एकअर्कालाई प्रोत्साहन देऔं

१. या’को सेवा गर्नको लागि,

एकअर्कालाई झकझकाउँदा;

बलियो हुन्छ हाम्रो बन्धन;

छाउँछ शान्ति र एकता।

या’का जनबीचको न्यानो प्रेमले,

दिन्छ साहस सहनलाई।

शरण हो हाम्रो यो मण्डली;

उपस्थित हुन्छौं ढुक्क भई।

२. मिल्छ ठूलो सान्त्वना मनलाई,

सही समयमा बोल्दा।

प्यारा र वफादार साथीले

दिन्छन्‌ सधैं नै सान्त्वना।

विश्‍वास र आशा एउटै हाम्रो,

काम गर्छौं सँगसँगै मिली।

पार्छौं बलियो एकअर्कालाई;

मिलिजुली बोक्दछौं बोझ।

३. नजिकै आयो दिन याहको,

देख्छौं विश्‍वासको आँखाले।

भइरहौं भेला एकै ठाउँमा;

बचाउँछन्‌ अनि याहले।

एक हुँदै यहोवाका जनमाझ,

गर्नेछौं सधैंलाई सेवा।

दिन्छौं त्यसैले यो प्रोत्साहन;

कायम राख्नु आफ्नो निष्ठा।