२८ त्यसपछि इस्राएलका राजा र यहुदाका राजा यहोसापात रामोथ-गिलाद गए।+ २९ इस्राएलका राजाले यहोसापातलाई भने: “म भेष बदलेर लडाइँमा जानेछु तर तपाईँ भने शाही पोसाक नै लगाउनुहोस्‌।” त्यसैले इस्राएलका राजाले आफ्नो भेष बदले र तिनीहरू लडाइँमा गए। ३० अर्कोतिर सिरियाका राजाले चाहिँ रथ हाँक्ने सैनिकहरूका कप्तानहरूलाई यस्तो आदेश दिएका थिए: “तिमीहरू साना-ठूला कसैसित नलड्‌नू, इस्राएलका राजासित मात्र लड्‌नू।” ३१ रथ हाँक्ने सैनिकहरूका कप्तानहरूले यहोसापातलाई देख्नेबित्तिकै आपसमा यसो भने: “ऊ नै इस्राएलको राजा हुनुपर्छ।” त्यसैले तिनीहरू यहोसापातसित लड्‌न गए। तब यहोसापातले मदतको लागि गुहार्न थाले।+ अनि यहोवा परमेश्‍वरले उनलाई मदत गर्नुभयो र शत्रुहरूलाई उनको पछि लाग्नदेखि तुरुन्तै रोकेर अन्तै पठाइदिनुभयो। ३२ जब ती कप्तानहरूले उनी इस्राएलका राजा होइन रहेछन्‌ भनी थाह पाए, तब तिनीहरू उनको पछि लाग्न छोडे।