ख्रिष्टियन जीवन
यहोवा आफ्ना मानिसहरूको रक्षा गर्नुहुन्छ
पहिलो निस्तार चाड एकदमै महत्त्वपूर्ण अवसर थियो। त्यस रात फारोले आफ्नो पहिलो सन्तान मरेको थाह पाएपछि मोसालाई यसो भने: “तिमीहरू यहाँबाट गइहाल! अरू इस्राएलीहरूलाई पनि सँगै लिएर जाओ; तिमीहरूले भनेझैँ यहोवाको उपासना गर्न जाओ!” (प्रस्थ १२:३१) यहोवाले आफ्ना मानिसहरूको रक्षा गर्नुहुन्छ भनेर देखाउनुभयो।
यहोवाका साक्षीहरूको आधुनिक इतिहास हेर्ने हो भने उहाँले आफ्ना मानिसहरूलाई डोऱ्याइरहनुभएको र जोगाइरहनुभएको स्पष्ट प्रमाण देख्छौँ। यो कुरालाई मुख्यालयको सङ्ग्रहालयमा “यहोवाको नामको लागि छानिएका मानिसहरू” विषयअन्तर्गत प्रदर्शन गरिएको छ।
वारविकका सङ्ग्रहालयहरूको भ्रमण: “यहोवाको नामको लागि छानिएका मानिसहरू” भिडियो हेर्नुहोस् अनि निम्न प्रश्नहरूको जवाफ दिनुहोस्:
बाइबलप्रतिको विश्वास बढाउन सन् १९१४ को सुरुतिर बाइबल विद्यार्थीहरूले कस्तो किसिमको नौलो साधन प्रयोग गरे र त्यसले कस्तो नतिजा ल्यायो?
सन् १९१६ र १९१८ मा कस्ता परीक्षाहरूको सामना गर्नुपऱ्यो? यहोवाले सङ्गठनलाई डोऱ्याइरहनुभएको सङ्केत दिने प्रमाण के थियो?
विरोधको बाबजुद यहोवाका जनहरू कसरी विश्वासमा दृढ भई खडा रहन सके?
सन् १९३५ मा यहोवाका जनहरूले कुन नयाँ बुझाइ पाए र त्यसले तिनीहरूमा कस्तो प्रभाव पाऱ्यो?
यदि तपाईँले यो सङ्ग्रहालयमा वा स्थानीय शाखा कार्यालयको प्रदर्शनीमा भ्रमण गर्नुभएको छ भने त्यसले कसरी यहोवाले आफ्ना मानिसहरूलाई डोऱ्याइरहनुभएको र जोगाइरहनुभएको छ भन्ने कुरामा तपाईँको विश्वास बढायो?