१४ “मैले मेलबलि* चढाउनुपर्ने थियो;+

आज मैले त्यो भाकल पूरा गरेँ।

१५ त्यसैले त म तिमीलाई भेट्‌न आएँ;

म तिमीलाई नै खोज्दै थिएँ, बल्ल भेट्टाएँ!

१६ मैले मेरो ओछ्यानमा राम्रो तन्‍ना बिछ्याएकी छु,

मिश्रबाट* ल्याएको मलमलको रङ्‌गीन तन्‍ना।+

१७ मैले मर्र,* अगरु* र दालचिनी छर्केर ओछ्यानलाई सुगन्धित बनाएकी छु।+

१८ आऊ हामी प्रेमको सागरमा डुबुल्की मारौँ;

भोलि बिहानसम्मै प्रेमको नशामा डुबिरहौँ।

१९ मेरा पति घरमा छैनन्‌;

उनी लामो यात्रामा गएका छन्‌।

२० उनले झोलाभरि पैसा लगेका छन्‌;

उनी पूर्णिमाको दिनसम्म घर फर्कँदैनन्‌।”

२१ फकाइफुस्लाइ गरेर उसले त्यस केटालाई पासोमा पारी।+

चिप्लो कुरा गरेर त्यसलाई मोहित बनाई।