८ त्यसैले इस्राएलका राजाले दरबारका एक जना अफिसरलाई बोलाएर यस्तो हुकुम गरे: “इम्लाहको छोरा मिकायाहलाई तुरुन्तै यहाँ ल्याऊ।”+ ९ इस्राएलका राजा र यहुदाका राजा यहोसापात सामरियाको मूलढोकाको छेउमा एउटा खुला ठाउँमा* थिए। उनीहरू शाही पोसाक लगाएर आ-आफ्नो सिंहासनमा बसिरहेका थिए। अनि सबै भविष्यवक्‍ताले उनीहरूसामु भविष्यवाणी गरिरहेका थिए। १० त्यसपछि केनानाका छोरा सिदकियाहले फलाम गालेर सिङहरू बनाए र यसो भने: “यहोवा परमेश्‍वर भन्‍नुहुन्छ, ‘सिरियालीहरूको नामोनिसान नमेटिएसम्म तपाईँले तिनीहरूलाई यी सिङहरूले हान्‍नुहुनेछ।’” ११ अरू सबै भविष्यवक्‍ताले पनि त्यस्तै भविष्यवाणी गरे। तिनीहरूले यसो भनिरहेका थिए: “रामोथ-गिलाद जानुहोस्‌; हजुर सफल हुनुहुनेछ।+ यहोवा परमेश्‍वरले त्यसलाई हजुरको हातमा सुम्पिदिनुहुनेछ।”