आमाबाबुहरूले शिक्षकको पूर्वाग्रहप्रति आपत्ति जनाए
इटालीको कासानो मूर्जेस्थित एउटा निम्न माध्यमिक विद्यालयका शिक्षकले केही विद्यार्थीहरूलाई घर लैजान स्टीकरहरू दिए। तिनले ती स्टीकर मूल ढोकामा टाँस्नका लागि दिएका थिए। त्यसमा यस्तो सूचना थियो: “हामी क्याथोलिक हौं। यहोवाका साक्षीहरूले यस ढोकामा नढकढक्याउनुहुन अनुरोध गर्दछौं।”
विद्यार्थीहरूका केही आमाबाबुहरूले आफू यहोवाका साक्षी नभए तापनि शिक्षकको यस्तो कामप्रति एकदमै आपत्ति जनाए। म्वोभेते म्वोभेते समाचार पत्रिकाअनुसार ‘यस्तो कुरा सिकाउनाले केटाकेटीहरूमा भिन्दै खालका मानिसहरूलाई तिरस्कार गर्नुपर्छ अथवा “भिन्दै” धर्म मान्नेहरूसँग संगतै गर्नुहुँदैन भन्ने छाप पर्नजान्छ’ भनी आमाबाबुहरूले दोष देखाए। उक्त पत्रिकालाई यसबारे लेख्ने एउटी आमाले त्यस्तो स्टीकरलाई “सामाको बीउ, अज्ञानता र मूर्खताको जननी” भनिन्।
यस समाचारले शुद्ध मन भएका थुप्रै मानिसले पूर्वाग्रहको बीउ रोप्नाले हुने खतरा बुझेका छन् भनी देखाउँछ। तिनीहरू, इटालीलगायत संसारभरि यहोवाका साक्षीहरूले गरेका मसीही सेवकाईको आदर पनि गर्छन्। यहोवाका साक्षीहरूसँग ‘तिनीहरूमा भएको आशाको कारणबारे’ सोध्नुभए कसो होला? तिनीहरूले “गहिरो आदर[सहित]” यसबारे तपाईंसँग उत्सुकतासाथ छलफल गर्नेछन्।—१ पत्रुस ३:१५, NW.