आवरण लेख: मोशाबाट के सिक्न सक्छौं?
मोशा को थिए?
मोशा नाम सुन्नेबित्तिकै तपाईंको दिमागमा कस्तो चित्र आउँछ?
a बाइबलले परमेश्वरको नाम यहोवा हो भनेर बताउँछ।
एउटी आमाले टोकरीमा राखेर नील नदीमा लुकाएको दूधे बालक।
पुरातन इजिप्टमा राजाको दरबारमा हुर्के तापनि आफू इस्राएली हुँ भनेर कहिल्यै नबिर्सेको केटो।
मिद्यानमा ४० वर्षसम्म गोठालो जीवन बिताएका मानिस।
जलिरहेको पोथ्रासामु यहोवाa परमेश्वरसित कुराकानी गरेको मानिस।
इस्राएलीहरूलाई दासत्वबाट मुक्त गराउन पुरातन इजिप्टको राजासामु साहसी भई खडा भएको मानिस।
राजाले साँचो परमेश्वरलाई इन्कार गर्दा परमेश्वरको निर्देशनबमोजिम पुरातन इजिप्टमा दस विपत्तिको घोषणा गरेको मानिस।
पुरातन इजिप्टबाट मुक्त भएका इस्राएलीहरूलाई डोऱ्याएका मानिस।
लाल समुद्रलाई दुई भाग पारेको मानिस।
परमेश्वरको दस आज्ञा इस्राएलीहरूलाई दिएको मानिस।
मोशाले यहाँ उल्लेख गरिएका बाहेक थुप्रै कुरा अनुभव गरे। त्यसैले ख्रीष्टियन, यहूदी अनि मुस्लिमले विश्वासी मोशाको गहिरो आदर गर्छन्।
मोशा “महान् र भयानक कामहरू” गर्ने भविष्यवक्ता थिए। (व्यवस्था ३४:१०-१२) मोशा साधारण मानिस थिए। तर परमेश्वरले शक्तिशाली कामहरू गर्न अह्राउनु हुँदा तिनले ती स्वीकारे। अरू भविष्यवक्ताहरूजस्तै मोशा पनि “हामीजस्तै मानिस नै थिए।” (याकूब ५:१७) हामीले भोग्ने थुप्रै समस्या मोशाले पनि भोगे र तिनले त्यो सफलतापूर्वक सामना गरे।
तिनी कसरी सफल हुन सके, के तपाईं जान्न चाहनुहुन्छ? मोशाले देखाएका तीनवटा राम्रा गुण अनि तिनको उदाहरणबाट हामीले सिक्ने पाठबारे विचार गरौं। (w13-E 02/01)