यसले गर्दा तिनीहरूले विवाहको औंठी फुकाल्नु परेन

“मेरा औंलाहरू हेर्नुहोस्‌ त। केही फरक देख्नुहुन्छ?” एक जना मानिसले आफ्नो हात यहोवाका साक्षीलाई देखाउँदै त्यसो भने र साक्षीले पनि त्यो मानिसको हात हेर्ने बित्तिकै विवाहको औंठी नभएको देखिहालिन्‌। त्यस मानिसले स्वास्नीसित मिलेर बस्न नसकेकाले अब पारपाचुके गर्ने निर्णय गरेको कुरा बताए। “ओहो, त्यसो नगर्नुहोस्‌!” साक्षीले भनिन्‌। “यो किताब पढ्‌नुहोस्‌। यसले तपाईंको वैवाहिक बन्धन टुक्रनदेखि रोक्नसक्छ” भन्दै तिनले बाइबल आधारित ज्ञान जसले अनन्त जीवनतर्फ डोऱ्‍याउँछ नामक पुस्तक दिइन्‌।a

केही दिनपछि त्यो मानिस हँसिलो मुहार लिएर त्यस साक्षीकहाँ आए। अनि तिनलाई आफ्नो हात देखाए। यसपटकचाहिं उसले आफ्नो विवाहको औंठी लगाएको थियो। त्यस मानिसले आफू र आफ्नी पत्नीले ज्ञान पुस्तक सँगै बसेर पढेको र अहिले तिनीहरू निकै आनन्दित भएको कुरा बताए। त्यस पुस्तकले गर्दा साँच्चै नै तिनीहरूको औंठी फुकाल्नु परेन।

बाइबलको सल्लाहले पति पत्नीलाई एकअर्काप्रति साँचो प्रेम देखाउन मदत गर्नसक्छ। किनभने बाइबलका लेखक अरू कोही नभई हाम्रै सृष्टिकर्ता हुनुहुन्छ। उहाँ यसो भन्‍नुहुन्छ: “म परमप्रभु तेरा परमेश्‍वर हुँ, जसले तेरो फायदाको निम्ति तँलाई सिकाउँछ। जसले तँ जाने बाटोमा तँलाई डोऱ्‍याउँछ।”—यशैया ४८:१७.

[फुटनोट]