इनाममा दृष्टि राख

१. अन्धोले जब देख्नेछ,

बैह्रोले फेरि सुन्‍नेछ,

मरुभूमिमा फुल्छ फूल,

फुट्‌छ त्यहाँ पानीको मूल,

मृगझैं कूँजो उफ्रने,

प्रियजन कैल्यै नछुट्‌ने,

ती क्षण, ती पल हुन्‌ सब तिम्रा,

दृष्टि राखे है इनाममा।

२. गुँगोले जब बोल्नेछ,

वृद्ध नौजवान हुनेछ,

लहलह झुल्छ बाली,

डुब्दैन खुसीको लाली,

बालकको गीत गुञ्जनेछ,

शान्ति र खुसी छाउनेछ,

देख्नेछौ मृत ब्यूँतेका,

दृष्टि राखे है इनाममा।

३. थुमा र ब्वाँसो मिल्नेछ,

भालु र बाछो खेल्नेछ,

बालकले ती डोऱ्‍याउनेछ,

उसले भनेको मान्‍नेछ,

आँसु, व्यथा हराउनेछ,

डर अनि कष्ट बित्‌नेछ,

यी सब तिमीले देखौला,

दृष्टि राखे है इनाममा।