२८ एप्रैमका जँड्‌याहाहरूको+ देखावटी* मुकुटलाई* धिक्कार छ!

ओइलाउँदै गरेको त्यसको सुन्दर फूललाई धिक्कार छ!

जुन रक्सीले लट्ठिएका मानिसहरू बस्ने मलिलो बेँसीको शिरमा सजिएको छ।

 २ हेर! यहोवाले एक बलियो र शक्‍तिशाली जन पठाउनुहुनेछ।

गर्जनसहित पर्ने असिना र विनाशकारी आँधीले जस्तै,

उर्लँदो बाढीले ल्याउने डरलाग्दो तुफानले जस्तै

तिनले त्यसलाई पृथ्वीमा हुर्ऱ्याइदिनेछन्‌।

 ३ एप्रैमका जँड्‌याहाहरूका देखावटी* मुकुटहरूलाई

खुट्टाले कुल्चीमिल्ची गरिनेछ।+