८ अनि यरिहोको पूर्वपट्टि यर्दनको इलाकामा तिनीहरूले यी सहरहरू छाने: रुबेनको कुलको पठारमा* भएको निर्जनभूमिमा रहेको बेजेर,+ गादको कुलको इलाकामा पर्ने गिलादको रामोथ+ र मनस्सेको कुलको इलाकामा पर्ने बासानको गोलान।+

९ इस्राएलीहरू र तिनीहरूसित बसोबास गर्ने विदेशीहरूमध्ये कसैले अनजानमा कुनै व्यक्‍तिलाई माऱ्‍यो भने ऊ भागेर जान सकोस्‌ भनी छुट्ट्याइएका शरणनगरहरू यी नै हुन्‌।+ समुदायसामु उसको फैसला हुनुअघि नै रगतको साटो फेर्ने व्यक्‍तिले उसलाई नमारोस्‌ भनेर ऊ त्यहीँ बस्न सक्छ।+

७ सुलेमानले सारा इस्राएलमा १२ जना प्रशासक नियुक्‍त गरेका थिए। तिनीहरूले राजा र तिनको महलका सबैको लागि खानेकुराको प्रबन्ध गर्थे। तिनीहरूलाई हरेक महिना पालैपालो खानेकुराको प्रबन्ध गर्ने जिम्मेवारी दिइएको थियो।+

१३ गेबेरको छोरा, जसको अधिकारमा रामोथ-गिलाद थियो+ (तिनको अधिकारमा मनस्सेको सन्तान याइरका गाउँहरू* थिए,+ जुन गाउँहरू गिलादमा पर्थे+ अनि बासानमा+ पर्ने अर्गोब+ पनि तिनको अधिकारमा पर्थ्यो; त्यहाँ पर्खालले घेरिएका ६० वटा ठूला सहर थिए र ती सहरहरूको ढोकामा तामाका गजबारहरू लगाइएका थिए);