“ब्यूँझनुहोस्! पढ्न मैले वास्तै गरेकी थिइनँ”
यी शब्दहरू क्यालिफोर्नियास्थित सान जोस स्टेट विश्वविद्यालयमा वातावरण विषय लिएर अध्ययनरत छात्राको हो। उनी अझ यसो भन्छिन्: “यो पत्रिकाले मलाई ‘चर्चमा जाऊ‘ वा ‘यहोवाको साक्षी बन’ भनिरहेको जस्तो लाग्थ्यो। तैपनि, यो अंक (जनवरी ८, १९९६, [अंग्रेजी] ‘खतरामा परेको हाम्रो ग्रह—के यो रहला?’) पढेर यसको विवरण एकदमै तथ्यपूर्ण पाउँदा भने म तीन छक परें! त्यस लेखले ‘संसारका प्रमुख वातावरणीय समस्याहरूबारे’ जानकारीमूलक चित्र पनि प्रस्तुत गरेको थियो। साथै त्यसमा वन-फडानी, विषाक्त पदार्थ, वायुमण्डलीय प्रदूषण, पानीको अभाव, लोप हुने खतरामा परेका वन्यजन्तुहरू र भू-क्षयको समस्या कहाँ कहाँ कति मात्रामा परिरहेको छ भनेर प्रस्टसँग बताएको छ।
“हुन त मेरो अहिलेसम्म बच्चाहरू छैनन्, तैपनि मेरा बच्चाहरू भए भने तिनीहरूले श्वास फेर्न स्वच्छ हावा, खेल्नलाई चउर अथवा बाँच्नलाई पानी पाउलान् कि नपाउलान् भन्ने चिन्ता लाग्छ। . . . यस लेखको लागि म तपाईंहरूको तारिफ गर्छु।”
ब्यूँझनुहोस्!-को प्रत्येक अंक १ करोड ३० लाखभन्दा बढी प्रति वितरण हुन्छ। यो ८० भाषाहरूमा छ, तीमध्ये ५६ भाषाहरूमा त महिनामा दुइ प्रति एकै समयमा प्रकाशित हुन्छन्। यदि तपाईं नियमित रूपमा यो पत्रिका पढ्न चाहनुहुन्छ भने, कृपया तपाईंका अगलबगलमा बस्ने यहोवाका साक्षीहरूलाई अथवा स्थानीय राज्यभवनमा फोन गर्नुहोस् या पृष्ठ ५ मा दिइएका ठेगानाहरूमध्ये तपाईंलाई नजीक पर्नेमा पत्राचार गर्नुहोस्।