युवाहरू हो—के यहोवा तपाईँको सबैभन्दा घनिष्ठ साथी हुनुहुन्छ?

तपाईँ साथीमा कस्ता गुणहरू भएको चाहनुहुन्छ? तपाईँ तिनी वफादार, दयालु र उदार भएको चाहनुहुन्छ होला। यहोवा त्यस्तै हुनुहुन्छ। (प्रस्थ ३४:६; प्रे १४:१७) उहाँ तपाईँको प्रार्थना सुन्‍नुहुन्छ। तपाईँ खाँचोमा पर्दा उहाँ मदत गर्नुहुन्छ। (भज १८:१९, ३५) उहाँ तपाईँको गल्ती क्षमा गर्नुहुन्छ। (१यु १:९) यहोवा कत्ति असल साथी हुनुहुन्छ!

तपाईँ कसरी यहोवाको साथी बन्‍न सक्नुहुन्छ? उहाँको वचन पढेर उहाँबारे सिक्नुहोस्‌। आफ्नो मनको बह उहाँलाई पोखाउनुहोस्‌। (भज ६२:८; १४२:२) यहोवाले अनमोल ठान्‍नुहुने कुराहरूलाई तपाईँ पनि अनमोल ठान्‍नुहुन्छ भनेर देखाउनुहोस्‌। जस्तै: उहाँको छोरा, उहाँको राज्य र भविष्यको लागि उहाँले गर्नुभएको प्रतिज्ञाहरू। उहाँबारे अरूलाई बताउनुहोस्‌। (व्य ३२:३) यहोवासित घनिष्ठ मित्रता गाँस्नुभयो भने उहाँ सधैँभरि तपाईँको साथी हुनुहुनेछ।—भज ७३:२५, २६, २८.

युवाहरू हो—“चाखेर हेर, यहोवा कत्ति भलो हुनुहुन्छ” भिडियो हेर्नुहोस्‌ अनि निम्न प्रश्‍नहरूको जवाफ दिनुहोस्‌:

• 

  तपाईँ समर्पण र बप्तिस्माको लागि कसरी तयारी गर्न सक्नुहुन्छ?

• 

  मण्डलीको अरू सदस्यहरूले तपाईँलाई यहोवाको सेवा गर्न कस्तो मदत दिन सक्छन्‌?

• 

  क्षेत्र सेवामा भाग लिँदा यहोवासितको तपाईँको सम्बन्ध कसरी बलियो हुन्छ?

• 

  तपाईँ सेवाका अरू कुन-कुन पक्षमा भाग लिन सक्नुहुन्छ?

• तपाईँलाई यहोवाको कुन गुण मन पर्छ?