‘म तिमीहरूलाई निकालेर ल्याउनेछु’—शुद्ध उपासना पुनर्स्थापित हुनेबारे प्रतिज्ञा गरिन्छ

इस्राएलको अवस्था एकदमै नाजुक छ। धर्मत्यागको कारण एकता भाँडिएको छ। इस्राएलले आफ्नो कामको नतिजा भोग्दै छ। त्यसले शुद्ध उपासनालाई बिटुलो बनाएको छ र परमेश्‍वरको नाममा कलङ्‌क लगाएको छ। यस्तो निराशाजनक अवस्थामा यहोवा परमेश्‍वरले इजकिएललाई आशा प्रदान गर्ने एकपछि अर्को भविष्यवाणी गर्न लगाउनुहुन्छ। जीवन्त उदाहरणहरू अनि भय र श्रद्धा जगाउने दर्शनहरू चलाएर यहोवा परमेश्‍वर कैदमा परेका इस्राएलीहरूलाई मात्र होइन तर शुद्ध उपासना पुनर्स्थापित भएको हेर्न चाहने सबैलाई प्रोत्साहन दिनुहुन्छ।