ख्रीष्टियन जीवन
तपाईं किन शुद्ध उपासनाको कदर गर्नुहुन्छ?
इजकिएलले देखेको मन्दिरको दर्शनमा शुद्ध उपासना पुनर्स्थापना हुने आशा दिएकोले निर्वासनमा परेका यहूदीहरूले प्रोत्साहन पाए। अहिले अन्तको समयमा शुद्ध उपासना “सबै पर्वतहरूभन्दा उच्च” पारिएको छ र सारा राष्ट्रबाट त्यसतर्फ ओइरिएर आइरहेका मानिसहरूमा हामी पनि पर्छौं। (यशै २:२) के तपाईं यहोवालाई चिनेर उहाँको सेवा गर्न पाएको सुअवसरबारे नियमित रूपमा मनन गर्नुहुन्छ?
शुद्ध उपासनाका आशिष्हरू:
प्रशस्त आध्यात्मिक भोजन। यसबाट हामीले जीवनमा उठ्ने महत्त्वपूर्ण प्रश्नहरूको जवाफ, व्यावहारिक डोऱ्याइ र भविष्यको पक्का आशा पाएका छौं।—यशै ४८:१७, १८; ६५:१३; रोमी १५:४
परमेश्वरको सहकर्मी भएर सेवा गर्ने सुअवसर।—प्रे २०:३५; १को ३:९
कठिन अवस्थामा हामीलाई बलियो बनाउने “परमेश्वरको शान्ति।”—फिलि ४:६, ७
सफा अन्तस्करण।—२ति १:३
‘यहोवासितको घनिष्ठ सम्बन्ध।’—भज २५:१४
शुद्ध उपासनाको कदर गरेको कुरा म कसरी देखाउन सक्छु?