दोस्रो इतिहास
१३ राजा यरोबामको शासनकालको १८ औँ वर्षमा अबियाह यहुदाका राजा भए।+ २ तिनले यरुसलेममा तीन वर्ष शासन गरे। तिनकी आमाको नाम मिकायाह+ थियो। उनी गिबाहका+ बासिन्दा उरिएलकी छोरी थिइन्। अबियाह र यरोबामबीच+ लडाइँ भयो।
३ अबियाह आफ्ना वीर र तालिमप्राप्त ४ लाख योद्धा लिएर युद्ध गर्न निस्के।+ तिनको सामना गर्न यरोबाम पनि तालिमप्राप्त आफ्ना ८ लाख वीर योद्धासहित दल बाँधेर तैनाथ भए। ४ तब अबियाहले एप्रैमको पहाडी इलाकामा पर्ने जेमारिम डाँडामा खडा भएर यसो भने: “हे यरोबाम र सारा इस्राएल, मेरो कुरा सुन! ५ इस्राएलका परमेश्वर यहोवाले दाउदसित र उनका छोराहरूसित नुनको करार* गरेर+ इस्राएलको राज्य सधैँभरिको लागि+ उनीहरूलाई दिनुभएको छ+ भनेर के तिमीहरूलाई थाह छैन? ६ तर नबातको छोरा यरोबाम,+ जो दाउदका छोरा सुलेमानको सेवक थियो, ऊ आफ्ना मालिकको विरुद्धमा उठ्यो र उनको विद्रोह गऱ्यो।+ ७ अनि निकम्मा र व्यर्थका मानिसहरू उसकहाँ जम्मा हुन थाले। उनीहरू सुलेमानका छोरा रहबामभन्दा शक्तिशाली भए किनकि त्यतिबेला रहबाम सानै थिए र त्यत्ति आँटिला पनि थिएनन्। त्यसैले तिनी उनीहरूसामु टिक्न सकेनन्।
८ “तिमीहरू सङ्ख्यामा धेरै छौ र तिमीहरूको देवता हुनलाई यरोबामले बनाएका सुनका बाछाहरू तिमीहरूसँग छन् भन्दैमा के तिमीहरू दाउदका छोराहरूलाई सुम्पिइएको यहोवा परमेश्वरको राज्यविरुद्ध खडा हुन सक्छौ भनी सोच्दै छौ?+ ९ तिमीहरूले यहोवा परमेश्वरका पुजारीहरू—हारुनका सन्तानलाई र लेवीहरूलाई लखेट्यौ।+ अनि अरू जातिका मानिसहरूले जस्तै आफ्नो निम्ति आफैले पुजारीहरू नियुक्त गऱ्यौ।+ एउटा बहर र सात वटा थुमा लिएर आउने जोसुकैलाई तिमीहरूले पुजारी बन्न दियौ; तिनीहरूलाई ती मूर्तिहरूको पुजारी नियुक्त गऱ्यौ, जुन ईश्वरै होइनन्। १० तर जहाँसम्म हाम्रो कुरा छ, यहोवा नै हाम्रा परमेश्वर हुनुहुन्छ+ र हामीले उहाँलाई त्यागेका छैनौँ। हाम्रा पुजारीहरू हारुनका सन्तान हुन् र उनीहरू यहोवा परमेश्वरको सेवा गर्छन् अनि लेवीहरूले उनीहरूलाई सघाउँछन्। ११ उनीहरू हरेक बिहान र बेलुकी यहोवा परमेश्वरको निम्ति माथिसम्मै धुवाँ उठ्नेगरि अग्निभेटी चढाउँछन्+ र सुगन्धित धूप बाल्छन्।+ उनीहरूले नै भेटीको रोटी* पनि निखुर सुनको टेबुलमा राख्छन्+ अनि हरेक साँझ सुनको पानसमा दियो बाल्छन्।+ हाम्रा परमेश्वर यहोवाप्रति हाम्रो जुन जिम्मेवारी छ, त्यो हामीले पूरा गरिरहेका छौँ तर तिमीहरूले भने उहाँलाई त्यागेका छौ। १२ अब हेर! साँचो परमेश्वर हाम्रो साथमा हुनुहुन्छ र उहाँले नै हामीलाई डोऱ्याउँदै हुनुहुन्छ। उहाँका पुजारीहरू पनि हामीसितै छन् र उनीहरू युद्ध-ध्वनि फुक्न बिगुल बोकेर उभिरहेका छन्। हे इस्राएलका मानिसहरू हो, आफ्ना पितापुर्खाका परमेश्वर यहोवासित युद्ध नगर किनकि तिमीहरू सफल हुनेछैनौ।”+
१३ तर यरोबामले आफ्ना सिपाहीहरूको एउटा दललाई अबियाह र तिनका मानिसहरूको पछिल्तिर ढुकेर बस्न लगाए। यरोबामको एउटा दल यहुदाको अगाडिपट्टि थियो र अर्को दलचाहिँ पछाडिपट्टि ढुकेर बसेको थियो। १४ जब यहुदाका मानिसहरूले पछाडि फर्केर हेरे, तब तिनीहरूले अगाडि र पछाडि दुवै तर्फबाट आफूमाथि आक्रमण हुन लागेको कुरा थाह पाए। त्यसैले तिनीहरूले यहोवा परमेश्वरलाई पुकार्न थाले+ र पुजारीहरूले चाहिँ ठूलठूलो आवाजमा बिगुल फुके। १५ यहुदाका मानिसहरूले चर्को स्वरले युद्धको घोषणा गरे। जब उनीहरूले युद्धको घोषणा गरे, तब साँचो परमेश्वरले अबियाह र यहुदासामु यरोबाम र पूरै इस्राएललाई हराउनुभयो। १६ इस्राएलीहरू यहुदाका मानिसहरूको सामनेबाट भागे र परमेश्वरले तिनीहरूलाई यहुदाका मानिसहरूको हातमा सुम्पिदिनुभयो। १७ अबियाह र तिनका मानिसहरूले भयङ्कर मारकाट मच्चाए। त्यस युद्धमा इस्राएलका ५ लाख तालिमप्राप्त योद्धा मारिए। १८ यसरी इस्राएलका मानिसहरूको अपमान भयो। तर यहुदाका मानिसहरू भने शक्तिशाली ठहरिए किनकि उनीहरूले आफ्ना पितापुर्खाका परमेश्वर यहोवामाथि भरोसा राखेका थिए।+ १९ अबियाहले यरोबामलाई खेद्न छोडेनन्। तिनले यरोबामका यी सहरहरू कब्जा गरे: बेथेल+ र त्यसवरपरका सहरहरू, यसानाह र त्यसवरपरका सहरहरू अनि एप्रैन+ र त्यसवरपरका सहरहरू। २० अबियाहको शासनकालमा यरोबाम फेरि कहिल्यै पहिलाजस्तो शक्तिशाली हुन सकेनन्। यहोवा परमेश्वरले यरोबामलाई प्रहार गर्नुभयो र उनी मरे।+
२१ तर अबियाह भने झन्झन् शक्तिशाली हुँदै गए। पछि तिनले १४ जना पत्नी ल्याए।+ तिनका २२ जना छोरा र १६ जना छोरी जन्मिए। २२ अबियाहको जीवनकालका बाँकी घटनाहरू, तिनले गरेका कामहरू र तिनले भनेका कुराहरू भविष्यवक्ता इद्दोको लेखोटमा पाइन्छ।+