६ इस्राएलीहरूले फेरि यहोवा परमेश्‍वरको नजरमा जे खराब छ, त्यही गरे।+ तिनीहरूले बाआल देवताहरू,+ अस्तोरेथ देवीका मूर्तिहरू अनि अराम,* सिदोन र मोआबका देवताहरूका+ साथै अम्मोनी+ र पलिस्तियालीहरूका+ देवताहरूलाई पुज्न थाले। तिनीहरूले यहोवा परमेश्‍वरलाई त्यागे र उहाँको उपासना गर्न छोडे। ७ तब यहोवा परमेश्‍वरको क्रोध इस्राएलीहरूमाथि दन्कियो र उहाँले तिनीहरूलाई पलिस्तियाली र अम्मोनीहरूको हातमा सुम्पिदिनुभयो।*+ ८ त्यसैले त्यस वर्षदेखि पलिस्तियाली र अम्मोनीहरूले यर्दनको पूर्वपट्टि गिलादमा बसोबास गर्ने सबै इस्राएलीलाई १८ वर्षसम्म एकदमै थिचोमिचो र अत्याचार गरे। त्यो पहिले एमोरीहरूको इलाका थियो।