बुँदा १०
स्वर परिवर्तन
हितोपदेश ८:४, ७
सारांश: स्वर, स्वरको तीखोपना र स्वरको गतिमा विविधता ल्याएर जानकारीलाई स्पष्ट र मन छुने तरिकामा प्रस्तुत गर्नुहोस्।
कसरी गर्न सकिन्छ?
स्वर सानो-ठूलो बनाउनुहोस्। मुख्य बुँदालाई जोड दिन र श्रोतालाई जुर्मुऱ्याउन स्वर ठूलो बनाउनुहोस्। कसैलाई न्यायदण्ड सुनाइएको भाग धर्मशास्त्रबाट पढ्दा पनि त्यसै गर्नुहोस्। श्रोतालाई उत्सुक बनाउन अथवा चिन्ता वा डर व्यक्त गर्न स्वर सानो बनाउनुहोस्।
स्वरको तीखोपनामा विविधता ल्याउनुहोस्। तपाईँको भाषामा सुहाउँछ भने उत्साह देखाउन स्वरको तीखोपना बढाउनुहोस्। साथै सानो-ठूलो आकार वा दूरीलाई सङ्केत गर्न कुनै अक्षरको लामो उच्चारण गर्न सक्नुहुन्छ। जस्तै: “ठूलो”-मा “ऊ”-को लामो उच्चारण गर्न सक्नुहुन्छ। दुःख वा चिन्ता व्यक्त गर्न स्वरको तीखोपना घटाउनुहोस्।
स्वरको गतिमा उतारचढाव ल्याउनुहोस्। उत्साह देखाउन छिटो बोल्नुहोस्। महत्त्वपूर्ण बुँदा बताउँदा बिस्तारै बोल्नुहोस्।