१४ त्यसपछि निम्सिका नाति, यहोसापातका छोरा येहुले+ यहोरामविरुद्ध षड्‌यन्त्र रचे।

इस्राएललाई सिरियाका राजा हाजाएलको+ आक्रमणबाट जोगाउन यहोराम पूरै इस्राएली सेनासहित रामोथ-गिलाद+ गएका थिए।

२४ येहुले आफ्नो धनु उठाएर यहोरामको पिठिउँमा हाने। काँडले यहोरामको मुटु वारपार हुनेगरि छेड्‌यो र उनी रथमै मरे।

६ तब येहुले तिनीहरूलाई अर्को पत्र लेखे। पत्रमा यस्तो लेखिएको थियो: “यदि तपाईँहरू मेरो पक्षमा हुनुहुन्छ र मेरो हुकुम मान्‍न राजी हुनुहुन्छ भने आफ्नो मालिकका छोराहरूको टाउको लिएर भोलि यही समयमा यिज्रेल आउनुहोस्‌।”

त्यतिबेला ७० जना राजकुमार सहरका गण्यमान्य मानिसहरूसँग बस्थे र तिनीहरूले नै उनीहरूको हेरविचार गर्थे। ७ पत्र पाउनेबित्तिकै तिनीहरूले ७० जना राजकुमारलाई मारे।+ त्यसपछि तिनीहरूले उनीहरूको टाउको काटेर टोकरीहरूमा हाले र ती यिज्रेलमा येहुकहाँ पठाइदिए।

२३ त्यसपछि येहु र रेकाबका छोरा यहोनादाब+ बाआलको मन्दिरभित्र गए। येहुले बाआलका उपासकहरूलाई भने: “यहाँ यहोवाका उपासकहरू पनि छन्‌ कि, राम्ररी हेर। यहाँ बाआलका उपासकहरूबाहेक अरू कोही नहोऊन्‌।”

२५ अग्निभेटी चढाउन सिद्धिनेबित्तिकै येहुले पहरेदारहरूलाई र सेनाका सहायक अफिसरहरूलाई यसो भने: “भित्र आओ र यिनीहरूलाई मार! एक जनालाई पनि उम्कन नदेओ।”+ त्यसैले ती पहरेदारहरू र सेनाका सहायक अफिसरहरूले बाआलका उपासकहरूलाई तरबारले मार्दै बाहिर फ्याँक्न थाले। उनीहरू तिनीहरूलाई मार्दै मन्दिरको भित्री कोठासम्मै* पुगे।