनीहरूको लुगा ल्याएर गाउँखाने कथाको जवाफ दिने ती मानिसहरूलाई दिए।+ त्यसपछि तिनी रिसले चूर हुँदै आफ्नो बुबाको घर फर्के।

१४ सिमसोनलाई लेहीमा ल्याएको देखेपछि पलिस्तियालीहरू खुसीले कराए। तब तिनीमाथि यहोवा परमेश्‍वरको पवित्र शक्‍ति आयो+ र तिनको पाखुरामा बाँधिएको डोरी आगोले खाएको मलमलको धागोजस्तै धुजाधुजा भयो र तिनको हात बाँधिएको डोरी पनि फुस्कियो।+