फुटनोट

a यहोवाले वफादार राजा दाउदसित तिनको एक जना उत्तराधिकारीले सदाको लागि शासन गर्नेछन्‌ भन्‍ने प्रतिज्ञा गर्नुभएको थियो। (भजन ८९:३५-३७) तर ईसापूर्व ६०७ मा बेबिलोनले यरुसलेम सहर विनाश गरेपछि दाउदको वंशबाट आएको कुनै पनि मानव राजा परमेश्‍वरको सिंहासनमा बसेनन्‌। पछि येसु दाउदको उत्तराधिकारीको रूपमा जन्मनुभयो। उहाँले भविष्यवाणीअनुसारै परमेश्‍वरको सिंहासनमा बसेर सदाको लागि शासन गर्नुहुने थियो। उहाँ स्वर्गमा मसीही राज्यको राजा हुनुहुँदा “सबै कुरा पुनर्स्थापित हुने समय” सुरु भयो।